Jeremías 22:15 - Li Santil hu

¹⁵ At rey, ¿ma nacacꞌoxla nak la̱at cha̱bil rey yal xban nak cua̱nk la̱ cha̱bil palacio yi̱banbil riqꞌuin li cheꞌ chacalteꞌ? La̱ yucuaꞌ quixba̱nu li us ut quicuan saꞌ ti̱quilal. Joꞌcan nak us qui-el riqꞌuin li quixba̱nu. Incꞌaꞌ quipaltoꞌ cꞌaꞌru re.

Q'eqchi Bible

¹⁵ Ma nakak'oxla naq li reetalil li wank chi awab'ejil a'an xyiib'ankil laawochoch rik'in junes yaw? Il laayuwa': kiwa'ak, ki'uk'ak; ab'an kixb'aanu li xk'anjel rik'in tiikilal ut usilal, jo'kan naq us ki'elk rik'in chixjunil li kixb'aanu.

Jeremías 22:15 ပူးပေါင်းရင်းမြစ်များ

2 Reyes 23:25

Ma̱ jun chic rey quicuan joꞌ li rey Josías, chi moco junxil chi moco mokon. Ma̱ ani chic quixkꞌaxtesi rib chi tzꞌakal chiru li Dios joꞌ quixba̱nu laj Josías. Chi anchal xchꞌo̱l, chi anchal ra̱m, ut chi anchal xmetzꞌe̱u quicꞌanjelac chiru li Dios joꞌ tzꞌi̱banbil saꞌ li chakꞌrab li quiqꞌueheꞌ re laj Moisés.

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Eclesiastés 10:17

Abanan us xak re li tenamit li cuan jun xrey cuan xnaꞌleb ut cha̱bil. Ut eb li nequeꞌtenkꞌan re nequeꞌcuaꞌac saꞌ x-o̱ril re xqꞌuebal re̱kaj lix metzꞌe̱uheb. Ut ma̱cuaꞌ cala̱c nequeꞌxcꞌoxla.

Proverbios 25:5

Joꞌcan ajcuiꞌ nak te̱risiheb chi cꞌanjelac chiru li rey li incꞌaꞌ useb xnaꞌleb re nak lix cuanquilal li rey ta̱cana̱k chi xakxo saꞌ xnaꞌaj xban li ti̱quilal naxba̱nu.

Proverbios 29:4

Li rey li nataklan saꞌ ti̱quilal naxtenkꞌa lix tenamit. Abanan li rey li junes tumin naxcꞌoxla, naxpoꞌ ru lix tenamit.

2 Reyes 22:2

Laj Josías cha̱bil xnaꞌleb nak quicuan chokꞌ rey. Quixba̱nu li ti̱quilal chiru li Ka̱cuaꞌ Dios. Quixba̱nu li us chi anchal xchꞌo̱l joꞌ quixba̱nu laj David lix xeꞌto̱nil yucuaꞌ ut incꞌaꞌ quixcanab xba̱nunquil li us.

Jeremías 42:6

La̱o takaba̱nu li cꞌaꞌru tixye a̱cue li Ka̱cuaꞌ, usta us chiku, usta incꞌaꞌ. La̱o yo̱co chixtzꞌa̱manquil cha̱cuu nak tattijok chiru li Ka̱cuaꞌ li kaDios. To-abi̱nk chiru re nak us toe̱lk, chanqueb.

Jeremías 21:12

—La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

1 Reyes 10:9

Lokꞌoninbil taxak ru li Ka̱cuaꞌ la̱ Dios xban nak xcꞌojob xchꞌo̱l saꞌ a̱be̱n ut xatxxakab saꞌ li cuanquilal saꞌ xbe̱neb laj Israel. Li Ka̱cuaꞌ junelic naxraheb laj Israel. Joꞌcan nak xatxxakab chokꞌ xreyeb re nak tattakla̱nk saꞌ xbe̱neb saꞌ xya̱lal ut saꞌ ti̱quilal, chan.

2 Samuel 8:15

Laj David quicuan chokꞌ xreyeb laj Israel ut junelic quitaklan saꞌ xya̱lal ut saꞌ ti̱quilal saꞌ xbe̱neb chixjunileb lix tenamit.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

Jeremías 22:18

Joꞌcaꞌin naxye li Ka̱cuaꞌ chirix laj Joacim li ralal laj Josías lix reyeb laj Judá. “Ma̱ ani ta̱ya̱bak chirix lix camic, chi moco teꞌxye tokꞌob xak ru li karey. Xcanab lix cuanquil”.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Isaías 33:16

Li ani naxba̱nu li us, aꞌan ta̱colekꞌ. Ma̱cꞌaꞌ tixcꞌul. Chanchan nak cuan saꞌ jun naꞌajej najt xteram li nequeꞌxcol cuiꞌ ribeb li tenamit. Ut junelic ta̱cua̱nk xcua rucꞌa.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Eclesiastés 2:24

Li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li cꞌaꞌru tixcꞌanjela. Ut la̱in xinqꞌue retal nak chixjunil li cꞌaꞌru cuan ke li Dios naqꞌuehoc re.

Proverbios 31:9

Chat-a̱tinak chirixeb ut chatrakok a̱tin saꞌ xya̱lal saꞌ xbe̱neb. Chatenkꞌaheb li nebaꞌ joꞌ eb ajcuiꞌ li tenkꞌa̱c teꞌraj.—

Proverbios 20:28

Junak li rey xakxo̱k saꞌ xnaꞌaj lix cuanquil cui narahoc ut cui nataklan saꞌ xya̱lal.

2 Crónicas 34:2

Laj Josías quixba̱nu li us chiru li Ka̱cuaꞌ Dios joꞌ quixba̱nu laj David lix xeꞌto̱nil yucuaꞌ. Cha̱bil xnaꞌleb nak quicuan chokꞌ rey. Ut incꞌaꞌ quixcanab xba̱nunquil li us.

1 Crónicas 3:15

Aꞌaneb aꞌin li ralal laj Josías: li xbe̱n, aꞌan laj Johanán; li xcab, aꞌan laj Joacim; li rox, aꞌan laj Sedequías; ut li xca̱, aꞌan laj Salum.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Jeremías 7:5

Jalomak le̱ cꞌaꞌux ut canabomak xba̱nunquil li incꞌaꞌ us, ut cua̱nkex saꞌ ti̱quilal riqꞌuineb le̱ ras e̱ri̱tzꞌin.

2 Crónicas 35:22

Abanan laj Josías incꞌaꞌ quiraj rabinquil li cꞌaꞌru quixye laj Necao ut incꞌaꞌ quixqꞌue retal nak li Dios yo̱ chi tenkꞌa̱nc re. Joꞌcan nak quixqꞌue li rakꞌ re pletic ut co̱ chi pletic riqꞌuin laj Necao saꞌ li ru takꞌa re Meguido.

2 Crónicas 35:26

Chixjunil li us li quixba̱nu laj Josías nak cuan chokꞌ rey tzꞌi̱banbil retalil. Tzꞌi̱banbil ajcuiꞌ retalil chanru nak quixba̱nu li cꞌaꞌru naxye lix chakꞌrab li Ka̱cuaꞌ Dios.