Jeremías 2:19 - Li Santil hu

¹⁹ Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Q'eqchi Bible

¹⁹ A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 2:19 ပူးပေါင်းရင်းမြစ်များ

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Jeremías 4:18

La̱ex aj Judá, yo̱quex chixcꞌulbal li raylal aꞌin xban li ma̱usilal xeba̱nu. Xban le̱ ma̱c nak yo̱quex chixcꞌulbal li raylal aꞌin ut nayotꞌeꞌ e̱chꞌo̱l xban.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Salmos 36:1

Xban lix ma̱usilaleb li incꞌaꞌ useb xnaꞌleb nequeꞌxtzꞌekta̱na li Dios ut incꞌaꞌ nequeꞌxxucua ru.

Oseas 5:5

Xban lix kꞌetkꞌetileb laj Israel nacꞌutun nak cuanqueb xma̱c. Ut xban lix kꞌetkꞌetileb, eb li ralal xcꞌajol laj Israel ut eb li ralal xcꞌajol laj Efraín teꞌosokꞌ saꞌ li ma̱c. Ut teꞌosokꞌ ajcuiꞌ saꞌ lix ma̱queb li ralal xcꞌajol laj Judá.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Jeremías 5:6

Joꞌcan nak eb laj Jerusalén teꞌxcꞌul li raylal xbaneb li xicꞌ nequeꞌiloc reheb. Li cakcoj li cuanqueb saꞌ qꞌuicheꞌ teꞌcha̱lk chixcamsinquileb. Laj xoj li cuanqueb saꞌ li chaki chꞌochꞌ teꞌxpedasiheb. Li hix tixbeni rib saꞌ lix tenamiteb. Cui nequeꞌel saꞌ be teꞌchapekꞌ ut teꞌpedasi̱k xbaneb li hix. Joꞌcan teꞌxcꞌul xban nak xnumta lix ma̱queb. Qꞌuila sut xeꞌxtzꞌekta̱na li Ka̱cuaꞌ.

Romanos 3:18

Incꞌaꞌ nequeꞌxxucua ru li Dios chi moco nequeꞌx-oxlokꞌi. (Sal. 36:1)

Zacarías 7:11

Le̱ xeꞌto̱nil yucuaꞌ incꞌaꞌ queꞌraj xba̱nunquil li cꞌaꞌru quinye reheb. Queꞌxkꞌetkꞌeti ban ribeb. Incꞌaꞌ queꞌraj rabinquil li cua̱tin.—

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Oseas 4:16

La̱ex laj Israel, kꞌaxal cau e̱chꞌo̱l. Chanchanex li joskꞌ aj cuacax. ¿Chan ta cuiꞌ ru nak texinberesi saꞌ cha̱bilal joꞌ nak naxberesi lix carner li cha̱bil pastor?

Jeremías 5:22

¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Isaías 5:5

Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Proverbios 1:31

Joꞌcan nak anakcuan cꞌulumak chixjunil li raylal xchal saꞌ e̱be̱n xban li ma̱usilal xeba̱nu toj retal textitzꞌk riqꞌuin li cꞌaꞌak re ru incꞌaꞌ us xeba̱nu.

Proverbios 1:32

Eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌraj xcꞌulbal lix naꞌlebeb. Joꞌcaneb ajcuiꞌ li jip xchꞌo̱leb. Nequeꞌcam xban nak nequeꞌxtzꞌekta̱na li naꞌleb naqꞌueheꞌ reheb.

Jeremías 5:24

Incꞌaꞌ nequeꞌxye, “Chikaxucua ru li Ka̱cuaꞌ li kaDios li naqꞌuehoc re li hab saꞌ habalkꞌe joꞌ ajcuiꞌ saꞌ sakꞌehil ut naqꞌuehoc re ru li kacui̱mk saꞌ xkꞌehil li kꞌoloc.”

Ezequiel 39:24

Quinqꞌueheb chixcꞌulbal li raylal aꞌ yal chanru xcꞌulubeb xban lix yibal ru xnaꞌlebeb ut xban lix ma̱usilaleb. Xban aꞌan nak quincanabeb xjuneseb.

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Oseas 13:9

Anakcuan xex-osoꞌ, la̱ex aj Israel. La̱in raj tintenkꞌa̱nk e̱re, abanan la̱ex xine̱tzꞌekta̱na.

Miqueas 1:5

Chixjunil aꞌin ta̱cꞌulma̱nk xban li ma̱c li yo̱queb chixba̱nunquil laj Israel, li ralal xcꞌajol laj Jacob, ut xban nak queꞌxkꞌetkꞌeti ribeb chiru li Dios. ¿Ani cuan re nak queꞌxkꞌetkꞌeti ribeb laj Israel? ¿Ma ma̱cuaꞌ ta biꞌ li tenamit Samaria? Ut, ¿ani cuan re nak queꞌxlokꞌoni li yi̱banbil dios aran Judá? ¿Ma ma̱cuaꞌ ta biꞌ li tenamit Jerusalén?

Éxodo 33:6

Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.

Jueces 10:13

Abanan, la̱ex xine̱tzꞌekta̱na ut xelokꞌoniheb li jalanil dios. Joꞌcan nak la̱in incꞌaꞌ chic texincol saꞌ rukꞌeb li xicꞌ nequeꞌiloc e̱re.

1 Reyes 18:18

Laj Elías quixye re: —Ma̱cuaꞌ la̱in li yo̱quin chi qꞌuehoc raylal saꞌ xbe̱n li tenamit Israel. La̱at ban li yo̱cat chi qꞌuehoc raylal a̱cuochben la̱ yucuaꞌ xban nak xetzꞌekta̱na lix chakꞌrab li Ka̱cuaꞌ ut yo̱quex chixlokꞌoninquileb li yi̱banbil dios Baal, chan.

2 Crónicas 12:5

Li profeta Semaías quicuulac riqꞌuin li rey Roboam ut riqꞌuineb li nequeꞌtenkꞌan re aran Judá. Chꞌutchꞌu̱queb aran xban nak laj Sisac yo̱ chi numta̱c saꞌ xbe̱neb. Laj Semaías quixye reheb: —Joꞌcaꞌin xye li Ka̱cuaꞌ. “Xban nak la̱ex xine̱tzꞌekta̱na, joꞌcan nak la̱in texincanab saꞌ rukꞌ laj Sisac”, chan.

2 Crónicas 21:10

Abanan eb laj Edom queꞌrisi ajcuiꞌ ribeb rubel xcuanquileb laj Judá toj chalen anakcuan. Joꞌcan ajcuiꞌ li tenamit Libna. Saꞌ ajcuiꞌ li cutan aꞌan queꞌrisi ribeb rubel xcuanquil. Quicꞌulman chi joꞌcan xban nak laj Joram quixtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

Jeremías 1:16

Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

Jeremías 7:19

Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Ezequiel 23:30

Anakcuan te̱cꞌul chi joꞌcan xban nak xejunaji e̱rib riqꞌuineb li jalan xtenamit ut xemux e̱rib nak xelokꞌoniheb lix jalanil dios.

Oseas 9:1

Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.