Jeremías 20:4 - Li Santil hu

⁴ Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.

Q'eqchi Bible

⁴ Xb'aan naq li Qaawa' xye chi jo'ka'in: «Tink'e naq taaxiwa aawib' aajunes ut tatkanaaq cho'q xxiweb' chixjunileb' laawamiiw. Laa'at taawileb' naq te'kamsiiq chi ch'iich' xb'aaneb' li xik' neke'ilok reheb'. Tinq'axtesi chixjunileb' laj Judá sa' ruq' li awab'ej re Babilonia re naq te'k'ame'q sa' li tenamit a'an ut te'kamsiiq chi ch'iich'.

Jeremías 20:4 ပူးပေါင်းရင်းမြစ်များ

Jeremías 29:21

Li Ka̱cuaꞌ lix Dioseb laj Israel naxye chi joꞌcaꞌin chirix laj Acab li ralal laj Colaías ut chirix ajcuiꞌ laj Sedequías li ralal laj Maasías li queꞌxye ticꞌtiꞌ saꞌ xcꞌabaꞌ li Dios, “La̱in tinkꞌaxtesiheb saꞌ rukꞌ laj Nabucodonosor lix reyeb laj Babilonia. Laj Nabucodonosor tixtakla xcamsinquileb che̱ru la̱ex,” chan li Dios.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 52:27

Laj Nabucodonosor, lix reyeb laj Babilonia, quixtakla xcamsinquileb aran Ribla, li cuan saꞌ xcue̱nt Hamat. Joꞌcaꞌin nak eb laj Judá queꞌisi̱c saꞌ lix tenamiteb ut queꞌcꞌameꞌ chi pre̱xil.

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 6:25

Mexxic saꞌ be chi moco texxic saꞌ xnaꞌaj le̱ racui̱mk xban nak xiu xiu yalak bar. Eb li xicꞌ nequeꞌiloc ke cuanqueb xchꞌi̱chꞌ saꞌ rukꞌeb, chanqueb.

Salmos 73:19

Saꞌ junpa̱t teꞌsachekꞌ ruheb. Cꞌajoꞌ nak teꞌxucuak.

2 Reyes 25:7

Ut chiru laj Sedequías queꞌxchꞌic chi chꞌi̱chꞌ saꞌ cuxeb li ralal. Chirix aꞌan queꞌrisi lix nakꞌ ru xcabichal laj Sedequías, queꞌxbacꞌ riqꞌuin cadena ut queꞌxcꞌam toj Babilonia.

1 Samuel 2:33

Jun reheb la̱ cuechꞌalal, li incꞌaꞌ tincamsi, tixqꞌue nabal xrahil a̱chꞌo̱l. Incꞌaꞌ chic sa tat-ilok xban li ya̱bac ta̱ba̱nu. Ut chixjunileb la̱ cualal a̱cꞌajol teꞌca̱mk nak toj sa̱jeb.

Jeremías 13:10

Eb li tenamit aꞌin numtajenak lix ma̱usilaleb ut kꞌaxal cauheb xchꞌo̱l. Queꞌxkꞌet li cua̱tin ut queꞌxcuikꞌib ribeb chiruheb li jalanil dios re teꞌxlokꞌoni ut queꞌcꞌanjelac chiruheb. Joꞌcan nak tinsacheb. Chanchanakeb chic li cꞌa̱mal saꞌ aꞌin li ma̱cꞌaꞌ chic na-oc cuiꞌ.

Jeremías 13:19

Eb li tenamit li cuanqueb Neguev tzꞌaptzꞌo chic lix puertileb. Ut ma̱ ani chic ta̱ru̱k ta̱tehok re. Chixjunileb li cuanqueb Judá teꞌchapekꞌ ut teꞌcꞌamekꞌ saꞌ jalan tenamit.

Jeremías 20:6

At Pasur, la̱at ut chixjunileb li cuanqueb saꞌ la̱ cuochoch texchapekꞌ ut texcꞌamekꞌ Babilonia. Texca̱mk ut texmukekꞌ aran, la̱at ut chixjunileb li nequeꞌrahoc a̱cue, li xabalakꞌiheb riqꞌuin li ticꞌtiꞌ li xaye reheb.

Jeremías 46:5

¿Cꞌaꞌru yo̱queb chixcꞌulbal? Eb lix soldados laj Egipto yo̱queb chi xucuac ut yo̱queb chi sukꞌi̱c chirixeb. Eb lix soldados laj Babilonia yo̱queb chi numta̱c saꞌ xbe̱neb. Yo̱queb chi e̱lelic saꞌ junpa̱t chi incꞌaꞌ nequeꞌiloc chirixeb. Ut yalak bar xucuajel rilbal li yo̱queb chixcꞌulbal, chan li Ka̱cuaꞌ.

Jeremías 52:24

Laj Nabuzaradán li nataklan saꞌ xbe̱neb li soldados li nequeꞌcꞌacꞌalen re li rey quixchap laj Seraías li xbe̱nil aj tij. Ut quixchap ajcuiꞌ laj Sofonías li xcab aj tij joꞌ eb ajcuiꞌ li oxib chi cui̱nk li queꞌcꞌacꞌalen re li oqueba̱l re li templo.