Jeremías 22:10 - Li Santil hu

¹⁰ Mexya̱bac xban nak quicam li rey Josías. Chexya̱bak ban chirix li ralal li ta̱chapekꞌ ut ta̱cꞌamekꞌ saꞌ jalan tenamit xban nak incꞌaꞌ chic ta̱sukꞌi̱k chak saꞌ lix tenamit li quiyoꞌla cuiꞌ.

Q'eqchi Bible

¹⁰ Mexyaab'ak chirix li awab'ej Josías, miraho'k leech'ool chirix li ak xq'ajk xsutq'iik; yaab'anqex b'an chirix laj Salún li toj kamk re, xb'aan naq maajoq'e chik taasutq'iiq chaq chi moko taaril ta chik li na'ajej kiyo'laak wi'.

Jeremías 22:10 ပူးပေါင်းရင်းမြစ်များ

Jeremías 22:11

Joꞌcaꞌin quixye li Ka̱cuaꞌ chirix laj Salum li qui-oc chokꞌ xreyeb laj Judá chokꞌ re̱kaj laj Josías lix yucuaꞌ. “Laj Salum li nequeꞌxye ajcuiꞌ Joacaz re, ta̱isi̱k saꞌ li naꞌajej aꞌin ut incꞌaꞌ chic ta̱sukꞌi̱k.

Eclesiastés 4:2

Joꞌcan nak quinye: —Us xak reheb li ac camenakeb. Eb aꞌan saheb saꞌ xchꞌo̱leb chiruheb li toj yoꞌyo̱queb saꞌ ruchichꞌochꞌ.—

Lamentaciones 4:9

Kꞌaxal us chokꞌ reheb li xeꞌcamsi̱c saꞌ li ple̱t chiruheb li nequeꞌcam xban xtzꞌocajiqueb. Eb aꞌan timil timil nequeꞌcam xban nak ma̱cꞌaꞌ chic xtzacae̱mkeb.

Isaías 57:1

Nak nequeꞌcam li ti̱queb xchꞌo̱l, ma̱ ani naxcꞌoxla cꞌaꞌut nak nequeꞌcam. Nak nequeꞌcam li cha̱bileb xnaꞌleb, ma̱ ani naqꞌuehoc retal nak yal xeꞌisi̱c saꞌ li raylal li cha̱lc re.

2 Reyes 22:20

La̱in incꞌaꞌ tinqꞌueheb chixtojbal xma̱queb nak toj yoꞌyo̱kat. La̱at incꞌaꞌ ta̱cuil li raylal li tintakla saꞌ xbe̱neb. Tatca̱mk ut toxa̱tauheb la̱ xeꞌto̱nil yucuaꞌ. Ut tatmukekꞌ saꞌ xya̱lal,” chan li Dios.— Ut eb li takl queꞌsukꞌi riqꞌuin li rey Josías ut queꞌxye re li cꞌaꞌru quixye li Dios.

San Lucas 23:28

Ut li Jesús quixsukꞌisi rib ut quirileb li ixk. Quixye reheb: —Ex ixk aj Jerusalén, mexya̱bac chicuix la̱in. Chexya̱bak ban che̱rix la̱ex ut chirixeb ajcuiꞌ le̱ ralal e̱cꞌajol.

Jeremías 22:18

Joꞌcaꞌin naxye li Ka̱cuaꞌ chirix laj Joacim li ralal laj Josías lix reyeb laj Judá. “Ma̱ ani ta̱ya̱bak chirix lix camic, chi moco teꞌxye tokꞌob xak ru li karey. Xcanab lix cuanquil”.

2 Crónicas 36:4

Ut lix reyeb laj Egipto quixxakab chokꞌ xreyeb laj Judá ut laj Jerusalén laj Eliaquim li ri̱tzꞌin laj Joacaz. Quixjal xcꞌabaꞌ. Aj Joacim chic quixqꞌue chokꞌ xcꞌabaꞌ. Ut laj Necao quixcꞌam Egipto laj Joacaz li ras laj Joacim.

Jeremías 16:7

Ma̱ ani tixtakla lix tzacae̱mk ut li rucꞌaheb re xcꞌojobanquil xchꞌo̱leb li yo̱keb chixyoꞌlenquil lix camenakeb, usta naꞌbej yucuaꞌbej li xeꞌcam.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Jeremías 28:4

La̱in tinqꞌue chi sukꞌi̱c arin laj Jeconías li ralal laj Joacim, lix reyeb laj Judá. Tinqꞌueheb ajcuiꞌ chi sukꞌi̱c chixjunileb laj Judá li queꞌchapeꞌ, ut queꞌcꞌameꞌ Babilonia xban nak la̱in tincuisi xcuanquil lix reyeb laj Babilonia,” chan li Ka̱cuaꞌ.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 44:14

Ma̱ jun reheb laj Judá li queꞌco̱eb chi cua̱nc Egipto teꞌcolekꞌ. Ma̱ jun reheb ta̱sukꞌi̱k cuiꞌchic Judá usta teꞌraj ru sukꞌi̱c. Caꞌaj chic li teꞌruha̱nk chi e̱lelic teꞌsukꞌi̱k, chan li Dios.

Ezequiel 24:16

—At ralal cui̱nk, chi ma̱cꞌaꞌ saꞌ a̱chꞌo̱l tincuisi cha̱cuu li kꞌaxal raro a̱ban. Abanan mirahoꞌ a̱chꞌo̱l. Incꞌaꞌ ta̱yotꞌekꞌ a̱chꞌo̱l chi moco tatya̱bak xban, chan.

2 Reyes 23:29

Nak laj Josías cuan chokꞌ xreyeb laj Judá laj Necao lix reyeb laj Egipto co̱ saꞌ li nimaꞌ Éufrates chi pletic riqꞌuin lix reyeb laj Asiria. Li rey Josías co̱ chi pletic riqꞌuin laj Necao. Nak laj Necao quiril laj Josías, ticto quixcamsi aran Meguido.

Jeremías 22:27

Incꞌaꞌ chic tatsukꞌi̱k saꞌ la̱ tenamit, usta kꞌaxal ta̱cuaj raj sukꞌi̱c, chan li Dios.