Jeremías 22:14 - Li Santil hu

¹⁴ La̱at xaye, “La̱in tinyi̱b junak cuochoch kꞌaxal cha̱bil. Ut saꞌ li xcaꞌ tasalil nabal tasal xsaꞌ tinqꞌue ut ni̱nk xsaꞌ. Tinyi̱b li nimla cab ut tinqꞌue xventanil. Tinyi̱b riqꞌuin li cheꞌ chacalteꞌ ut tinbon riqꞌuin caki bon,” chancat.

Q'eqchi Bible

¹⁴ Nakaye: «Tinyiib' junaq li wochoch jwal nim, ninq xsa' li junq raqal li wanq taqe'q», chankat. Nakak'e xninqal b'entaan, nakatahi ru li ochoch rik'in yaw ut nakab'on rik'in kaqib'on.

Jeremías 22:14 ပူးပေါင်းရင်းမြစ်များ

2 Samuel 7:2

Laj David quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

Hageo 1:4

—¿Ma xkꞌehil ta biꞌ chokꞌ e̱re la̱ex nak texcua̱nk saꞌ cha̱bil cab ut lix templo li Ka̱cuaꞌ incꞌaꞌ nequecꞌoxla xyi̱banquil?

Malaquías 1:4

Ut cui ta teꞌxye li ralal xcꞌajol laj Esaú li cuanqueb saꞌ li tenamit Edom, “Xeꞌxsach ru li katenamit, abanan takacuaclesi cuiꞌchic li katenamit,” chaꞌkeb, abanan li Ka̱cuaꞌ li kꞌaxal nim xcuanquil tixye: —Eb aꞌan teꞌxcuaclesi cuiꞌchic lix tenamiteb ut la̱in tinsach cuiꞌchic ru. “Numtajenak chi ma̱usilal lix tenamiteb” chaꞌkeb re. Ut ta̱yehekꞌ ajcuiꞌ re, “Li tenamit aꞌan junelic yo̱ xjoskꞌil li Dios saꞌ xbe̱n.”

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Isaías 9:9

Chixjunileb laj Israel teꞌxnau nak li Ka̱cuaꞌ, aꞌan li quiba̱nun re aꞌan. Teꞌxnau chixjunileb li ralal xcꞌajol laj Efraín ut li tenamit Samaria, li nequeꞌxkꞌetkꞌeti ribeb ut nequeꞌxnimobresi ribeb chixyebal:

Cantares 1:17

Li cha̱bil cheꞌ chacalteꞌ, aꞌan chanchan lix tzꞌambahil li kochoch. Ut li ciprés, aꞌan chanchan li xbe̱n li kochoch.

Proverbios 24:27

Xbe̱n cua te̱cꞌanjela ru le̱ chꞌochꞌ li cuan saꞌ cꞌaleba̱l. Chirix aꞌan te̱yi̱b le̱ rochoch.

Proverbios 17:19

Li ani nacuulac chiru pletic naxra li ma̱c. Li ani naxnimobresi rib yo̱ chixbokbal raylal saꞌ xbe̱n.

2 Crónicas 3:5

Saꞌ li Santil Naꞌajej quixtzꞌap li tzꞌac chi saꞌ riqꞌuin li cheꞌ ciprés. Ut quixtzꞌap li ru riqꞌuin li tzꞌakal oro. Ut quixqꞌue xsahob ru retalil li cheꞌ palmera ut li cadena.

Ezequiel 23:14

Abanan kꞌaxal cuiꞌchic numtajenak li ma̱usilal li quixba̱nu lix Aholiba nak quixmux rib. Quiril nak tzꞌi̱banbil chiru tzꞌac retalileb laj Babilonia. Bonbil riqꞌuin caki bon.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.