Jeremías 2:28 - Li Santil hu

²⁸ La̱ex aj Judá, ¿ma incꞌaꞌ ta biꞌ xeyi̱b le̱ dios re textenkꞌa? ¿Ma incꞌaꞌ ta biꞌ ta̱ru̱k te̱tzꞌa̱ma e̱tenkꞌanquil riqꞌuin aꞌan? Cui cuanqueb xcuanquil, chextenkꞌa nak cua̱nkex saꞌ raylal. Kꞌaxal nabaleb le̱ jalanil dios. Chanchan xqꞌuialeb le̱ tenamit.

Q'eqchi Bible

²⁸ B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

Jeremías 2:28 ပူးပေါင်းရင်းမြစ်များ

Jeremías 11:13

La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Deuteronomio 32:37

Ut li Ka̱cuaꞌ tixye reheb: —¿Bar cuanqueb le̱ dios li cꞌojcꞌo cuiꞌ le̱ chꞌo̱l?

Jueces 10:14

Ayukex ut ya̱bahomak xcꞌabaꞌeb li jalanil dios li xesicꞌ ruheb. Ma̱re eb aꞌan chic teꞌcolok e̱re chiru li raylal li cuanquex cuiꞌ anakcuan, chan li Dios.

Isaías 46:7

Nequeꞌxpako saꞌ xbe̱n xtel ut nequeꞌxxakab saꞌ xnaꞌaj. Incꞌaꞌ naru ta̱e̱lk saꞌ li naꞌajej aꞌan. Usta li cristian teꞌxjap reheb chixtzꞌa̱manquil xtenkꞌanquil, abanan lix dios incꞌaꞌ tixsume. Lix dioseb incꞌaꞌ naru tixcoleb chiru li raylal li cuanqueb cuiꞌ.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Isaías 46:2

Queꞌcubsi̱c xcuanquileb ut queꞌsacheꞌ ruheb li yi̱banbil dios ut queꞌcꞌameꞌ saꞌ jalan tenamit rochbeneb li bu̱r. Incꞌaꞌ queꞌru xcolbaleb rib.

2 Reyes 3:13

Abanan laj Eliseo quixye re lix reyeb laj Israel: —¿Cꞌaꞌ aj e nak texintenkꞌa la̱in? Ayukex. Patzꞌomak e̱naꞌleb riqꞌuineb li profeta li queꞌcꞌanjelac chiru le̱ naꞌ e̱yucuaꞌ, chan. Li rey Joram quixye re: —Incꞌaꞌ naru toxic riqꞌuineb aꞌan. Aꞌ li Ka̱cuaꞌ Dios, aꞌan xchꞌutuban ku la̱o li oxib chi rey re toxkꞌaxtesi saꞌ rukꞌeb laj Moab, chan.

Jeremías 1:16

Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

Jeremías 11:12

Eb li tenamit li cuanqueb Judá ut eb li cuanqueb Jerusalén teꞌxic riqꞌuineb li yi̱banbil dios li nequeꞌxcꞌat pom chiru. Teꞌxtzꞌa̱ma xtenkꞌanquil chiruheb, abanan incꞌaꞌ teꞌtenkꞌa̱k xbaneb lix dioseb nak cuanqueb saꞌ raylal.

Jeremías 30:7

Ta̱cuulak xkꞌehil nak teꞌxcꞌul junak li nimla raylal. Ma̱cꞌaꞌ naru najuntakꞌe̱taman cuiꞌ li raylal aꞌan. Kꞌaxal ra teꞌxcꞌul li ralal xcꞌajol laj Jacob. Abanan eb aꞌan teꞌcolekꞌ chiru li raylal.

Jeremías 37:19

¿Bar cuanqueb li profeta li queꞌyehoc a̱cue nak lix reyeb laj Babilonia incꞌaꞌ ta̱pletik a̱cuiqꞌuin chi moco riqꞌuineb la̱ tenamit?

Habacuc 2:18

¿Cꞌaꞌru ta̱oc cuiꞌ e̱re li pechꞌbil dios li nequeyi̱b la̱ex riqꞌuin le̱ rukꞌ? ¿Ma cuan ta biꞌ xcuanquil li dios yi̱banbil riqꞌuin chꞌi̱chꞌ? Yal nequebalakꞌi e̱rib riqꞌuineb. Li yi̱banbil dios incꞌaꞌ nequeꞌa̱tinac. ¿Chan ta cuiꞌ ru nak cauhak e̱chꞌo̱l riqꞌuin li cꞌaꞌru yal te̱yi̱b riqꞌuin e̱rukꞌ?

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Isaías 57:13

Nak te̱jap e̱re chixtzꞌa̱manquil e̱tenkꞌanquil, eb le̱ yi̱banbil dios incꞌaꞌ textenkꞌa. Texcꞌamekꞌ xban ikꞌ usta moco cau ta ta̱ecꞌa̱nk. Abanan eb li nequeꞌxcꞌojob xchꞌo̱l cuiqꞌuin teꞌre̱chani li naꞌajej ut teꞌre̱chani ajcuiꞌ lin santil tzu̱l.