Jeremías 2:14 - Li Santil hu

¹⁴ ¿Ma cuanqueb ta biꞌ chokꞌ lokꞌbil mo̱s eb laj Israel? ¿Ma re ta biꞌ nak teꞌcua̱nk chokꞌ rahobtesinbil mo̱s nak queꞌyoꞌla? ¿Cꞌaꞌut nak rahobtesinbileb anakcuan?

Q'eqchi Bible

¹⁴ “Ma aj muneb' tab'i' eb' laj Israel? Ma xe'yo'laak tab'i' re wank cho'q aj tawasinb'il k'anjel? K'a'ut naq yo xrahob'tesinkileb' anaqwan?

Jeremías 2:14 ပူးပေါင်းရင်းမြစ်များ

Éxodo 4:22

Ta̱ye re laj faraón, “Li Ka̱cuaꞌ Dios xye chi joꞌcaꞌin: Eb laj Israel aꞌaneb li xbe̱neb cualal incꞌajol.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Eclesiastés 2:7

Nabaleb inlokꞌbil mo̱s joꞌ cui̱nk joꞌ ixk, ut cuanqueb ajcuiꞌ inmo̱s queꞌyoꞌla saꞌ li cuochoch. Queꞌcuan nabal incuacax ut nabaleb lin carner. La̱in li nabal cꞌaꞌru cue chiruheb li rey li queꞌcuan Jerusalén xbe̱n cua chicuu la̱in.

Génesis 15:3

—La̱at ma̱ jun li cualal xaqꞌue. Xban aꞌan chixjunil li cꞌaꞌru cuan cue, tento nak jun lin najter mo̱s quiyoꞌla saꞌ cuochoch, aꞌan ta̱e̱chani̱nk re, chan laj Abram.

Éxodo 12:49

Juntakꞌe̱takeb chic li chakꞌrab chokꞌ e̱re joꞌ ajcuiꞌ reheb li jalan xtenamiteb.

Jeremías 5:19

At Jeremías, nak eb li tenamit teꞌxpatzꞌ cꞌaꞌut nak la̱in li Ka̱cuaꞌ xinba̱nu chi joꞌcaꞌin, la̱at ta̱ye reheb chi joꞌcaꞌin, “Joꞌ nak la̱ex xetzꞌekta̱na li Ka̱cuaꞌ ut xelokꞌoniheb li jalanil dios saꞌ le̱ naꞌaj, joꞌcan ajcuiꞌ nak li Ka̱cuaꞌ texqꞌue chi cꞌanjelac chiruheb li jalaneb xtenamit saꞌ jun li naꞌajej li moco e̱re ta.”

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.