Jeremías 20:13 - Li Santil hu

¹³ Bichahomak xlokꞌal li Ka̱cuaꞌ ut chelokꞌoni xban nak aꞌan li natenkꞌan reheb li tenkꞌa̱c nequeꞌraj ut aꞌan li nacoloc reheb saꞌ rukꞌeb li incꞌaꞌ useb xnaꞌleb.

Q'eqchi Bible

¹³ B'ichahomaq ut loq'onihomaq ru li Qaawa', xb'aan naq A'an xkolok reheb' li wankeb' sa' rahilal sa' ruq'eb' li ink'a' useb' xna'leb'.

Jeremías 20:13 ပူးပေါင်းရင်းမြစ်များ

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Salmos 69:33

Li Ka̱cuaꞌ narabi lix tijeb li nebaꞌ ut aꞌan incꞌaꞌ naxtzꞌekta̱naheb li cuanqueb chi pre̱xil.

Salmos 72:4

Aꞌan ta̱rakok a̱tin saꞌ ti̱quilal saꞌ xbe̱neb li rahobtesinbileb ut tixcoleb ajcuiꞌ li ralal xcꞌajol li nebaꞌ. Abanan tixsacheb ru li nequeꞌrahobtesin reheb.

Salmos 34:6

Nak kꞌaxal ra cuanquin, quintzꞌa̱ma intenkꞌanquil re li Ka̱cuaꞌ, ut aꞌan quixsume li quintzꞌa̱ma re ut quinixcol chiru li raylal.

Jeremías 15:21

La̱in tincolok a̱cue saꞌ rukꞌeb li incꞌaꞌ useb xnaꞌleb ut la̱in tincolok a̱cue saꞌ rukꞌeb li nequeꞌrahobtesin, chan li Dios.

Jeremías 31:7

Li Ka̱cuaꞌ quixye: —¡Bichankex xban xsahil e̱chꞌo̱l saꞌ xcꞌabaꞌeb li ralal xcꞌajol laj Jacob, li nim xcuanquil saꞌ xya̱nkeb chixjunileb li tenamit! Chi-abi̱k xya̱b le̱ cux nak te̱lokꞌoni li Ka̱cuaꞌ ut te̱ye, “Li Ka̱cuaꞌ xcoloc reheb lix tenamit. Aꞌan xcoloc ke la̱o aj Israel li joꞌ qꞌuial chic xocana.”