Jeremías 22:23 - Li Santil hu

²³ La̱ex li cuanquex saꞌ le̱ rochoch li xeyi̱b riqꞌuin li chacalteꞌ li xchal Líbano, cꞌajoꞌ nak texya̱bak xban li raylal te̱cꞌul. Li raylal li te̱cꞌul chanchan li raylal li naxcꞌul li ixk li oc re chi qꞌuira̱c.

Q'eqchi Bible

²³ Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 22:23 ပူးပေါင်းရင်းမြစ်များ

Jeremías 6:24

Eb li cuanqueb Jerusalén nequeꞌxye: —Xkabi resil nak kꞌaxal ra nequeꞌxba̱nu li yo̱queb chi cha̱lc. Yo̱ kaxiu ut ma̱cꞌaꞌ chic kametzꞌe̱u. Kꞌaxal ra cuanco joꞌ jun li ixk oc re chi qꞌuira̱c.

Jeremías 22:6

Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Habacuc 2:9

Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul.

Abdías 1:4

Usta nequeyi̱b le̱ naꞌaj toj takecꞌ joꞌ nak naxyi̱b xsoc li cꞌuch, abanan toj aran texintau chak. Ut usta te̱yi̱b le̱ naꞌaj toj saꞌ xya̱nkeb li chahim, abanan toj aran texincubsi chak, chan li Ka̱cuaꞌ.

Amós 9:2

Usta teꞌxyal chak xmukbal ribeb toj saꞌ xchamal li xbalba, toj aran toxebintau la̱in. Ut usta teꞌxic toj saꞌ choxa chixmukbal ribeb, la̱in tebintau aran.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Jeremías 49:16

Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.

Jeremías 48:28

Canabomak le̱ tenamit ut texxic chi cua̱nc saꞌ xya̱nkeb li pec, la̱ex li cuanquex Moab. Chanchanakex chic li mucuy li naxyi̱b xsoc saꞌ li oqueba̱l re li ochoch pec.

Jeremías 21:13

La̱in yo̱ injoskꞌil saꞌ e̱be̱n la̱ex li cuanquex saꞌ li helho ru saꞌ xbe̱n li tzu̱l. La̱ex nequecꞌoxla nak cau e̱rib joꞌ jun sako̱nac. La̱in tinsach e̱ru la̱ex li nequeye, “¿Ani ta biꞌ ta̱sachok ku? ¿Ani ta biꞌ ta̱ru̱k ta̱oc saꞌ katenamit li ac cauresinbil re takacol cuiꞌ kib?”

Jeremías 3:21

Qui-abi̱c xya̱b cux saꞌ eb li tzu̱l. Aꞌan xya̱b xcuxeb laj Israel nak yo̱queb chi ya̱bac ut yo̱queb chixtzꞌa̱manquil xtenkꞌanquileb chicuu. Xeꞌxba̱nu li ma̱usilal ut xineꞌxtzꞌekta̱na la̱in li Ka̱cuaꞌ lix Dioseb.

Números 24:21

Ut nak qui-iloc saꞌ xjayal lix tenamiteb laj Ceneo laj Balaam quixye li cꞌaꞌru teꞌxcꞌul eb aꞌan. Quixye: —La̱ex aj Ceneo, quecauresi chi us le̱ naꞌaj ut saꞌ xbe̱n ni̱nki pec cuan.

Ezequiel 17:3

Ta̱ye reheb chi joꞌcaꞌin: aꞌan aꞌin li naxye li nimajcual Dios. Quicuulac Líbano jun li nimla xul tꞌiu xcꞌabaꞌ. Najt rok lix xicꞌ ut nabal pa̱y ru lix color. Kꞌaxal cau narupupic. Quixchap lix kꞌunal saꞌ li ruꞌuj jun li nimla chacalteꞌ.