Jeremías 20:10 - Li Santil hu

¹⁰ Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Q'eqchi Bible

¹⁰ Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Jeremías 20:10 ပူးပေါင်းရင်းမြစ်များ

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

Salmos 31:13

Nequeꞌcuabi nak nequeꞌhashot chinhobbal. Yalak bar ninnumeꞌ xiu xiu cuanquin. Nequeꞌxchꞌutub rib ut nequeꞌxcꞌu̱b chi ribileb rib chanru nak tineꞌxcamsi.

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Hechos 24:13

Ut eb laj jitol cue incꞌaꞌ naru nequeꞌxye nak ya̱l li cꞌaꞌru yo̱queb chixyebal xban nak ma̱cꞌaꞌ junak retalil naru naxcꞌut nak ya̱l.

Ezequiel 22:9

Saꞌ e̱ya̱nk cuanqueb li nequeꞌyoꞌoban ticꞌtiꞌ chirixeb li ras ri̱tzꞌin re nak teꞌcamsi̱k. Cuanqueb li nequeꞌxcuaꞌ li tzacae̱mk li quimayeja̱c chiruheb li jalanil dios saꞌ eb li tzu̱l. Ut nequeꞌxba̱nu li ma̱usilal.

Jeremías 6:25

Mexxic saꞌ be chi moco texxic saꞌ xnaꞌaj le̱ racui̱mk xban nak xiu xiu yalak bar. Eb li xicꞌ nequeꞌiloc ke cuanqueb xchꞌi̱chꞌ saꞌ rukꞌeb, chanqueb.

Proverbios 10:18

Li ani xicꞌ na-iloc chi mukmu, aꞌan aj ticꞌtiꞌ. Ut li ani nacuulac chiru moloc ticꞌtiꞌ, aꞌan ma̱cꞌaꞌ xnaꞌleb.

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

Li xHu LAJ JOB 19:19

Chixjunileb li tzꞌakal cuami̱g nak queꞌcuan niquineꞌxtzꞌekta̱na. La̱in nequebinra, abanan eb aꞌan xicꞌ chic niquineꞌril.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

1 Reyes 19:2

Ut lix Jezabel quixtakla jun lix takl riqꞌuin li profeta Elías chixyebal re nak tixcamsi chi chꞌi̱chꞌ joꞌ quixba̱nu reheb lix profeta lix Jezabel. Quixye: —Chineꞌxcamsihak lin dios cui toj ma̱jiꞌ nacatcam saꞌ li ho̱nal aꞌin cuulaj, chan re laj Elías.

Hechos 7:54

Nak queꞌrabi li cꞌaꞌru yo̱ chixyebal laj Esteban, cꞌajoꞌ nak queꞌjoskꞌoꞌ. Queꞌxcꞌuxuxi li ruch re xbaneb xjoskꞌil.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

1 Reyes 22:27

Yehomak reheb nak teꞌxqꞌue saꞌ tzꞌalam ut junes caxlan cua ut haꞌ teꞌxqꞌue re toj retal tinsukꞌi̱k chak la̱in chi sa saꞌ inchꞌo̱l, chan.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Jeremías 11:21

Aꞌut eb li cui̱nk li cuanqueb Anatot li queꞌraj incamsinquil, queꞌxye cue nak incꞌaꞌ chic tina̱tinak saꞌ xcꞌabaꞌ li Ka̱cuaꞌ re nak incꞌaꞌ tineꞌxcamsi, chan laj Jeremías.

Jeremías 20:3

Cuulajak chic laj Pasur quirisi laj Jeremías saꞌ li cheꞌ li natꞌnoꞌ cuiꞌ li rok. Ut laj Jeremías quixye re: —Anakcuan li Ka̱cuaꞌ xjal la̱ cꞌabaꞌ. Ma̱cuaꞌ chic aj Pasur a̱cꞌabaꞌ. Aj Magor-misabib chic xqꞌue chokꞌ a̱cꞌabaꞌ.

Jeremías 37:13

Abanan nak quicuulac saꞌ li oqueba̱l re laj Benjamín, li nataklan saꞌ xbe̱neb li soldados quixchap ut quixye re: —La̱at xic a̱cue chixkꞌaxtesinquil a̱cuib saꞌ xya̱nkeb laj Babilonia, chan. Li cui̱nk aꞌan, aꞌan laj Irías li ralal laj Selemías ut ri laj Hananías.

Daniel 6:4

Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

Salmos 31:14

Abanan la̱in, at Ka̱cuaꞌ, a̱cuiqꞌuin cau inchꞌo̱l. La̱in ninnau nak la̱at lin Dios.

Salmos 41:10

Abanan la̱at, at Ka̱cuaꞌ, chacuuxta̱na taxak cuu, ut chaqꞌue taxak incacuilal re nak tebinqꞌue chixtojbaleb xma̱c.

Jeremías 1:19

Teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin cha̱colbal, chan li Dios.