Jeremías 22:28 - Li Santil hu

²⁸ Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

Q'eqchi Bible

²⁸ Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Jeremías 22:28 ပူးပေါင်းရင်းမြစ်များ

Oseas 8:8

Eb laj Israel teꞌsachekꞌ xcuanquil. Ma̱cꞌaꞌ chic teꞌoc cuiꞌ chiruheb li jalan tenamit. Chanchanakeb aj chic jun li secꞌ ma̱cꞌaꞌ chic xcꞌanjel. Yal re tzꞌekecꞌ aj chic.

Salmos 31:12

Incꞌaꞌ chic niquineꞌxcꞌoxla. Chanchanin chic li camenak chiruheb. Chanchanin chic li jorol cuc li ma̱cꞌaꞌ chic na-oc cuiꞌ chiruheb.

Jeremías 48:38

Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Oseas 13:15

Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Jeremías 22:30

Aꞌan aꞌin li naxye, “Te̱tzꞌi̱ba retalil joꞌ jun li cui̱nk li ma̱cꞌaꞌ ralal xcꞌajol. Li cui̱nk aꞌin incꞌaꞌ us ta̱e̱lk riqꞌuin li cꞌaꞌru tixba̱nu. Ma jun reheb li ralal xcꞌajol ta̱oc chokꞌ rey saꞌ lix naꞌaj laj David. Incꞌaꞌ teꞌoc chokꞌ xreyeb laj Judá.”

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

2 Samuel 5:21

Eb laj filisteo queꞌe̱lelic chiru laj David ut queꞌxcanab lix yi̱banbil dios nak queꞌco̱eb. Ut laj David ut eb li cuanqueb rochben queꞌxcꞌat lix dioseb.

2 Crónicas 21:20

Cablaju xcaꞌcꞌa̱l (32) chihab cuan re laj Joram nak qui-oc chokꞌ rey. Cuakxakib chihab quicuan saꞌ xcuanquil aran Jerusalén. Ma̱ ani quirahoꞌ xchꞌo̱l nak quicam. Quimukeꞌ saꞌ lix tenamit laj David, abanan ma̱cuaꞌ saꞌ li naꞌajej li queꞌmukeꞌ cuiꞌ eb li rey.

Jeremías 22:27

Incꞌaꞌ chic tatsukꞌi̱k saꞌ la̱ tenamit, usta kꞌaxal ta̱cuaj raj sukꞌi̱c, chan li Dios.

Jeremías 27:20

Laj Nabucodonosor lix reyeb laj Babilonia incꞌaꞌ quixcꞌam li cꞌaꞌak re ru aꞌan nak quixcꞌam aran Babilonia laj Jeconías li ralal laj Joacim lix reyeb laj Judá rochbeneb chixjunileb li nequeꞌtaklan aran Jerusalén ut Judá.

Jeremías 37:1

Laj Nabucodonosor, lix reyeb laj Babilonia, quixxakab laj Sedequías li ralal laj Josías chokꞌ xreyeb laj Judá chokꞌ re̱kaj laj Jeconías li ralal laj Joacim.

Jeremías 16:12

Ut la̱ex kꞌaxal cuiꞌchic yibru nequeba̱nu chiru li queꞌxba̱nu le̱ xeꞌto̱nil yucuaꞌ. Nequeba̱nu li ma̱usilal li nequeraj xba̱nunquil yal e̱junes ut incꞌaꞌ us le̱ naꞌleb. Incꞌaꞌ nequeba̱nu li cꞌaꞌru naxye li Ka̱cuaꞌ.

Jeremías 24:1

Li Ka̱cuaꞌ quixcꞌut chicuu cuib li chacach nujenak chi higo cuan chiru li templo. Aꞌin quicꞌulman nak ac xcꞌameꞌ aran Babilonia laj Jeconías ralal laj Joacim lix reyeb laj Judá. Quichapeꞌ Jerusalén xban laj Nabucodonosor, lix reyeb laj Babilonia ut queꞌcꞌameꞌ ajcuiꞌ chixjunileb laj cꞌamol be saꞌ xya̱nkeb laj Judá, joꞌ eb ajcuiꞌ laj tenol chꞌi̱chꞌ ut eb laj pechꞌ.