Jeremías 21:6 - Li Santil hu

⁶ La̱in tinsach e̱ru che̱junilex li cuanquex saꞌ li tenamit aꞌin, joꞌ cristian joꞌ xul. Tintakla jun nimla yajel saꞌ e̱be̱n ut telajexca̱mk.

Q'eqchi Bible

⁶ Tinkamsiheb' chixjunileb' li wankeb' sa' li tenamit a'in; eb' li poyanam ut eb' li xul te'kamq xb'aan jun li xiwajel raxkamk.

Jeremías 21:6 ပူးပေါင်းရင်းမြစ်များ

Sofonías 1:3

Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Oseas 4:3

Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Ezequiel 14:19

Malaj ut tintakla li caki yajel saꞌ li tenamit aꞌan ut xban nak yo̱ injoskꞌil saꞌ xbe̱neb la̱in tincamsiheb li cristian ut eb li xul.

Ezequiel 14:17

Malaj ut tintakla li ple̱t saꞌ li tenamit aꞌan ut tinye nak teꞌcamsi̱k li cristian ut eb li xul.

Ezequiel 14:13

—At ralal cui̱nk, cui li tenamit nequeꞌxkꞌetkꞌeti ribeb chicuu ut incꞌaꞌ niquineꞌxlokꞌoni, la̱in tinqꞌueheb chixtojbal lix ma̱queb. Tincuisi chiruheb lix tzacae̱mkeb ut tintakla li cueꞌej saꞌ xbe̱neb. Teꞌca̱mk li cristian ut teꞌca̱mk ajcuiꞌ li xul.

Jeremías 33:12

Li nimajcual Dios quixye: Saꞌ chixjunil li naꞌajej aꞌin li ma̱cꞌaꞌ nayoꞌla chi saꞌ anakcuan, chi moco cristian chi moco xul, ta̱cua̱nk cuiꞌchic li pachꞌayaꞌ li teꞌxqꞌue cuiꞌ chi cuaꞌac lix queto̱mkeb laj ilol xul.

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Ezequiel 33:29

La̱in tinsukꞌisi lix naꞌajeb chokꞌ chaki chꞌochꞌ. Ma̱cꞌaꞌ chic cuan chi saꞌ ta̱cana̱k xban li ma̱usilal quilajeꞌxba̱nu. Riqꞌuin aꞌin teꞌxqꞌue retal nak la̱in li Ka̱cuaꞌ Dios.

Ezequiel 33:27

Ta̱ye reheb nak la̱in li yoꞌyo̱quil Dios ninye nak relic chi ya̱l telajeꞌcamsi̱k li cuanqueb saꞌ eb li tenamit li poꞌbileb. Ut eb li cuanqueb saꞌ li cꞌaleba̱l teꞌlajeꞌcamsi̱k xbaneb li joskꞌ aj xul. Ut eb li cuanqueb saꞌ eb li ochoch pec ut saꞌ eb li cab li nequeꞌxcol cuiꞌ ribeb telajeꞌca̱mk xban caki yajel.

Ezequiel 12:16

Abanan, incꞌaꞌ tinqꞌueheb chi camsi̱c chixjunileb. Tebincol ban chiru li camsi̱nc ut chiru li cueꞌej ut chiru li caki yajel re nak naru teꞌxserakꞌi saꞌ eb li tenamit chixjunil li ma̱usilal li queꞌxba̱nu. Ut riqꞌuin aꞌan teꞌxqꞌue retal nak la̱in li Ka̱cuaꞌ, chan li Dios.

Ezequiel 7:15

Chirix le̱ tenamit cua̱nk li ple̱t ut saꞌ li tenamit cua̱nk li caki yajel ut cueꞌej. Eb li cua̱nkeb chak saꞌ cꞌaleba̱l teꞌcamsi̱k saꞌ li ple̱t ut li cua̱nkeb saꞌ li tenamit teꞌca̱mk xban li caki yajel ut li cueꞌej.

Jeremías 42:22

Joꞌcan nak anakcuan chenauhak nak relic chi ya̱l la̱ex texca̱mk saꞌ li ple̱t malaj ut xban cueꞌej, malaj ut xban caki yajel. Texca̱mk saꞌ li naꞌajej li xic cuiꞌ e̱re chi cua̱nc, chan laj Jeremías.

Jeremías 36:29

Ut ta̱ye re laj Joacim lix reyeb laj Judá: Joꞌcaꞌin xye a̱cue li Ka̱cuaꞌ Dios. La̱at xacꞌat li hu ut xaye: ¿cꞌaꞌut nak quixtzꞌi̱ba nak relic chi ya̱l lix reyeb laj Babilonia ta̱cha̱lk ut tixsach li tenamit aꞌin ut tixcamsiheb li cristian joꞌqueb ajcuiꞌ li xul?

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

Génesis 6:7

Li Ka̱cuaꞌ Dios quixye: —Tebinqꞌue chi osocꞌ li cristian li quinyoꞌobtesiheb, joꞌ ajcuiꞌ chixjunileb li xul li nequeꞌbe̱c ut teꞌosokꞌ li nequeꞌxjucuqui ribeb, joꞌ ajcuiꞌ li nequeꞌrupupic saꞌ choxa. Cꞌajoꞌ nak nayotꞌeꞌ inchꞌo̱l xbaneb. Incꞌaꞌ raj xebinyoꞌobtesi, chan li Dios.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 20:4

Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.