Jeremías 22:5 - Li Santil hu

⁵ Abanan cui incꞌaꞌ te̱ba̱nu joꞌ ninye e̱re, ta̱sachekꞌ ru li palacio aꞌin. Juqꞌuinbil chic ta̱cana̱k. Saꞌ incꞌabaꞌ ajcuiꞌ la̱in xinba̱nu li juramento nak ta̱cꞌulma̱nk li cꞌaꞌru xinye.

Q'eqchi Bible

⁵ Ab'anan, wi' ink'a' nekepaab' leeq'usb'al inb'aan, li xchaq'alil ru ochoch a'in po'lem taakanaaq wi'»”, chan li Qaawa'.

Jeremías 22:5 ပူးပေါင်းရင်းမြစ်များ

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.

Hebreos 6:13

Ma̱cꞌaꞌ junak mas nim xcuanquil chiru li Dios. Joꞌcan nak li Dios quixpatzꞌ xcꞌabaꞌ chi ribil rib nak quixyechiꞌi li rosobtesinquil laj Abraham.

Jeremías 17:27

Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

Génesis 22:16

Ut quixye re: —Joꞌcaꞌin xye li Ka̱cuaꞌ Dios: xban nak la̱at xamayeja raj la̱ cualal chicuu, relic chi ya̱l tinye a̱cue nak tatincuosobtesi.

Jeremías 39:8

Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Isaías 1:20

Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Hebreos 6:17

Joꞌcan nak li Dios quixyechiꞌi li ma̱tan riqꞌuin juramento. Quiraj xcꞌutbal chiruheb li teꞌe̱chani̱nk re nak tzꞌakal ya̱l li yo̱ chixyebal. Ut incꞌaꞌ tixjal ru li ra̱tin.

Hebreos 3:18

Ut, ¿aniheb aj e quixye li Dios nak relic chi ya̱l incꞌaꞌ teꞌoc chi hila̱nc riqꞌuin saꞌ li cha̱bil naꞌajej? Reheb li queꞌkꞌetoc re lix chakꞌrab.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Salmos 95:11

La̱in quinjoskꞌoꞌ riqꞌuineb ut quinye reheb nak incꞌaꞌ ta̱ru̱k teꞌoc saꞌ li naꞌajej li quinqꞌue raj reheb re teꞌhila̱nk, chan li Dios.

2 Crónicas 7:22

Cuanqueb li teꞌxye, “Xeꞌxcꞌul chi joꞌcan xban nak queꞌxtzꞌekta̱na li Dios li queꞌxlokꞌoni chak lix xeꞌto̱nil yucuaꞌeb. Li Dios, aꞌan li qui-isin chak reheb saꞌ li tenamit Egipto. Eb aꞌan queꞌxlokꞌoni li jalanil dios ut queꞌcꞌanjelac chiruheb. Joꞌcan nak li Dios xqꞌue li raylal aꞌin saꞌ xbe̱neb,” chaꞌkeb.—

2 Crónicas 7:19

Abanan cui la̱ex te̱jal le̱ naꞌleb ut te̱canab xba̱nunquil le̱ taklanquil li yo̱quin chixqꞌuebal e̱re, ut cui te̱canab xba̱nunquil li cꞌaꞌru naxye saꞌ lin chakꞌrab li xinqꞌue e̱re, ut cui la̱ex tex-oc chixlokꞌoninquil jalanil dios ut texcꞌanjelak chiruheb,

San Mateo 23:38

Ut anakcuan le̱ tenamit joꞌ ajcuiꞌ li templo ta̱cana̱k chi naqꞌuirnac aj chic ru.

Jeremías 26:4

Ta̱ye reheb: Aꞌan aꞌin li naxye li Ka̱cuaꞌ. Cui incꞌaꞌ tex-abi̱nk chicuu ut cui incꞌaꞌ te̱ba̱nu li cꞌaꞌru naxye lin chakꞌrab li quinqꞌue e̱re, la̱in texinqꞌue chixtojbal le̱ ma̱c.

Jeremías 44:26

Abanan la̱ex aj judío li cuanquex arin Egipto, cherabi li cꞌaꞌru naxye li Ka̱cuaꞌ. Li Ka̱cuaꞌ naxye: —La̱in li yoꞌyo̱quil Dios riqꞌuin juramento ninye nak ma̱ jun aj judío li cuan Egipto tixpatzꞌ incꞌabaꞌ nak ta̱tijok, chi moco tixba̱nu chic li juramento saꞌ incꞌabaꞌ.

2 Crónicas 7:21

Li templo aꞌin, li cꞌajoꞌ xchakꞌal ru anakcuan, chixjunileb li ani teꞌnumekꞌ teꞌril ut teꞌxucuak xban ut teꞌxye, “¿Cꞌaꞌut nak xba̱nu li Ka̱cuaꞌ chi joꞌcaꞌin re li tenamit aꞌin ut re li templo aꞌin?”

Jeremías 12:7

La̱in xintzꞌekta̱naheb laj Israel. Xincanabeb xjunes li quinsicꞌ ruheb junxil. Xinkꞌaxtesiheb li tenamit li ninra saꞌ rukꞌeb li xicꞌ nequeꞌiloc reheb.