Jeremías 22:22 - Li Santil hu

²² Teꞌcꞌamekꞌ che̱ru chixjunileb li nequeꞌcꞌamoc be che̱ru. Chanchan nak teꞌcꞌamekꞌ xban ikꞌ. Teꞌcꞌamekꞌ saꞌ jalan naꞌajej chixjunileb li xeꞌxjunaji ribeb e̱riqꞌuin. Ta̱cubsi̱k e̱cuanquil ut xuta̱nal texcana̱k xban le̱ ma̱usilal.

Q'eqchi Bible

²² Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.

Jeremías 22:22 ပူးပေါင်းရင်းမြစ်များ

Zacarías 11:17

Raylal cha̱lel saꞌ xbe̱n laj ilol xul li ma̱cꞌaꞌ na-oc cuiꞌ xban nak quixtzꞌekta̱na lin carner. Chanchan nak tinyocꞌ lix nim ukꞌ ut tinsach lix nakꞌ ru nak tincuisi lix cuanquil. Ta̱cana̱k chi ma̱cꞌaꞌ chic xcuanquil chi junaj cua ut chi ma̱cꞌaꞌ chic xnaꞌleb, chan li Ka̱cuaꞌ.

Oseas 13:15

Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Jeremías 10:21

Ma̱cꞌaꞌeb xnaꞌleb li nequeꞌcꞌamoc be chiku. Incꞌaꞌ nequeꞌxsicꞌ xnaꞌleb riqꞌuin li Dios. Joꞌcan nak queꞌpaltoꞌ. Xban aꞌan nak cojeqꞌui̱c yalak bar.

Jeremías 20:11

Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Oseas 4:19

Chanchan nak teꞌcꞌamekꞌ yalak bar xban li ikꞌ nak teꞌosokꞌ. Ta̱cuulak xkꞌehil nak teꞌxuta̱nobresi̱k xban lix ma̱usilaleb.

Jeremías 2:37

Cꞌajoꞌak le̱ xuta̱n nak tex-e̱lk chak riqꞌuineb laj Egipto xban nak incꞌaꞌ textenkꞌa. La̱in li Ka̱cuaꞌ xintzꞌekta̱naheb laj Egipto li nequecꞌojob cuiꞌ e̱chꞌo̱l. Incꞌaꞌ us tex-e̱lk riqꞌuineb aꞌan.—

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

Jeremías 4:30

La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

Jeremías 5:13

Eb li profeta junes a̱tinac nequeꞌxba̱nu. Chanchan nak na-ecꞌan li ikꞌ. Ma̱cꞌaꞌ ra̱tin li Dios riqꞌuineb. Cheꞌxcꞌulak ta eb aꞌan li cꞌaꞌru xeꞌxye, chanqueb.

Jeremías 7:19

Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Jeremías 2:36

¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.