Jeremías 21:9 - Li Santil hu

⁹ Li ani ta̱raj cana̱c saꞌ li tenamit aꞌin, aꞌan ta̱camsi̱k chi chꞌi̱chꞌ malaj ut xban cueꞌej malaj ut xban li caki yajel. Abanan li ani tixkꞌaxtesi rib rubel xcuanquileb laj Babilonia li yo̱queb chi sutuc re le̱ tenamit, aꞌan incꞌaꞌ ta̱camsi̱k. Ta̱cana̱k chi yoꞌyo.

Q'eqchi Bible

⁹ Ani taakanaaq sa' li tenamit a'in, taakamq sa' li yalok, xb'aan li we'ej malaj xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha li yookeb' chi sutuk tenamit, taakole'q, ink'a' taakamq.

Jeremías 21:9 ပူးပေါင်းရင်းမြစ်များ

Jeremías 38:2

Queꞌrabi nak laj Jeremías quixye reheb li tenamit: —Chixjunileb li teꞌcana̱k saꞌ li tenamit teꞌca̱mk xban cueꞌej malaj ut saꞌ li ple̱t, malaj ut xban li caki yajel. Abanan eb li teꞌe̱lk ut teꞌxkꞌaxtesi ribeb rubel xcuanquil laj Babilonia incꞌaꞌ teꞌcamsi̱k. Teꞌcana̱k ban chi yoꞌyo.

Jeremías 45:5

Ma̱cꞌaꞌ aj e nak ta̱sicꞌ a̱cuanquil. Ma̱ba̱nu aꞌan xban nak la̱in tintakla li raylal saꞌ xbe̱neb chixjunileb li cristian. Ut la̱at, yalak bar tatxic la̱in tatincol. Incꞌaꞌ tatcamsi̱k, chan li Dios.

Jeremías 39:18

La̱in tincolok a̱cue re nak incꞌaꞌ tatcamsi̱k saꞌ li ple̱t. La̱at tatcana̱k chi yoꞌyo xban nak cacꞌojob a̱chꞌo̱l cuiqꞌuin, chan li Ka̱cuaꞌ.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Jeremías 27:13

¿Cꞌaꞌru aj e nak ta̱qꞌue a̱cuib chi camsi̱c ut ta̱qꞌueheb ajcuiꞌ la̱ tenamit chi ca̱mc saꞌ li ple̱t malaj ut xban cueꞌej malaj ut xban caki yajel? Li Ka̱cuaꞌ quixye nak joꞌcan te̱cꞌul cui incꞌaꞌ texcꞌanjelak chiru lix reyeb laj Babilonia.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Jeremías 24:10

Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Jeremías 27:11

Abanan la̱in tincanabeb chi cua̱nc saꞌ xnaꞌajeb li tenamit li nequeꞌxcubsi ribeb ut nequeꞌcꞌanjelac chiru lix reyeb laj Babilonia. Tincanabeb chi cua̱nc saꞌ xnaꞌajeb re nak teꞌxtrabaji lix chꞌochꞌeb. La̱in li Ka̱cuaꞌ ninyehoc re aꞌin, chan li Dios.

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.

Jeremías 27:12

La̱in laj Jeremías quinye chixjunil aꞌin re laj Sedequías lix reyeb laj Judá. Quinye re: —Qꞌue a̱cuib rubel xcuanquil lix reyeb laj Babilonia ut tatcꞌanjelak chiruheb re nak ta̱cua̱nk le̱ yuꞌam.

Jeremías 38:3

Li Ka̱cuaꞌ quixye nak lix reyeb laj Babilonia ta̱re̱chani li tenamit aꞌin xban nak li Ka̱cuaꞌ tixkꞌaxtesi saꞌ rukꞌ.—