Jeremías 2:7 - Li Santil hu

⁷ La̱in quincꞌamoc reheb saꞌ li naꞌajej li na-el cuiꞌ nabal li acui̱mk re nak teꞌxtzaca li ru li cheꞌ ut li ru li cha̱bil acui̱mk li na-el aran. Abanan eb aꞌan incꞌaꞌ us queꞌxba̱nu. Queꞌxmux ban ru li naꞌajej li quinqꞌue reheb.

Q'eqchi Bible

⁷ Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Jeremías 2:7 ပူးပေါင်းရင်းမြစ်များ

Jeremías 16:18

Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

Números 13:27

Ut queꞌxye reheb: —Xocuulac chak chirilbal li naꞌajej li xoa̱takla cuiꞌ. Relic chi ya̱l li naꞌajej kꞌaxal cha̱bil. Aran na-el nabal li sahil echej. Aꞌan aꞌin li ru li quiꞌil kꞌe̱n li xkacꞌam chak saꞌ li naꞌajej aꞌan.

Ezequiel 36:17

—At ralal cui̱nk, nak eb laj Israel cuanqueb saꞌ lix chꞌochꞌeb queꞌxmux ru li naꞌajej xban li ma̱usilal queꞌxba̱nu. Chanchaneb jun li ixk nak yo̱ chixcꞌulbal lix yajel re li po.

Jeremías 3:9

Xban nak eb laj Israel queꞌxlokꞌoni li jalanil dios, joꞌcan nak eb laj Judá incꞌaꞌ queꞌxcꞌoxla nak ma̱c li yo̱queb chixba̱nunquil. Queꞌxmux ru lix chꞌochꞌeb riqꞌuin li queꞌxba̱nu. Ut quineꞌxtzꞌekta̱na nak queꞌxlokꞌoni li dios yi̱banbil riqꞌuin pec ut cheꞌ.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Ezequiel 20:6

Saꞌ li cutan aꞌan la̱in quinye reheb riqꞌuin juramento nak la̱in teꞌcuisi saꞌ li naꞌajej Egipto ut tincꞌameb saꞌ jun cha̱bil naꞌajej li quinsicꞌ ru chokꞌ reheb li na-el cuiꞌ chi us li sahil echej. Aꞌan li kꞌaxal chꞌinaꞌus chiru chixjunil li naꞌajej.

Nehemías 9:25

Eb li tenamit li caqꞌue reheb ac sutsu̱queb saꞌ tzꞌac ut yi̱banbil chi us. Cha̱bil li chꞌochꞌ li caqꞌue reheb. Ut eb li cab li queꞌoc cuiꞌ ac yi̱banbil chi us ut ac yi̱banbileb lix becbil haꞌ. Ac aubil li acui̱mk uvas ut olivos saꞌ li chꞌochꞌ. Ut cuan ajcuiꞌ nabal li cheꞌ li naxqꞌue ru. Ut eb laj Israel queꞌcuaꞌac chi us ut queꞌnujac. Queꞌcꞌojla xchꞌo̱leb xban xnimal la̱ cuusilal.

Deuteronomio 21:23

incꞌaꞌ naru te̱canab li camenak chi tꞌuytꞌu chiru li kꞌojyi̱n. Tento nak ta̱mukekꞌ saꞌ ajcuiꞌ li cutan aꞌan xban nak tzꞌekta̱nanbil xban li Dios li ani natꞌuyuba̱c chiru cheꞌ. Incꞌaꞌ naru te̱mux ru li naꞌajej li tixqꞌue e̱re li Ka̱cuaꞌ le̱ Dios.

Deuteronomio 6:18

Cheba̱nuhak li ti̱quilal ut li cha̱bilal joꞌ nacuulac chiru li Ka̱cuaꞌ re nak us tex-e̱lk ut tex-oc chi cua̱nc saꞌ li cha̱bil naꞌajej li quixyechiꞌi riqꞌuin juramento li Ka̱cuaꞌ reheb le̱ xeꞌto̱nil yucuaꞌ.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Jeremías 32:23

Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.

Jeremías 32:30

Eb laj Israel ut eb laj Judá junes ma̱usilal nequeꞌxba̱nu chicuu chalen chak saꞌ xsa̱jilaleb. Ut nequeꞌxchikꞌ injoskꞌil riqꞌuin li jalanil dios li nequeꞌxyi̱b.

Ezequiel 20:28

La̱in quincꞌameb saꞌ li cha̱bil naꞌajej li quinyechiꞌi reheb. Nak queꞌril li tzu̱l li najt xteram ut eb li cheꞌ li ni̱nk xmu, queꞌxqꞌue xmayejeb aran. Queꞌxchikꞌ injoskꞌil nak queꞌxqꞌue lix cꞌatbil mayej ut queꞌxqꞌue li vino chokꞌ xmayej ut queꞌxqꞌue ajcuiꞌ li sununquil pom.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

Nehemías 9:26

Abanan queꞌxchikꞌ a̱joskꞌil xban nak queꞌxkꞌet la̱ cua̱tin. Queꞌxtzꞌekta̱na li chakꞌrab li caqꞌue reheb. Queꞌxcamsiheb li profeta li queꞌyehoc reheb nak teꞌsukꞌi̱k cuiꞌchic a̱cuiqꞌuin. Cꞌajoꞌ li ma̱usilal queꞌxba̱nu.

Isaías 19:25

Ut osobtesinbilakeb xban li nimajcual Dios. Li Dios tixye reheb: —Osobtesinbilex inban, la̱ex aj Egipto, lin tenamit. Ut la̱ex aj Asiria, li yoꞌobtesinbilex inban, osobtesinbilex ajcuiꞌ inban. Ut osobtesinbilex la̱ex aj Israel, li sicꞌbil e̱ru inban, chaꞌak li Dios.

Ezequiel 20:24

Quinye chi joꞌcan xban nak incꞌaꞌ queꞌxba̱nu li cꞌaꞌru quinye reheb. Queꞌxkꞌet lin chakꞌrab ut queꞌxmux ru li hiloba̱l cutan. Ut queꞌxlokꞌoniheb li jalanil dios li queꞌxlokꞌoni lix yucuaꞌeb.

Ezequiel 23:35

Joꞌcaꞌin naxye li nimajcual Dios: —Xban nak quine̱tzꞌekta̱na ut incꞌaꞌ chic niquine̱cꞌoxla, joꞌcan nak texinqꞌue chixtojbal le̱ ma̱c ut li ma̱usilal li xeba̱nu.—