Jeremías 22:8 - Li Santil hu

⁸ Ut nabal li cristian li teꞌcha̱lk chak saꞌ jalan tenamit teꞌnumekꞌ saꞌ li naꞌajej aꞌin ut teꞌxye chi ribileb rib, ¿Cꞌaꞌut nak li Ka̱cuaꞌ xsach ru li nimla tenamit aꞌin?” chaꞌakeb.

Q'eqchi Bible

⁸ “Naab'aleb' li poyanam te'nume'q chi xk'atq li tenamit a'in, ut te'xye chirib'ileb' rib': «K'a'ut naq li Qaawa' xb'aanu chi jo'kan re li xnimal ru tenamit a'in?», cha'qeb'.

Jeremías 22:8 ပူးပေါင်းရင်းမြစ်များ

Daniel 9:7

At Ka̱cuaꞌ, la̱at junelic nacaba̱nu li ti̱quilal, abanan la̱o xuta̱nal noco-el riqꞌuin li ma̱usilal nakaba̱nu. Chikajunilo la̱o aj Israel xoma̱cob toj chalen anakcuan, li cuanqueb Judá joꞌ ajcuiꞌ li cuanqueb Jerusalén ut chixjunileb li tenamit Israel; li cuanqueb chi nachꞌ joꞌ ajcuiꞌ li cuanqueb chi najt saꞌ chixjunileb li naꞌajej bar xajeqꞌuiheb cuiꞌ ruheb xban nak xeꞌxkꞌet li chakꞌrab li qꞌuebil reheb a̱ban.

Lamentaciones 4:12

Eb lix reyeb li jalan xtenamiteb ma̱ jokꞌe queꞌxcꞌoxla nak naru teꞌoc saꞌ li tenamit Jerusalén li xicꞌ nequeꞌiloc reheb. Chi moco eb li jalan tenamit queꞌxpa̱b nak naru teꞌoc saꞌ li oqueba̱l re li tenamit Jerusalén.

Jeremías 16:10

Nak ta̱ye reheb li tenamit li cꞌaꞌru xinye, eb aꞌan teꞌxye a̱cue, “¿Cꞌaꞌut nak li Ka̱cuaꞌ tixqꞌue chak li nimla raylal aꞌin saꞌ kabe̱n? ¿Cꞌaꞌru li incꞌaꞌ us xkaba̱nu la̱o? ¿Ma cuan ta biꞌ kama̱c chiru li Ka̱cuaꞌ li kaDios?” chaꞌakeb.

Jeremías 40:2

Laj Nabuzaradán li nataklan saꞌ xbe̱neb li soldado quixye re laj Jeremías: —Li Ka̱cuaꞌ la̱ Dios quixye nak li naꞌajej aꞌin tento nak tixcꞌul li raylal.

Ezequiel 5:15

Texseꞌe̱k ut texhobekꞌ ut eb li xni̱nkal tenamit li cuanqueb che̱jun sutam teꞌxucuak chirilbal li cꞌaꞌru te̱cꞌul nak tinrakok a̱tin saꞌ e̱be̱n riqꞌuin lin joskꞌil. Texinkꞌus chi cau nak yo̱k injoskꞌil saꞌ e̱be̱n. La̱in li Ka̱cuaꞌ yo̱quin chi yehoc re aꞌin.

Ezequiel 12:16

Abanan, incꞌaꞌ tinqꞌueheb chi camsi̱c chixjunileb. Tebincol ban chiru li camsi̱nc ut chiru li cueꞌej ut chiru li caki yajel re nak naru teꞌxserakꞌi saꞌ eb li tenamit chixjunil li ma̱usilal li queꞌxba̱nu. Ut riqꞌuin aꞌan teꞌxqꞌue retal nak la̱in li Ka̱cuaꞌ, chan li Dios.

Ezequiel 14:23

Nak te̱ril lix yibal ru lix yehom xba̱nuhomeb ta̱cꞌojla̱k e̱chꞌo̱l xban nak te̱qꞌue retal nak xcꞌulubeb xcꞌulbal li tojba ma̱c li xinqꞌue saꞌ xbe̱neb, chan li Ka̱cuaꞌ li nimajcual Dios.

Ezequiel 39:23

Ut eb li xni̱nkal ru tenamit teꞌxnau nak eb laj Israel queꞌcꞌameꞌ chi pre̱xil saꞌ jalan tenamit xban li ma̱usilal queꞌxba̱nu nak queꞌxkꞌetkꞌeti ribeb chicuu. Joꞌcan nak la̱in xincanabeb xjuneseb. Xinkꞌaxtesiheb saꞌ rukꞌeb li xicꞌ nequeꞌiloc reheb ut eb laj Israel queꞌcamsi̱c saꞌ li ple̱t.

Jeremías 40:3

Ut anakcuan xcꞌulman joꞌ quixye li Ka̱cuaꞌ. Chixjunil li raylal aꞌin xcꞌulman xban nak la̱ex xexma̱cob chiru li Ka̱cuaꞌ ut incꞌaꞌ xeba̱nu li cꞌaꞌru quixye e̱re.