Jeremías 2:21 - Li Santil hu

²¹ La̱in xinsicꞌ e̱ru ut xexinqꞌue chi cua̱nc saꞌ le̱ naꞌaj. Chanchan nak nasiqꞌueꞌ ru li cha̱bil iyaj ut na-aueꞌ. ¿Chanru nak xejal e̱naꞌleb? Chanchanex chic li acui̱mk li ma̱cꞌaꞌ na-oc cuiꞌ.

Q'eqchi Bible

²¹ Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

Jeremías 2:21 ပူးပေါင်းရင်းမြစ်များ

Isaías 5:4

¿Cꞌaꞌ chic ru incꞌaꞌ xinba̱nu re li cuacui̱mk nak nequeye la̱ex? Nak quicuoybeni nak tixqꞌue li cha̱bil uvas, aꞌ chic li ma̱cuaꞌ cha̱bil li qui-el.

Éxodo 15:17

Toa̱cꞌam saꞌ li tzu̱l li sicꞌbil ru a̱ban li cuan saꞌ li naꞌajej li xayechiꞌi chak ke junxilaj. Toa̱qꞌue chi cua̱nc saꞌ li naꞌajej li xakabanbil a̱ban re nak tatkalokꞌoni.

San Juan 15:1

Li Jesús quixye ajcuiꞌ reheb: —La̱in chanchanin li xto̱nal li uvas. Ut lin Yucuaꞌ joꞌ jun li nasabesin re.

Salmos 44:2

Ac xkabi ut ac xkanau nak la̱at cattaklan chak re li raylal saꞌ xbe̱neb li tenamit li queꞌlokꞌonin jalanil dios. Ut la̱at cat-isin reheb saꞌ li naꞌajej yechiꞌinbil reheb la̱ cualal a̱cꞌajol. Ut caqꞌueheb la̱ cualal a̱cꞌajol chi cua̱nc saꞌ li naꞌajej aꞌan.

Salmos 80:8

Chanchano li jun to̱n chi uvas nak coa̱cuisi chak aran Egipto la̱o aj Israel. Cacuisiheb li jalaneb xtenamit saꞌ li naꞌajej li coa̱cꞌam cuiꞌ ut aran coa̱qꞌue chi cua̱nc.

Deuteronomio 4:37

Cꞌajoꞌ nak quixraheb le̱ xeꞌto̱nil yucuaꞌ. Joꞌcan nak quixsiqꞌueb ru li ralal xcꞌajoleb chokꞌ xtenamit. Aꞌan qui-isin chak e̱re Egipto riqꞌuin xnimal xcuanquil.

San Lucas 20:9

Ut li Jesús qui-oc chixyebal reheb li tenamit li jaljo̱quil ru a̱tin aꞌin: —Jun li cui̱nk quirau jun si̱r li racui̱mk uvas. Quixqꞌue chi toꞌ riqꞌuineb li cui̱nk aj cꞌalom. Ut co̱ saꞌ jalan tenamit ut najt quisach.

San Marcos 12:1

Li Jesús qui-oc chixyebal li jaljo̱quil ru a̱tin reheb ut quixye chi joꞌcaꞌin: Jun li cui̱nk quirau jun si̱r li racui̱mk uvas ut quixsut saꞌ corral. Quixyi̱b jun xnaꞌaj bar teꞌxyatzꞌ cuiꞌ li uvas ut quixyi̱b ajcuiꞌ jun chꞌina cab najt xteram re li ta̱cꞌacꞌale̱nk re li acui̱mk. Quixsiqꞌueb laj ilol re li racui̱mk. Ut laj e̱chal re li acui̱mk co̱ saꞌ jalanil tenamit.

Deuteronomio 32:32

Eb li xicꞌ nequeꞌiloc reheb chanchaneb laj Sodoma ut chanchaneb laj Gomorra. Li cꞌaꞌru nequeꞌxba̱nu chanchaneb ru li uvas li cꞌa li nacamsin.

San Mateo 21:33

Abihomak jun chic li jaljo̱quil ru a̱tin li oc cue xyebal: Quicuan jun yucuaꞌbej. Quirau jun si̱r li racui̱mk uvas ut quixsut saꞌ corral. Quixyi̱b jun xnaꞌaj bar teꞌxyatzꞌ cuiꞌ li uvas ut quixyi̱b ajcuiꞌ jun chꞌina cab najt xteram re li ta̱cꞌacꞌale̱nk re li acui̱mk. Quixsiqꞌueb laj ilol re li racui̱mk. Ut laj e̱chal re co̱ chi najt saꞌ jalan tenamit.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Isaías 1:21

¿Chanru nak xejal e̱naꞌleb, ex tenamit? Junxil xine̱lokꞌoni ut xexcuan saꞌ ti̱quilal. Abanan anakcuan xine̱tzꞌekta̱na. Chanchanex chic li ixk li naxcꞌayi rib. Anakcuan la̱ex chic aj camsinel.

Salmos 105:6

La̱ex li ralal xcꞌajolex laj Abraham chijulticokꞌ e̱re li sachba chꞌo̱lej li quixba̱nu li Ka̱cuaꞌ. La̱ex li ralal xcꞌajolex laj Jacob li sicꞌbil ru xban li Dios, chijulticokꞌ e̱re li cꞌaꞌru quixba̱nu li Ka̱cuaꞌ.

Josué 24:31

Ut eb laj Israel queꞌcꞌanjelac chiru li Ka̱cuaꞌ nak toj yoꞌyo laj Josué. Joꞌcan ajcuiꞌ queꞌxba̱nu chiruheb laj cꞌamol be li toj queꞌcana nak quicam laj Josué xban nak eb aꞌan queꞌxnau chixjunil li joꞌ qꞌuial li usilal quixba̱nu li Ka̱cuaꞌ reheb laj Israel.

Lamentaciones 4:1

Li ka-oro xeꞌkꞌekoꞌ ru. Li cha̱bil oro incꞌaꞌ chic nequeꞌlemtzꞌun. Ut li terto̱quil pec li xcuan saꞌ li templo nequeꞌtꞌanaxin yalak bar saꞌ eb li be.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Isaías 27:2

Saꞌ li cutan aꞌan li Ka̱cuaꞌ Dios tixye: —Bichankex chirix lix naꞌaj li cha̱bil uvas.

Jeremías 11:17

La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Salmos 80:9

Casabesi ru li chꞌochꞌ aꞌan ut aran coa̱qꞌue chi cua̱nc chi junaj cua joꞌ nak naxchap xxeꞌ li uvas. Queꞌtam li kalal kacꞌajol toj retal quinujac li katenamit.

Jeremías 5:10

Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Jeremías 11:16

Junxil la̱in xebinjuntakꞌe̱ta riqꞌuin jun li cheꞌ olivo li nau̱chin chi nabal. Abanan xban nak incꞌaꞌ useb xnaꞌleb la̱in tinsach ruheb. Chanchan nak natokeꞌ rukꞌ li cheꞌ xban li ca̱k-sut-ikꞌ ut nacꞌateꞌ.

Ezequiel 15:2

—At ralal cui̱nk, ¿ma juntakꞌe̱t ta biꞌ lix to̱nal li uvas riqꞌuin li cheꞌ li cuan saꞌ qꞌuicheꞌ? ¿Ma juntakꞌe̱t ta biꞌ li rukꞌ li uvas riqꞌuin li rukꞌ li cheꞌ li cuan saꞌ qꞌuicheꞌ?