Jeremías 2:34 - Li Santil hu

³⁴ Chanchan nak osoꞌjenak le̱ rakꞌ saꞌ xquiqꞌueleb li nebaꞌ ut eb li ma̱cꞌaꞌeb xma̱c. Usta incꞌaꞌ xetauheb chirelkꞌanquil li cꞌaꞌru e̱re, abanan xecamsiheb.

Q'eqchi Bible

³⁴ Oso'jenaq laab'aatal sa' xkik'eleb' li neb'a' jo' ajwi' sa' xkik'eleb' li maak'a'eb' xmaak, a'eb' li maajun wa xataweb' chi elq'ak.

Jeremías 2:34 ပူးပေါင်းရင်းမြစ်များ

2 Reyes 21:16

Kꞌaxal cuiꞌchic nabaleb li ma̱cꞌaꞌeb xma̱c quixcamsi laj Manasés. Chanchan nak quinujac li tenamit Jerusalén chi quicꞌ. Ut quixcꞌameb ajcuiꞌ xbeheb laj Judá chi ma̱cobc chiru li Ka̱cuaꞌ.

Jeremías 19:4

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.

2 Reyes 24:4

Ut xban ajcuiꞌ nak nabaleb li ma̱cꞌaꞌeb xma̱c quixcamsiheb laj Manasés. Chanchan nak quinujac li tenamit riqꞌuin lix quiqꞌueleb. Ut li Ka̱cuaꞌ incꞌaꞌ chic quiraj xcuybal xma̱c.

Éxodo 22:2

Cui laj e̱lkꞌ ta̱taꞌekꞌ chiru kꞌojyi̱n nak yo̱k chi elkꞌac, ut cui saꞌ li ho̱nal aꞌan ta̱camsi̱k, li ani ta̱camsi̱nk re, ta̱cana̱k chi ma̱cꞌaꞌ xma̱c.

Ezequiel 24:7

Nabal li camsi̱nc qui-uxman saꞌ li tenamit ut lix quiqꞌueleb li queꞌcamsi̱c quihoyeꞌ saꞌ xbe̱n li pec. Incꞌaꞌ quihoyeꞌ saꞌ chꞌochꞌ re nak incꞌaꞌ ta̱sachk saꞌ li poks.

Ezequiel 20:31

Chalen anakcuan nequemux e̱rib riqꞌuin xlokꞌoninquileb li jalanil dios ut nequeqꞌue le̱ cocꞌal chokꞌ cꞌatbil mayej. Ut chirix aꞌan nequexchal chixsicꞌbal e̱naꞌleb cuiqꞌuin. La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru nequepatzꞌ.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Jeremías 7:31

Saꞌ li ru takꞌa li cuan Ben-hinom queꞌxyi̱b li artal li najt xteram saꞌ li naꞌajej Tofet ut queꞌxcꞌat chokꞌ xmayejeb li ralal xcꞌajoleb. La̱in incꞌaꞌ quinye reheb nak teꞌxba̱nu chi joꞌcan chi moco quincꞌoxla nak joꞌcan teꞌxba̱nu.

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Isaías 57:5

¿Ma ma̱cuaꞌ ta biꞌ la̱ex li nequeba̱nu li moco uxc ta naraj rubeleb li ni̱nki cheꞌ re xlokꞌoninquil le̱ yi̱banbil dios? ¿Ma incꞌaꞌ ta biꞌ nequemayeja le̱ cocꞌal saꞌ eb li ochoch pec ut saꞌ eb li ru takꞌa?

Isaías 59:3

Xetzꞌajni le̱ rukꞌ riqꞌuin xcamsinquil le̱ ras e̱ri̱tzꞌin ut xemux e̱rib xban li ma̱usilal xeba̱nu. Junes ticꞌtiꞌic nequeba̱nu ut junes yibru aj a̱tin nequeye.

Jeremías 2:33

La̱ex kꞌaxal cuan e̱naꞌleb chixsicꞌbal li cꞌaꞌru nequera ru ut kꞌaxal cuiꞌchic nabal li ma̱usilal naru nequeꞌxtzol e̱riqꞌuin li incꞌaꞌ useb xnaꞌleb.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Lamentaciones 4:14

Eb li profeta ut eb laj tij chanchaneb li mutzꞌ nak nequeꞌxbeni ribeb saꞌ eb li be. Ut xban nak queꞌxmux ribeb riqꞌuin xquiqꞌuel li ras ri̱tzꞌin, xicꞌ nequeꞌileꞌ. Joꞌcan nak ma̱ ani na-ajoc re xchꞌeꞌbal li rakꞌeb.

Ezequiel 9:9

Li Ka̱cuaꞌ quixye cue: —Kꞌaxal numtajenak lix ma̱queb li ralal xcꞌajol laj Israel ut laj Judá. Saꞌ chixjunil li naꞌajej queꞌxcamsi ras ri̱tzꞌin ut queꞌxba̱nu li ma̱usilal. Nequeꞌxye nak la̱in xintzꞌekta̱na lix naꞌajeb ut incꞌaꞌ nacuil li ma̱usilal li nequeꞌxba̱nu.

Ezequiel 22:25

Eb li nequeꞌcꞌamoc be chanchaneb li cakcoj li yo̱queb chixjapbal re saꞌ xbe̱n lix tib. Nequeꞌxcamsiheb li rech tenamitil ut nequeꞌxmakꞌ chiruheb li cꞌaꞌru reheb. Nabaleb li xma̱lcaꞌan xban nak queꞌcamsi̱c lix be̱lomeb.

Éxodo 22:1

Cui ani ta̱relkꞌa junak bo̱yx malaj ut junak carner, ut tixcamsi malaj ut tixcꞌayi, aꞌan tento nak tixqꞌue o̱b chi bo̱yx chokꞌ re̱kaj li jun li xrelkꞌa malaj ut tixqꞌue ca̱hib chi carner chokꞌ re̱kaj li jun li xrelkꞌa.

Ezequiel 23:45

Abanan, eb li cui̱nk li ti̱queb xchꞌo̱l teꞌrakok a̱tin saꞌ xbe̱neb joꞌ nequeꞌxba̱nu riqꞌuineb li ixk li nequeꞌxmux ru xsumlajic ut eb li nequeꞌcamsin. Teꞌxba̱nu chi joꞌcan xban nak lix Ahola ut lix Aholiba queꞌxmux ru xsumlajiqueb ut queꞌcamsin.