Jeremías 22:17 - Li Santil hu

¹⁷ Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Q'eqchi Bible

¹⁷ “A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Jeremías 22:17 ပူးပေါင်းရင်းမြစ်များ

2 Pedro 2:14

Aꞌaneb aj muxul caxa̱r. Caꞌaj cuiꞌ ixk nequeꞌxcꞌoxla ut incꞌaꞌ nequeꞌxcanab ma̱cobc. Nequeꞌoc chixkꞌunbesinquileb li toj kꞌuneb xchꞌo̱l. Eb li cui̱nk aꞌin cꞌaynakeb chixrahinquil ru li biomal. Eb aꞌan majecuanbileb chi junaj cua xban li Dios.

Ezequiel 19:6

Nak ac nim chic, li ral quicuan saꞌ xya̱nkeb li jun chꞌol chic li cakcoj. Quixtzol xchapbal lix tib ut quixcamsiheb li cui̱nk.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

2 Reyes 24:4

Ut xban ajcuiꞌ nak nabaleb li ma̱cꞌaꞌeb xma̱c quixcamsiheb laj Manasés. Chanchan nak quinujac li tenamit riqꞌuin lix quiqꞌueleb. Ut li Ka̱cuaꞌ incꞌaꞌ chic quiraj xcuybal xma̱c.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Salmos 10:3

Li incꞌaꞌ useb xnaꞌleb nequeꞌxnimobresi ribeb riqꞌuin li cꞌaꞌru nequeꞌxrahi ru lix chꞌo̱leb. Ut nequeꞌxqꞌue xlokꞌal li naxrahi ru cꞌaꞌak re ru, aban nequeꞌxtzꞌekta̱na li Dios.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

Romanos 1:29

Numtajenakeb xyibal ru lix naꞌlebeb ut lix ma̱usilaleb. Aj yumbe̱teb ut aj coꞌbe̱teb. Nequeꞌxra ru li cꞌaꞌru cuan reheb li ras ri̱tzꞌin ut kꞌaxal joskꞌeb. Numtajenakeb chi aj cakal, aj camsihomeb ras ri̱tzꞌin, aj ple̱teb, aj balakꞌeb ut aj molol a̱tineb.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Li xHu LAJ JOB 31:7

Cui la̱in xincanab xba̱nunquil li ti̱quilal, ut cui la̱in yo̱quin chixra̱bal ru li cꞌaꞌru re jalan, ut cui cuan cꞌaꞌak re ru cuiqꞌuin jalan aj e,

2 Crónicas 36:8

Chixjunil li quixba̱nu laj Joacim ut li ma̱usilal li quixba̱nu tzꞌi̱banbil retalil saꞌ li hu li tzꞌi̱banbil cuiꞌ retalil li quilajeꞌxba̱nu lix reyeb laj Israel ut lix reyeb laj Judá. Ut aꞌ chic laj Joaquín li ralal qui-oc chokꞌ rey chokꞌ re̱kaj.

1 Reyes 21:19

Ta̱ye re, “Joꞌcaꞌin xye li Ka̱cuaꞌ: ¿Ma ma̱cuaꞌ ta biꞌ la̱at li xatcamsin re laj Nabot? Ut anakcuan yo̱cat chixchapbal lix naꞌaj li racui̱mk chokꞌ a̱cue”. Ut ta̱ye ajcuiꞌ re, “Joꞌcaꞌin xye li Ka̱cuaꞌ. Saꞌ li naꞌajej li xeꞌxrekꞌ cuiꞌ lix quiqꞌuel laj Nabot eb li tzꞌiꞌ, aran ajcuiꞌ teꞌxrekꞌ la̱ quiqꞌuel la̱at, at rey,” chaꞌkat re laj Acab.—

Josué 7:21

Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Proverbios 24:2

Xban nak eb aꞌan junes elkꞌac nequeꞌxcꞌoxla. Ut junes yibru aj a̱tin nequeꞌa̱tinac.

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

Jeremías 6:6

Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Jeremías 17:11

Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Ezequiel 18:12

Ma̱re naxrahobtesiheb li nebaꞌ ut li tenkꞌa̱c teꞌraj ut na-elkꞌa̱c. Incꞌaꞌ naxkꞌaxtesi li cꞌaꞌru quiqꞌueheꞌ re chokꞌ prenda. Naxlokꞌoniheb li jalanil dios ut naxba̱nu li ma̱usilal.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Miqueas 3:10

La̱ex nequeraj xtaksinquil xcuanquil li tenamit Sión riqꞌuin li camsi̱nc nequeba̱nu. Nequeraj xnimobresinquil xcuanquil li tenamit Jerusalén riqꞌuin xba̱nunquil li cꞌaꞌak re ru moco us ta.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

2 Reyes 23:37

Ut li rey Joacim quixba̱nu li ma̱usilal chiru li Dios joꞌ queꞌxba̱nu lix xeꞌto̱nil yucuaꞌ li queꞌcuan chokꞌ rey junxil.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Jeremías 19:4

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.

Ezequiel 19:7

Quirelkꞌa li cꞌaꞌru cuan saꞌ li palacio ut quixpoꞌi li tenamit ut li naꞌajej quicana chi ma̱cꞌaꞌ chic cuan. Cꞌajoꞌ nak queꞌxucuac li cuanqueb saꞌ li tenamit nak queꞌrabi nak quixjap re.

Ezequiel 19:9

Queꞌxbacꞌ riqꞌuin cadena ut queꞌxtzꞌap saꞌ jun nimla caxon re teꞌxcꞌam riqꞌuin lix reyeb laj Babilonia. Ut aran queꞌxqꞌue saꞌ tzꞌalam. Joꞌcan nak incꞌaꞌ chic queꞌrabi nak quixjap re saꞌ eb li tzu̱l li cuanqueb Israel.

Ezequiel 22:6

Eb li nequeꞌtaklan saꞌ e̱ya̱nk la̱ex aj Israel nequeꞌxba̱nu li cꞌaꞌru nequeꞌraj xjuneseb xban nak cuanqueb saꞌ xcuanquil. Joꞌcan nak nequeꞌxcamsi ras ri̱tzꞌineb.