Jeremías 22:24 - Li Santil hu

²⁴ Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

Q'eqchi Bible

²⁴ Li Qaawa' kixye re laj Jekonías, ralal laj Johakín, li awab'ej re Judá: “Ninye li waatin chi tz'aqal yaal: Wi ta laa'at matq'ab' re kaaxtink, li wank ta chi ru'uj wuq', tatwisi raj b'arwi' wankat

Jeremías 22:24 ပူးပေါင်းရင်းမြစ်များ

Jeremías 37:1

Laj Nabucodonosor, lix reyeb laj Babilonia, quixxakab laj Sedequías li ralal laj Josías chokꞌ xreyeb laj Judá chokꞌ re̱kaj laj Jeconías li ralal laj Joacim.

Cantares 8:6

Junelic taxak cua̱nkin saꞌ a̱chꞌo̱l. Chanchan taxak tzꞌi̱banbilak lin cꞌabaꞌ chiru la̱ tel. La̱ rahom xnumta saꞌ inbe̱n. Incꞌaꞌ naru nincol cuib chiru. Chanchan li ca̱mc. Li rahoc chanchan jun li nimla xam.

1 Crónicas 3:16

Cuib li ralal laj Joacim. Aꞌaneb laj Jeconías ut laj Sedequías.

Hageo 2:23

Li Ka̱cuaꞌ li kꞌaxal nim xcuanquil quixye re laj Zorobabel: —Saꞌ li cutan aꞌan la̱in tin-ilok a̱cue, at Zorobabel, ralalat laj Salatiel. Sicꞌbil a̱cuu inban, la̱at laj cꞌanjel chicuu. Raro̱cat inban joꞌ lin matkꞌab re xba̱nunquil sellar, chan li nimajcual Dios.

Jeremías 22:28

Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

Jeremías 22:6

Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.

2 Reyes 24:15

Quixcꞌam chi pre̱xil li rey Joaquín toj Babilonia joꞌ ajcuiꞌ lix naꞌ ut eb li rixakil ut eb li cui̱nk li nequeꞌtenkꞌan re chi taklac. Ut quixcꞌameb ajcuiꞌ chi pre̱xil li cui̱nk li cuanqueb xcuanquil saꞌ li tenamit Jerusalén.

2 Crónicas 36:9

Cuakxakib chihab cuan re laj Joaquín nak qui-oc chokꞌ xreyeb laj Judá. Oxib po riqꞌuin laje̱b cutan quicuan saꞌ xcuanquil aran Jerusalén. Quixba̱nu li incꞌaꞌ us chiru li Ka̱cuaꞌ.

Isaías 49:16

Junelic ban cua̱nkex saꞌ inchꞌo̱l. Chanchan nak tzꞌi̱banbil le̱ cꞌabaꞌ saꞌ li cuukꞌ. Junelic cuan saꞌ inchꞌo̱l li tzꞌac li sutsu cuiꞌ le̱ tenamit.

Jeremías 28:4

La̱in tinqꞌue chi sukꞌi̱c arin laj Jeconías li ralal laj Joacim, lix reyeb laj Judá. Tinqꞌueheb ajcuiꞌ chi sukꞌi̱c chixjunileb laj Judá li queꞌchapeꞌ, ut queꞌcꞌameꞌ Babilonia xban nak la̱in tincuisi xcuanquil lix reyeb laj Babilonia,” chan li Ka̱cuaꞌ.

Jeremías 29:2

Quixtzꞌi̱ba li hu aꞌan nak ac queꞌchapeꞌ ut queꞌcꞌameꞌ Babilonia li rey Jeconías ut lix naꞌ, ut eb li nequeꞌcꞌanjelac saꞌ li palacio, joꞌ eb ajcuiꞌ li cuanqueb xcuanquil aran Jerusalén ut Judá, rochbeneb laj pechꞌ ut laj tꞌenol chꞌi̱chꞌ li nequeꞌxnau trabajic chi us.

Jeremías 13:18

Yehomak resil re li rey ut re li reina, “Cubsihomak e̱rib ut chunlankex saꞌ chꞌochꞌ xban nak xcuulac xkꞌehil nak ta̱isi̱k le̱ corona.”

Jeremías 24:1

Li Ka̱cuaꞌ quixcꞌut chicuu cuib li chacach nujenak chi higo cuan chiru li templo. Aꞌin quicꞌulman nak ac xcꞌameꞌ aran Babilonia laj Jeconías ralal laj Joacim lix reyeb laj Judá. Quichapeꞌ Jerusalén xban laj Nabucodonosor, lix reyeb laj Babilonia ut queꞌcꞌameꞌ ajcuiꞌ chixjunileb laj cꞌamol be saꞌ xya̱nkeb laj Judá, joꞌ eb ajcuiꞌ laj tenol chꞌi̱chꞌ ut eb laj pechꞌ.