Jeremías 20:9 - Li Santil hu

⁹ Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Q'eqchi Bible

⁹ Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 20:9 ပူးပေါင်းရင်းမြစ်များ

Salmos 39:3

Yo̱ chi yotꞌecꞌ li cua̱m xban li raylal cuanquin cuiꞌ. Nak nin-oc xcꞌoxlanquil lin raylal, kꞌaxal cuiꞌchic naniman. Chanchan cuan saꞌ xam li cua̱m nak nacuecꞌa. Joꞌcan nak xinpatzꞌ re li Ka̱cuaꞌ:

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

Ezequiel 3:14

Quinixcꞌam lix musikꞌ li Dios. Ut la̱in quinco̱in chi ra saꞌ inchꞌo̱l ut chi yo̱ injoskꞌil. Abanan li Ka̱cuaꞌ yo̱ chixqꞌuebal xcacuil inchꞌo̱l.

Hechos 17:16

Nak laj Pablo yo̱ chiroybeninquileb laj Silas ut laj Timoteo saꞌ li tenamit Atenas, quixqꞌue retal nak kꞌaxal cuiꞌchic nabaleb li yi̱banbil Dios cuanqueb saꞌ li tenamit aꞌan. Cꞌajoꞌ nak quirahoꞌ saꞌ xchꞌo̱l.

Jeremías 6:11

Cꞌajoꞌ lin joskꞌil saꞌ xbe̱neb joꞌ la̱ joskꞌil la̱at, at Ka̱cuaꞌ. Incꞌaꞌ chic nincuy, chanquin re. Ut li Ka̱cuaꞌ quixye cue: —Isi la̱ joskꞌil saꞌ xbe̱neb li cocꞌal li cuanqueb saꞌ be ut saꞌ xbe̱neb li sa̱j al li nequeꞌxchꞌutub ribeb. Eb li be̱lomej teꞌcꞌamekꞌ chi pre̱xil rochbeneb li rixakil joꞌ eb ajcuiꞌ li ti̱xeb.

San Lucas 9:62

Ut li Jesús quixye re: —Li ani naxtiquib cꞌanjelac chiru li Dios ut cui toj yo̱ chixcꞌoxlanquil li cꞌaꞌru re, li jun aꞌan incꞌaꞌ us chokꞌ aj cꞌanjel saꞌ lix nimajcual cuanquilal li Dios, chan li Jesús.

Hechos 18:5

Nak ac xeꞌsukꞌi chak laj Silas ut laj Timoteo Macedonia, laj Pablo quixkꞌaxtesi rib chi junaj cua chixchꞌolobanquil lix ya̱lal reheb laj judío nak li Jesús, aꞌan li Cristo, laj Colonel li yechiꞌinbil xban li Dios.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Jeremías 23:9

Laj Jeremías quixye: —Xban li cꞌaꞌru nequeꞌxba̱nu li profetas, la̱in nayotꞌeꞌ inchꞌo̱l chiru li Ka̱cuaꞌ. Ut xban lix santil a̱tin, ninsicsot. Chanchan tincala̱k. Chanchan nak xcuucꞌ nabal li vino.

Jeremías 23:29

¿Ma ma̱cuaꞌ ta biꞌ chanchan li xam li cua̱tin? Li cua̱tin chanchan li martillo li naxjori li pec li naxten.

Ezequiel 3:3

Quixye cue: —At ralal cui̱nk, tzaca li hu aꞌin li yo̱quin chixqꞌuebal a̱cue. Ta̱tzaca re nak naru tatnujak, chan. La̱in quintzaca li hu ut quiꞌ saꞌ li cue quicana joꞌ li xyaꞌal cab.

Amós 3:8

¿Ani ta biꞌ incꞌaꞌ ta̱xucuak nak tixjap re li cakcoj? Cui nequeꞌxucuac xban li cakcoj nak naxjap re, ¿ma tojaꞌ ta chic incꞌaꞌ teꞌxucuak chiru li Dios? Cui junak ta̱a̱tina̱k xban li Ka̱cuaꞌ, ¿ma incꞌaꞌ ta biꞌ tixye resil li cꞌaꞌru quicꞌutbesi̱c chiru?

Jonás 1:2

—Ayu aran saꞌ li nimla tenamit Nínive. Ta̱kꞌuseb ut ye reheb nak yo̱quin chixqꞌuebal retal li ma̱usilal li yo̱queb chixba̱nunquil, chan li Ka̱cuaꞌ.

Jonás 1:3

Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.