Jeremías 2:37 - Li Santil hu

³⁷ Cꞌajoꞌak le̱ xuta̱n nak tex-e̱lk chak riqꞌuineb laj Egipto xban nak incꞌaꞌ textenkꞌa. La̱in li Ka̱cuaꞌ xintzꞌekta̱naheb laj Egipto li nequecꞌojob cuiꞌ e̱chꞌo̱l. Incꞌaꞌ us tex-e̱lk riqꞌuineb aꞌan.—

Q'eqchi Bible

³⁷ K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.

Jeremías 2:37 ပူးပေါင်းရင်းမြစ်များ

2 Samuel 13:19

Lix Tamar quixqꞌue li cha saꞌ xjolom. Quixpej li rakꞌ. Quixtzꞌap li ru riqꞌuin li rukꞌ ut yo̱ chi ya̱bac nak co̱.

Jeremías 17:5

Li Ka̱cuaꞌ quixye: —Tzꞌekta̱nanbil li ani naxcanab inlokꞌoninquil ut naxcꞌojob xchꞌo̱l saꞌ xbe̱n junak yal cui̱nk ut naxsicꞌ xtenkꞌanquil riqꞌuin.

Jeremías 32:5

Tinixcꞌam toj Babilonia ut aran tincana̱k toj nak li Ka̱cuaꞌ tixba̱nu li cꞌaꞌru ta̱raj riqꞌuineb. Cui topletik riqꞌuineb laj Babilonia, incꞌaꞌ tonumta̱k saꞌ xbe̱neb, chancat.—

Jeremías 2:36

¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

2 Crónicas 13:12

Cheqꞌuehak retal. Li Dios cuan kiqꞌuin. Aꞌan yo̱ chi cꞌamoc kabe. Ut eb laj tij oqueb re chixya̱basinquil lix trompe̱teb re takatiquib pletic e̱riqꞌuin. Joꞌcan ut, ex ralal xcꞌajol laj Israel, mexpletic riqꞌuin li Ka̱cuaꞌ lix Dioseb le̱ xeꞌto̱nil yucuaꞌ xban nak incꞌaꞌ texnumta̱k saꞌ kabe̱n, chan laj Abías.

Números 14:41

Ut laj Moisés quixye reheb: —¿Cꞌaꞌut nak yo̱quex chixkꞌetbal li cꞌaꞌru xye li Dios? Cui tex-oc saꞌ li naꞌajej aꞌan, incꞌaꞌ us tex-e̱lk.

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Jeremías 14:4

Xelajeꞌitzꞌeꞌ li chꞌochꞌ xban nak incꞌaꞌ chic naxqꞌue li hab. Ut eb laj acuinel sachso̱queb xchꞌo̱l ut nequeꞌxmuk li ru riqꞌuin li rukꞌeb.

Jeremías 22:30

Aꞌan aꞌin li naxye, “Te̱tzꞌi̱ba retalil joꞌ jun li cui̱nk li ma̱cꞌaꞌ ralal xcꞌajol. Li cui̱nk aꞌin incꞌaꞌ us ta̱e̱lk riqꞌuin li cꞌaꞌru tixba̱nu. Ma jun reheb li ralal xcꞌajol ta̱oc chokꞌ rey saꞌ lix naꞌaj laj David. Incꞌaꞌ teꞌoc chokꞌ xreyeb laj Judá.”

2 Samuel 11:12

Ut laj David quixye re: —Cana̱kat arin anakcuan. Cuulaj tatintakla cuiꞌchic riqꞌuineb li soldados, chan. Joꞌcan nak laj Urías quicana Jerusalén saꞌ li cutan aꞌan ut li cutan jun chic.

Isaías 28:18

Ta̱sachekꞌ xcuanquil li contrato li queba̱nu riqꞌuin li ca̱mc joꞌ ajcuiꞌ li contrato li queba̱nu riqꞌuin lix naꞌajeb li camenak. Kꞌaxal ra te̱cꞌul nak ta̱cha̱lk li raylal saꞌ e̱be̱n.

Jeremías 22:20

La̱ex aj Jerusalén, ayukex Líbano ut japomak e̱re. Japomak e̱re saꞌ eb li tzu̱l li cuanqueb Basán. Ut chi-abi̱k xya̱b le̱ cux yalak bar xban nak xeꞌxsach xcuanquileb chixjunileb li queꞌxjunaji ribeb e̱riqꞌuin.

Lamentaciones 4:17

Xkasicꞌ katenkꞌanquil toj retal nak incꞌaꞌ chic xkacuy. Yo̱co chiroybeninquil nak teꞌcha̱lk chikatenkꞌanquil. Abanan li tenamit li yo̱co chiroybeninquil incꞌaꞌ xru chikatenkꞌanquil.