Jeremías 22:13 - Li Santil hu

¹³ At rey, raylal ta̱cha̱lk saꞌ a̱be̱n xban nak nacayi̱b la̱ palacio ut incꞌaꞌ nacaba̱nu saꞌ ti̱quilal. Nacanimobresi ban a̱cuib riqꞌuin balakꞌi̱c ut nacaqꞌueheb la̱ cuas a̱cui̱tzꞌin chi trabajic ut incꞌaꞌ nacatojeb.

Q'eqchi Bible

¹³ “Ra chaalel sa' aab'een li nakatkab'lak rik'in maa'usilal ut nakayiib' laawochoch rik'in b'alaq'ik; nakatawasiheb' laawas aawiitz'in chi k'anjelak ut ink'a' nakatoj li xk'anjeleb'.

Jeremías 22:13 ပူးပေါင်းရင်းမြစ်များ

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Miqueas 3:10

La̱ex nequeraj xtaksinquil xcuanquil li tenamit Sión riqꞌuin li camsi̱nc nequeba̱nu. Nequeraj xnimobresinquil xcuanquil li tenamit Jerusalén riqꞌuin xba̱nunquil li cꞌaꞌak re ru moco us ta.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Jeremías 22:18

Joꞌcaꞌin naxye li Ka̱cuaꞌ chirix laj Joacim li ralal laj Josías lix reyeb laj Judá. “Ma̱ ani ta̱ya̱bak chirix lix camic, chi moco teꞌxye tokꞌob xak ru li karey. Xcanab lix cuanquil”.

2 Crónicas 36:4

Ut lix reyeb laj Egipto quixxakab chokꞌ xreyeb laj Judá ut laj Jerusalén laj Eliaquim li ri̱tzꞌin laj Joacaz. Quixjal xcꞌabaꞌ. Aj Joacim chic quixqꞌue chokꞌ xcꞌabaꞌ. Ut laj Necao quixcꞌam Egipto laj Joacaz li ras laj Joacim.

2 Crónicas 36:5

O̱b xcaꞌcꞌa̱l chihab cuan re laj Joacim nak qui-oc chokꞌ xreyeb laj Judá. Junlaju chihab quicuan chokꞌ rey aran Jerusalén. Li rey Joacim quixba̱nu li incꞌaꞌ us chiru li Ka̱cuaꞌ lix Dios.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Jeremías 17:11

Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Deuteronomio 15:13

Ut nak ta̱e̱lk e̱riqꞌuin, me̱takla chi ma̱cꞌaꞌ cuan re.

Li xHu LAJ JOB 31:39

La̱in incꞌaꞌ xcuelkꞌa ru li racui̱mk jalan, chi moco xincanabeb laj cꞌanjel chi ma̱cꞌaꞌ cuan reheb.

Habacuc 2:12

Ra xchal saꞌ e̱be̱n la̱ex li nequexcamsin ut nequeba̱nu li ma̱usilal. Ut riqꞌuin li cꞌaꞌru nequemakꞌ chiruheb, nequeyi̱b chi cha̱bil le̱ tenamit.