Jeremías 20:11 - Li Santil hu

¹¹ Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Q'eqchi Bible

¹¹ Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Jeremías 20:11 ပူးပေါင်းရင်းမြစ်များ

Jeremías 1:19

Teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin cha̱colbal, chan li Dios.

Jeremías 1:8

Matxucuac chiruheb li tenamit. La̱in cua̱nkin a̱cuiqꞌuin cha̱colbal, chan li Ka̱cuaꞌ Dios.

Jeremías 15:20

Chiruheb li tenamit chanchanakat jun li tzꞌac cau rib yi̱banbil riqꞌuin bronce. Eb aꞌan teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin. La̱in tincolok a̱cue ut la̱in tin-ilok a̱cue.

Jeremías 17:18

Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Salmos 6:10

Eb li xicꞌ nequeꞌiloc cue xuta̱nal teꞌxcꞌul ut sachso̱queb xchꞌo̱l teꞌcana̱k. Xbaneb xxuta̱n saꞌ junpa̱t teꞌxcanab inchꞌiꞌchꞌiꞌinquil.

Salmos 40:14

Chacꞌut taxak xxuta̱neb ut chasach taxak ruheb li nequeꞌajoc incamsinquil. Cheꞌe̱lelik taxak chicuu chi sachso̱queb xnaꞌleb li nequeꞌraj xba̱nunquil ma̱usilal cue.

Salmos 35:26

Xuta̱nal taxak cheꞌe̱lk li nequeꞌsahoꞌ saꞌ xchꞌo̱l riqꞌuin li raylal yo̱quin chixcꞌulbal. Chasacheb taxak lix naꞌlebeb. Xuta̱nal taxak cheꞌcana̱k chi junaj cua li nequeꞌraj numta̱c saꞌ inbe̱n.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Jeremías 23:40

Tincubsi xcuanquileb chi junaj cua ut tincꞌut xxuta̱neb chi junelic. Ut ma̱ jokꞌe ta̱sachk saꞌ xchꞌo̱leb, chan li Dios.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Isaías 45:16

Abanan chixjunileb li nequeꞌyi̱ban re li jalanil dios sachso̱k xnaꞌleb teꞌcana̱k ut teꞌxuta̱na̱k. Teꞌseꞌe̱k ut teꞌhobekꞌ nak ta̱cꞌutekꞌ xxuta̱neb.

Salmos 66:5

Cherabihak ut cheqꞌuehak retal li cꞌaꞌru quixba̱nu li Dios. Cheqꞌuehak retal li sachba chꞌo̱lej li quixba̱nu riqꞌuineb lix tenamit.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Salmos 65:5

At kaDios, at aj Colol ke, riqꞌuin xni̱nkal ru usilal nacasume li cꞌaꞌru nakatzꞌa̱ma a̱cue, ut nacaqꞌue ke saꞌ ti̱quilal. Li cuanqueb saꞌ chixjunil li ruchichꞌochꞌ, junes a̱cuiqꞌuin nequeꞌyoꞌonin joꞌqueb ajcuiꞌ li cuanqueb toj jun pacꞌal li ni̱nki palau.

Salmos 47:2

Xucuanbilak ru li nimajcual Dios xban nak aꞌan li tzꞌakal rey ut kꞌaxal nim xcuanquil saꞌ xbe̱n chixjunil li ruchichꞌochꞌ.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Salmos 129:2

Chalen nak xticla chak li katenamit, cꞌajoꞌ nak corahobtesi̱c xbaneb li xicꞌ nequeꞌiloc ke, abanan incꞌaꞌ queꞌnumta saꞌ kabe̱n.

Jeremías 15:15

Laj Jeremías quixye: —At Ka̱cuaꞌ, la̱at nacanau chixjunil. Chinjulticokꞌ a̱cue ut china̱tenkꞌa. Ma̱cuy xma̱queb li nequeꞌxba̱nu raylal cue. Chaqꞌueheb ban chixtojbal xma̱queb re nak incꞌaꞌ tineꞌxcamsi. Chaqꞌuehak retal nak xban a̱ra̱bal la̱at nak yo̱quin chixcuybal li rahobtesi̱c.

Jeremías 22:22

Teꞌcꞌamekꞌ che̱ru chixjunileb li nequeꞌcꞌamoc be che̱ru. Chanchan nak teꞌcꞌamekꞌ xban ikꞌ. Teꞌcꞌamekꞌ saꞌ jalan naꞌajej chixjunileb li xeꞌxjunaji ribeb e̱riqꞌuin. Ta̱cubsi̱k e̱cuanquil ut xuta̱nal texcana̱k xban le̱ ma̱usilal.

Jeremías 32:18

La̱at nacacuuxta̱naheb ru li qꞌuila okꞌob chi cristian, abanan nacatakla li raylal saꞌ xbe̱n li tenamit re nak teꞌxtoj rix xma̱queb lix naꞌ xyucuaꞌeb. At Ka̱cuaꞌ, “Nimajcual Dios” a̱cꞌabaꞌ ut kꞌaxal nim la̱ cuanquil.

Jeremías 1:18

Anakcuan tinqꞌue a̱cacuilal joꞌ jun li tenamit cauresinbil chi pletic. Chanchanakat xcacuil li okech chꞌi̱chꞌ malaj ut li tzꞌac chꞌi̱chꞌ. Ut la̱at ta̱ye reheb chixjunileb li cuanqueb Judá nak incꞌaꞌ us yo̱queb. Ta̱ye ajcuiꞌ reheb li rey ut eb laj tij.