Jeremías 22:6 - Li Santil hu

⁶ Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Q'eqchi Bible

⁶ Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Jeremías 22:6 ပူးပေါင်းရင်းမြစ်များ

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Jeremías 26:18

Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Jeremías 21:11

Li Ka̱cuaꞌ quixye cue nak tinye reheb li ralal xcꞌajol laj David chi joꞌcaꞌin:

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Cantares 5:15

Li raꞌ chanchan li okech yi̱banbil riqꞌuin mármol xakabanbil saꞌ cha̱bil oro. Li cui̱nk li ninra, chꞌinaꞌus rilbal. Chanchan xchꞌinaꞌusal li naꞌajej Líbano. Sicꞌbil ru joꞌ li cheꞌ chacalteꞌ.

Deuteronomio 3:25

Nintzꞌa̱ma cha̱cuu nak china̱canab chi xic jun pacꞌal li nimaꞌ Jordán chirilbal li cha̱bil naꞌajej. Tincuil taxak li cha̱bil naꞌajej li tzu̱l ru ut li naꞌajej Líbano, chanquin re.

Números 32:1

Kꞌaxal nabaleb lix queto̱mkeb li ralal xcꞌajol laj Rubén ut eb li ralal xcꞌajol laj Gad. Queꞌril li naꞌajej Jazer ut Galaad ut queꞌxqꞌue retal nak cha̱bil re qꞌuiresi̱nc queto̱mk.

Cantares 4:1

At ixk, la̱at li kꞌaxal nacatinra. Cꞌajoꞌ xchakꞌal a̱cuu. Li xnakꞌ a̱cuu chꞌinaꞌus, usta mukmu riqꞌuin la̱ tꞌicr. Chanchaneb li paloma xban xchꞌinaꞌusal. Li rismal a̱jolom nalemtzꞌun. Chanchan jun chꞌu̱tal chi chiba̱t li yo̱queb chi cubec saꞌ li tzu̱l Galaad.

Jeremías 50:12

Abanan le̱ tenamit la̱ex ta̱isi̱k xlokꞌal. Li tenamit li xexyoꞌla cuiꞌ ta̱cꞌutekꞌ xxuta̱n usta kꞌaxal lokꞌ nak quicuan. Aꞌanak li kꞌaxal caꞌchꞌin xcuanquil saꞌ xya̱nkeb chixjunileb li tenamit. Ta̱sukꞌisi̱k chokꞌ chaki chꞌochꞌ ut ma̱cꞌaꞌak cuan chi saꞌ.

Zacarías 11:1

Canabomak e̱rib chixcꞌulbal li tojba ma̱c cha̱lc re saꞌ e̱be̱n, la̱ex aj Líbano. La̱ex tex-osokꞌ joꞌ nak quicꞌateꞌ li chacalteꞌ li cuan saꞌ qꞌuicheꞌ.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Jeremías 8:22

¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.