Jeremías 2:2 - Li Santil hu

² —Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Q'eqchi Bible

² “Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Jeremías 2:2 ပူးပေါင်းရင်းမြစ်များ

Ezequiel 16:60

Abanan toj cuan saꞌ inchꞌo̱l cꞌaꞌru quinye saꞌ li contrato li quinba̱nu a̱cuiqꞌuin saꞌ a̱sa̱jilal. La̱in tinxakab xcuanquil li contrato chi junelic.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

Jeremías 11:6

Ut li Ka̱cuaꞌ quixye cue: —Ta̱ye li a̱tin aꞌin saꞌ eb li tenamit li cuanqueb Judá ut saꞌ li tenamit Jerusalén. Ta̱ye reheb chi joꞌcaꞌin: Abihomak li cꞌaꞌru naxye li contrato aꞌin ut te̱ba̱nu li cꞌaꞌru naxye.

Jeremías 7:2

—Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Oseas 2:15

Tinqꞌue cuiꞌchic re li acui̱mk uvas. Ut tinqꞌue ajcuiꞌ li ru takꞌa Acor chokꞌ xnaꞌaj re nak cuan cꞌaꞌru tixyoꞌoni. Ut tixbicha inlokꞌal joꞌ quixba̱nu saꞌ xsa̱jilal nak quicuisi chak saꞌ li naꞌajej Egipto.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Éxodo 14:31

Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

San Mateo 11:15

Li ani na-abin re li yo̱quin xyebal chixqꞌuehak retal chi us li cua̱tin xban nak cuan xya̱lal.

San Lucas 12:13

Jun li cui̱nk quia̱tinac chak saꞌ xya̱nkeb li qꞌuila tenamit ut quixye re li Jesús: —At tzolonel, ye re li cuas nak xjachak li jun cablal li quicanaba̱c chokꞌ ke ut xqꞌuehak cue li joꞌ qꞌuial tintzꞌak la̱in, chan.

Jonás 1:2

—Ayu aran saꞌ li nimla tenamit Nínive. Ta̱kꞌuseb ut ye reheb nak yo̱quin chixqꞌuebal retal li ma̱usilal li yo̱queb chixba̱nunquil, chan li Ka̱cuaꞌ.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Ezequiel 23:19

Abanan kꞌaxal cuiꞌchic yibru quixba̱nu lix Aholiba nak quinak saꞌ xchꞌo̱l nak quixcꞌayi chak rib saꞌ xsa̱jilal aran Egipto.

Ezequiel 23:8

Incꞌaꞌ quixcanab xba̱nunquil li ma̱usilal li quixtiquib xba̱nunquil aran Egipto saꞌ xsa̱jilal nak quixqꞌue rib chi batzꞌune̱c xbaneb nabal chi cui̱nk.

Ezequiel 23:3

Chalen saꞌ xcaꞌchꞌinaleb aꞌaneb xcomoneb li ixk li nequeꞌxcꞌayi ribeb. Saꞌ xsa̱jilal queꞌxqꞌue rib chi batzꞌune̱c aran Egipto ut riqꞌuin aꞌan queꞌxmux ribeb li cuib chi tukꞌ ixk.

Ezequiel 16:22

Nak yo̱cat chixlokꞌoninquil li yi̱banbil dios ut chixba̱nunquil li ma̱usilal, incꞌaꞌ quinak saꞌ a̱chꞌo̱l chanru nak catcuan chak saꞌ a̱caꞌchꞌinal. Incꞌaꞌ quinak saꞌ a̱chꞌo̱l nak tꞌustꞌu̱cat ut yo̱cat chi ecꞌa̱nc saꞌ la̱ quiqꞌuel.

Jeremías 19:2

Ut tatxic saꞌ li ru takꞌa Ben-hinom. Tatxakli̱k saꞌ li oqueba̱l li cuanqueb cuiꞌ laj pacꞌonel ut aran ta̱ye reheb li tenamit li a̱tin li tinye a̱cue.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Cantares 3:11

Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

Proverbios 1:20

Li naꞌleb aꞌin yo̱ chi abi̱c resilal yalak bar saꞌ eb li be joꞌ ajcuiꞌ saꞌ eb li cꞌayil.

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

Apocalipsis 2:4

Abanan cuan jun e̱paltil chicuu. La̱ex incꞌaꞌ chic niquine̱ra joꞌ nak xine̱ra chak junxil.

Salmos 129:1

Cꞌajoꞌ li raylal yo̱ chixcꞌulbal li tenamit Israel chalen chak saꞌ xticlajic. La̱ex aj Israel, yehomak nak xecꞌul li raylal.

Jeremías 2:1

Quia̱tinac cuiqꞌuin li nimajcual Dios ut quixye cue:

Jeremías 3:4

La̱ex yo̱quex chixba̱nunquil li ma̱usilal ut nequeye cue, “La̱at li kayucuaꞌ. Xoa̱ra chalen saꞌ kasa̱jilal.

Oseas 2:7

Tixyal xkꞌe chixsicꞌbal ani ta̱rahok re. Abanan incꞌaꞌ chic tixtau. Ut riqꞌuin aꞌan ta̱yotꞌekꞌ xchꞌo̱l ut tixye: —Tinsukꞌi̱k cuiꞌchic riqꞌuin lin be̱lom. Kꞌaxal us nak xincuan riqꞌuin chiru nak cuanquin anakcuan, chaꞌak.

Deuteronomio 33:3

Li Ka̱cuaꞌ naxraheb lix tenamit ut naxcoleb. Joꞌcan nak nequeꞌxcuikꞌib ribeb chiru ut nequeꞌxba̱nu li cꞌaꞌru naxye.

Cantares 3:6

¿Ani li yo̱ chak chi cha̱lc saꞌ li chaki chꞌochꞌ? Nak nachal cuiqꞌuin chanchan nak yo̱ chi takecꞌ li sib. Chanchan xsibel li mirra ut li incienso ut li qꞌuila pa̱y ru li sununquil ban.

Oseas 2:17

La̱in tin-isi̱nk re saꞌ xchꞌo̱l lix cꞌabaꞌeb laj Baal. Ut ma̱ jun sut chic tixpatzꞌ xcꞌabaꞌeb.

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Oseas 11:1

Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.