Jeremías 20:12 - Li Santil hu

¹² At Ka̱cuaꞌ, at nimajcual Dios, la̱at nacayal rixeb li ti̱queb xchꞌo̱l. La̱at nacanau chanru li ra̱meb ut lix cꞌaꞌuxeb li junju̱nk. Joꞌcan nak tincuil taxak nak ta̱qꞌueheb chixtojbal lix ma̱queb li nequeꞌxba̱nu raylal cue xban nak la̱in xincanab saꞌ a̱cuukꞌ li cꞌaꞌru yo̱quin chixcꞌulbal.

Q'eqchi Bible

¹² At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

Jeremías 20:12 ပူးပေါင်းရင်းမြစ်များ

Jeremías 11:20

Abanan la̱at, at Ka̱cuaꞌ at nimajcual Dios, la̱at nacatrakoc a̱tin saꞌ ti̱quilal. La̱at nacanau chanru xnaꞌleb li junju̱nk ut cꞌaꞌru cuan saꞌ xcꞌaꞌuxeb. Nacuaj nacuil nak ta̱qꞌue re̱kaj reheb li ma̱usilal nequeꞌxba̱nu. La̱in nincanab cuib saꞌ a̱cuukꞌ la̱at.

Salmos 62:8

Ex intenamit, cauhak taxak e̱chꞌo̱l riqꞌuin li Dios chi junelic. Ut chextijok chi anchal e̱chꞌo̱l chiru li Dios ut te̱ye re chixjunil le̱ raylal xban nak caꞌaj cuiꞌ riqꞌuin aꞌan naru nakacol kib.

Salmos 54:7

La̱in ninnau nak la̱at xatcoloc cue chiruheb chixjunil li raylal ut xcuil nak xasacheb ru li xicꞌ nequeꞌiloc cue.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Salmos 59:10

At inDios, la̱in ninnau nak niquina̱ra ut ninnau ajcuiꞌ nak la̱at tattenkꞌa̱nk cue. La̱at tatqꞌuehok cue chirilbal chanru nak ta̱sacheb xcuanquil li xicꞌ nequeꞌiloc cue.

Salmos 139:23

At inDios, chacuil taxak chanru lin cꞌaꞌux cha̱cuu. Chayal taxak cuix re nak ta̱nau chanru lin naꞌleb.

Salmos 7:9

At inDios, kꞌaxal ti̱c a̱chꞌo̱l. La̱at nacanau lix cꞌaꞌux li junju̱nk ut nacanau li cꞌaꞌru nanumeꞌ saꞌ xchꞌo̱leb. Charam chiruheb li ma̱usilal li nequeꞌxba̱nu li incꞌaꞌ useb xnaꞌleb. Ut chaqꞌue xcacuilal xchꞌo̱l li cha̱bileb xnaꞌleb.

Jeremías 17:18

Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.

Isaías 37:14

Laj Ezequías quixcꞌul li hu riqꞌuineb lix takl laj Asiria ut quiril cꞌaꞌru naxye. Chirix aꞌan co̱ saꞌ rochoch li Ka̱cuaꞌ Dios ut quixqꞌue li hu chi teto chiru li Ka̱cuaꞌ Dios.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Salmos 11:5

Li Dios naxnau ani li ti̱c xchꞌo̱l ut ani incꞌaꞌ ti̱c xchꞌo̱l. Ut xicꞌ narileb li nequeꞌba̱nun re li ra xi̱cꞌ.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

1 Pedro 4:19

La̱ex li yo̱quex chi xcꞌulbal li raylal joꞌ naraj li Dios, cheqꞌuehak taxak e̱chꞌo̱l chixba̱nunquil li cha̱bilal. Chekꞌaxtesihak e̱rib saꞌ rukꞌ li Dios. Aꞌan li quiyoꞌobtesin ke ut ma̱ jokꞌe ta̱paltok chiku.

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

Jeremías 12:8

Eb li sicꞌbileb ru inban nequeꞌxcuechꞌi cuix. Chanchaneb li cakcoj nak yo̱ chixjapbal re saꞌ qꞌuicheꞌ. Joꞌcan nak xicꞌ chic nacuileb.

Isaías 38:14

Ma̱cꞌaꞌ chic inmetzꞌe̱u ut moco cau ta chic lix ya̱b lin cux. Ninya̱bac chanchan nak nequeꞌya̱bac li cuilix malaj ut chanchan nak nequeꞌya̱bac li mucuy. Nin-iloc saꞌ choxa. At Ka̱cuaꞌ, cꞌajoꞌ li raylal yo̱quin chixcꞌulbal. China̱tenkꞌa.

Salmos 86:4

At Ka̱cuaꞌ, chaqꞌue taxak xsahil inchꞌo̱l la̱in laj cꞌanjel cha̱cuu xban nak cha̱cuu yo̱quin chi tijoc.

2 Crónicas 24:22

Quisach saꞌ xchꞌo̱l li rey Joás li usilal li qui-ux re xban laj Joiada lix yucuaꞌ laj Zacarías. Quixqꞌue ban chi camsi̱c laj Zacarías. Nak yo̱ chi ca̱mc, laj Zacarías quixye re: —Aꞌ taxak li Dios chi-ilok re li cꞌaꞌru xaba̱nu ut aꞌan taxak chiqꞌuehok re̱kaj a̱cue, chan.

1 Samuel 1:15

Ut lix Ana quixye re: —La̱in incꞌaꞌ yo̱quin chi ucꞌac, at Ka̱cuaꞌ. Incꞌaꞌ nincala. Yo̱quin ban xyotꞌbal inchꞌo̱l chiru li Ka̱cuaꞌ xban nak cꞌajoꞌ li raylal nincꞌul.

Salmos 58:10

Li ti̱queb xchꞌo̱l teꞌsahokꞌ chirilbal nak teꞌqꞌuehekꞌ chixtojbal xma̱queb li incꞌaꞌ useb xnaꞌleb. Chanchan nak teꞌnumekꞌ saꞌ xbe̱n lix quiqꞌueleb nak teꞌsachekꞌ ruheb li incꞌaꞌ useb xnaꞌleb.