Jeremías 22:3 - Li Santil hu

³ La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Q'eqchi Bible

³ B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Jeremías 22:3 ပူးပေါင်းရင်းမြစ်များ

Jeremías 21:12

—La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Joel 3:19

Ut li nimla tenamit Egipto ta̱sachekꞌ ru ut li naꞌajej Edom ta̱cana̱k chi ma̱cꞌaꞌ chic cuan chiru xban li ma̱usilal li queꞌxba̱nu reheb laj Judá. Queꞌxcamsiheb laj Judá chi ma̱cꞌaꞌeb xma̱c.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

Jeremías 5:28

Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Proverbios 23:10

Li xlaje li naꞌleb, aꞌan aꞌin: Incꞌaꞌ te̱jal xnaꞌaj li nuba̱l li ac qꞌuebil najter, chi moco te̱chap xchꞌochꞌeb li ma̱cꞌaꞌeb xnaꞌ xyucuaꞌ,

Salmos 68:5

Li Dios, aꞌan nacuan junelic saꞌ lix santil ochoch. Aꞌan xyucuaꞌeb li ma̱cꞌaꞌeb xnaꞌ xyucuaꞌeb ut aꞌan ajcuiꞌ na-iloc reheb li xma̱lcaꞌan.

2 Reyes 24:4

Ut xban ajcuiꞌ nak nabaleb li ma̱cꞌaꞌeb xma̱c quixcamsiheb laj Manasés. Chanchan nak quinujac li tenamit riqꞌuin lix quiqꞌueleb. Ut li Ka̱cuaꞌ incꞌaꞌ chic quiraj xcuybal xma̱c.

Deuteronomio 24:7

Cui junak li cui̱nk ta̱relkꞌa li rech aj Israelil ut tixqꞌue joꞌ jun lix mo̱s malaj ut naxcꞌayi, tento nak ta̱camsi̱k li ani qui-elkꞌan re. Tento nak te̱risi saꞌ e̱ya̱nk chixjunil li ma̱usilal aꞌan.

Jeremías 26:16

Tojoꞌnak eb li cuanqueb xcuanquil ut eb li tenamit queꞌxye reheb laj tij ut reheb li profeta: —Incꞌaꞌ naru takateneb ca̱mc saꞌ xbe̱n li cui̱nk aꞌin. Saꞌ xcꞌabaꞌ li Ka̱cuaꞌ li kaDios x-a̱tinac kiqꞌuin, chanqueb.

Proverbios 6:17

li ani naxnimobresi rib ut li ani naticꞌtiꞌic, ut li ani naxcamsi ras ri̱tzꞌin chi ma̱cꞌaꞌ xma̱c,

Salmos 94:21

Nequeꞌxye nak li ti̱queb xchꞌo̱l cuanqueb xma̱c ut nequeꞌxteneb ca̱mc saꞌ xbe̱neb.

Salmos 94:6

Nequeꞌxcamsiheb li xma̱lcaꞌan ut eb li ma̱ ani cuan reheb. Ut nequeꞌxcamsiheb ajcuiꞌ li jalaneb xtenamiteb li cuanqueb saꞌ kanaꞌaj.

Li xHu LAJ JOB 24:9

Eb li incꞌaꞌ useb xnaꞌleb nequeꞌxmakꞌ lix cꞌulaꞌaleb li xma̱lcaꞌan ut nequeꞌxcꞌam chi prenda xban nak cuan xcꞌaseb.

Li xHu LAJ JOB 22:9

Eb li xma̱lcaꞌan incꞌaꞌ nacaqꞌueheb cꞌaꞌru reheb. Ut eb li ma̱cꞌaꞌeb xnaꞌ xyucuaꞌ nacarahobtesiheb.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

Deuteronomio 27:19

Tzꞌekta̱nanbil li ani naxba̱nu ma̱usilal reheb li jalan xtenamiteb, malaj ut li ma̱cꞌaꞌ xnaꞌ xyucuaꞌ, malaj ut li xma̱lcaꞌan. Ut chixjunileb li tenamit teꞌxye: Joꞌcan taxak.

Deuteronomio 25:1

Cui cuan li yo̱queb chi pletic, eb aꞌan teꞌxic riqꞌuin laj rakol a̱tin. Ut laj rakol a̱tin tixtzꞌil rix li ani cuan xma̱c ut li ani ma̱cꞌaꞌ xma̱c.

Deuteronomio 10:18

Aꞌan na-iloc reheb li ma̱cꞌaꞌeb xnaꞌ xyucuaꞌ joꞌ ajcuiꞌ eb li xma̱lcaꞌan. Naxraheb li jalaneb xtenamit ut naxqꞌue xcua rucꞌaheb ut naxqꞌue ajcuiꞌ rakꞌeb.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Éxodo 22:22

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌeb.

San Mateo 23:23

Ra cha̱lel saꞌ e̱be̱n la̱ex aj tzꞌi̱b ut ex aj fariseo, ex aj caꞌ pacꞌal u. Nequemayeja lix laje̱tkil li isquiꞌij, li eneldo ut li comino. Ut nequetzꞌekta̱na li kꞌaxal cuan xcuanquil saꞌ li chakꞌrab. Incꞌaꞌ nequeba̱nu li ti̱quilal. Incꞌaꞌ nequex-uxta̱nan u ut incꞌaꞌ nequexpa̱ban. Us nak nequemayeja lix laje̱tkil abanan incꞌaꞌ raj nequecanab xba̱nunquil li kꞌaxal cuan xcuanquil.

Éxodo 22:21

Me̱balakꞌiheb li jalaneb xtenamit chi moco te̱ba̱nu raylal reheb, xban nak jalan ajcuiꞌ e̱tenamit la̱ex nak quexcuan chak saꞌ li tenamit Egipto.

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

Isaías 58:7

Qꞌuehomakeb chi cuaꞌac li teꞌtzꞌoca̱k ut cꞌulumakeb saꞌ le̱ rochoch li ma̱cꞌaꞌ rochocheb. Qꞌuehomak rakꞌeb li ma̱cꞌaꞌ rakꞌeb ut tenkꞌahomakeb le̱ rechꞌalal.

Jeremías 7:23

Li cꞌaꞌru quinchakꞌrabiheb cuiꞌ chak junxil, aꞌan aꞌin: te̱ba̱nu li cꞌaꞌru ninye ut la̱inak le̱ Dios ut la̱exak lin tenamit. Chexcua̱nk joꞌ ninye e̱re re nak us tex-e̱lk, chanquin reheb.

Jeremías 19:4

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.

Lamentaciones 3:36

Li Ka̱cuaꞌ incꞌaꞌ nacuulac chiru nak incꞌaꞌ narakeꞌ a̱tin saꞌ ti̱quilal.

Ezequiel 18:12

Ma̱re naxrahobtesiheb li nebaꞌ ut li tenkꞌa̱c teꞌraj ut na-elkꞌa̱c. Incꞌaꞌ naxkꞌaxtesi li cꞌaꞌru quiqꞌueheꞌ re chokꞌ prenda. Naxlokꞌoniheb li jalanil dios ut naxba̱nu li ma̱usilal.

Ezequiel 45:9

Li nimajcual Dios quixye: —La̱ex li nequextaklan saꞌ xbe̱neb lin tenamit Israel, tzꞌakal li rahobtesi̱nc li xeba̱nu. Canabomak xba̱nunquil li ma̱usilal. Cheba̱nu ban li us ut chexcua̱nk saꞌ ti̱quilal. Canabomak xmakꞌbal lix chꞌochꞌeb lin tenamit, chan.

Amós 5:24

Cheba̱nuhak ban li ti̱quilal ut li cha̱bilal chi ma̱cꞌaꞌak rosoꞌjic. Chanchanak li rok haꞌ ut li yuꞌam haꞌ li incꞌaꞌ nachakic.

Deuteronomio 24:17

Me̱ba̱nu ma̱usilal reheb li jalaneb xtenamit li cuanqueb saꞌ e̱ya̱nk, joꞌ eb ajcuiꞌ li ma̱cꞌaꞌ xnaꞌ xyucuaꞌ. Ut incꞌaꞌ te̱cꞌul chokꞌ prenda li rakꞌ li xma̱lcaꞌan.

Salmos 82:4

Chatenkꞌaheb li raheb saꞌ xchꞌo̱l ut li teꞌraj tenkꞌa̱c. Ut chacoleb chiruheb li incꞌaꞌ useb xnaꞌleb.

Ezequiel 18:7

Ma̱ ani naxrahobtesi chi moco na-elkꞌac. Naxkꞌaxtesi li nequeꞌxcanab riqꞌuin chokꞌ xprenda li ani natoꞌonin. Naxqꞌue xtzacae̱mk li ta̱tzꞌoca̱k ut naxqꞌue rakꞌ li ma̱cꞌaꞌ rakꞌ.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.