Jeremías 21:10 - Li Santil hu

¹⁰ La̱in incꞌaꞌ chic tinba̱nu usilal re li tenamit aꞌin. Raylal ban tinqꞌue saꞌ xbe̱n. Ac xinye nak joꞌcan tinba̱nu reheb. Tinkꞌaxtesiheb saꞌ rukꞌ lix reyeb laj Babilonia ut eb aꞌan teꞌxcꞌat li tenamit, chan li Ka̱cuaꞌ.

Q'eqchi Bible

¹⁰ Xb'aan naq xink'uub' xrahob'tesinkil li tenamit a'in ut ink'a' chik nawaj rusilankil. Tinq'axtesi sa' ruq' li awab'ej re Babilonia, ut a'an taak'atoq re -chan li Qaawa'-.

Jeremías 21:10 ပူးပေါင်းရင်းမြစ်များ

Jeremías 44:11

Joꞌcan nak la̱in li nimajcual Dios, lix Dioseb laj Israel, tinqꞌue li raylal aꞌin saꞌ e̱be̱n la̱ex re xsachbal e̱ru la̱ex aj Judá.

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Ezequiel 15:7

La̱in tinqꞌueheb chixtojbal rix lix ma̱queb. Xeꞌcoleꞌ jun sut chiru li xam. Abanan riqꞌuin xam ajcuiꞌ teꞌosokꞌ. Nak la̱in tinqꞌueheb chixtojbal lix ma̱queb, la̱ex te̱qꞌue retal nak la̱in li Ka̱cuaꞌ.

Jeremías 52:13

Laj Nabuzaradán quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat chixjunileb li cab li cuanqueb Jerusalén. Chixjunileb li ni̱nki cab quixcꞌateb.

Jeremías 39:8

Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Jeremías 38:18

Abanan cui incꞌaꞌ nacakꞌaxtesi a̱cuib saꞌ rukꞌeb laj Babilonia, li tenamit aꞌin ta̱kꞌaxtesi̱k saꞌ rukꞌeb ut teꞌxcꞌat li tenamit ut la̱at moco tatcolekꞌ ta saꞌ rukꞌeb,” chan.

Jeremías 38:3

Li Ka̱cuaꞌ quixye nak lix reyeb laj Babilonia ta̱re̱chani li tenamit aꞌin xban nak li Ka̱cuaꞌ tixkꞌaxtesi saꞌ rukꞌ.—

Jeremías 34:2

—La̱in li Ka̱cuaꞌ lix Dioseb laj Israel ninye a̱cue nak tatxic chixyebal re laj Sedequías lix reyeb laj Judá chi joꞌcaꞌin: La̱in li Ka̱cuaꞌ tinkꞌaxtesi li tenamit aꞌin saꞌ rukꞌ lix reyeb laj Babilonia ut aꞌan tixcꞌat li tenamit.

2 Crónicas 36:19

Ut queꞌxcꞌat lix templo li Dios. Queꞌxjucꞌ li tzꞌac li sutsu cuiꞌ li tenamit Jerusalén. Queꞌxcꞌat li rochoch li rey ut queꞌxpoꞌ chixjunil li cꞌaꞌru raro xbaneb laj Judá.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Salmos 34:16

Cuan xjoskꞌil li Dios saꞌ xbe̱neb li nequeꞌxba̱nu li incꞌaꞌ us. Ut nak nequeꞌcam ma̱ ani chic najultican reheb saꞌ ruchichꞌochꞌ xban nak incꞌaꞌ useb xnaꞌlebeb.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Jeremías 34:22

La̱in tintaklaheb cuiꞌchic laj Babilonia saꞌ li tenamit aꞌin chi pletic e̱riqꞌuin. Teꞌnumta̱k saꞌ e̱be̱n ut teꞌxcꞌat li tenamit. La̱in tinsach ruheb li tenamit li cuanqueb Judá re nak ma̱ ani chic ta̱ru̱k ta̱cua̱nk aran, chan li Dios.

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Jeremías 17:27

Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

Jeremías 33:5

Eb li ochoch teꞌnujak riqꞌuineb li camenak li tincanabeb chi camsi̱c xban nak yo̱ injoskꞌil saꞌ xbe̱neb. La̱in tincanabeb xjunes li tenamit aꞌin xban li ma̱usilal nequeꞌxba̱nu.

Jeremías 39:16

—Tatxic riqꞌuin laj Ebed-melec laj Etiopía ut ta̱ye re nak li Ka̱cuaꞌ li nimajcual Dios, lix Dioseb laj Israel, naxye chi joꞌcaꞌin: La̱in tinba̱nu re li tenamit aꞌin li cꞌaꞌru quinye. Raylal tinqꞌue saꞌ xbe̱n. Ma̱cuaꞌ usilal. Ut la̱at ta̱cuil nak ta̱cꞌulma̱nk aꞌin.

Ezequiel 24:11

Chirix aꞌan tinchunub li ucꞌal li ma̱cꞌaꞌ chic xsaꞌ saꞌ xbe̱n li ru xam toj retal ta̱cakokꞌ xban xtikcual re nak lix tzꞌajnil ta̱cꞌatekꞌ ut ta̱e̱lk lix moꞌil.

Amós 2:5

Tinqꞌue xxamlel li tenamit Judá ut tincꞌateb ajcuiꞌ lix palacio aran Jerusalén.

Jeremías 38:17

Ut laj Jeremías quixye re laj Sedequías: —Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. “Cui ta̱kꞌaxtesi a̱cuib saꞌ rukꞌeb li nequeꞌtenkꞌan re lix reyeb laj Babilonia, la̱at incꞌaꞌ tatcamsi̱k, ut li tenamit aꞌin incꞌaꞌ ta̱cꞌatekꞌ. La̱at joꞌ eb ajcuiꞌ la̱ cualal a̱cꞌajol incꞌaꞌ texcamsi̱k.