Jeremías 2:13 - Li Santil hu

¹³ Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Q'eqchi Bible

¹³ Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Jeremías 2:13 ပူးပေါင်းရင်းမြစ်များ

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

Apocalipsis 21:6

Ut quixye cue: —Xtzꞌakloc ru chixjunil. La̱in li Alfa ut li Omega. La̱in tinqꞌue chi ma̱tan li yuꞌam chi junelic re li ani ta̱raj joꞌ nak ta̱qꞌuehekꞌ chi ucꞌac li ani ta̱chakik re.

Salmos 36:9

La̱at nacatqꞌuehoc li kayuꞌam chi junelic. Ut la̱at nacatcutanobresin re li kacꞌaꞌux.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Jeremías 2:11

¿Ma xeꞌxjal ta biꞌ lix dioseb li tenamit aꞌan? ¿Ma xeꞌxcanab ta biꞌ xlokꞌoninquil lix dioseb usta ma̱cuaꞌeb tzꞌakal dios? Abanan, la̱in xine̱tzꞌekta̱na la̱ex lin tenamit, usta la̱in li xinqꞌuehoc e̱lokꞌal. Aꞌ chic li yi̱banbil dios li ma̱cꞌaꞌ nequeꞌoc cuiꞌ nequelokꞌoni.

2 Pedro 2:17

Eb laj tzolonel aj balakꞌ chanchaneb lix julel haꞌ li ma̱cꞌaꞌ haꞌ chi saꞌ. Ma̱cꞌaꞌ na-oc cuiꞌ. Chanchaneb li chok li nacꞌameꞌ yalak bar xban li ikꞌ. Eb li cui̱nk aꞌin teꞌxic saꞌ lix kꞌojyi̱nal ru li xbalba li ac yi̱banbil chokꞌ reheb.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Jeremías 1:16

Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.

Isaías 5:13

Joꞌcan nak eb li tenamit teꞌchapekꞌ ut teꞌcꞌamekꞌ saꞌ jalan tenamit xban nak incꞌaꞌ nequeꞌxtau xya̱lal. Eb li cuanqueb xcuanquil teꞌca̱mk xban xtzꞌocajiqueb ut eb li jun chꞌol chic teꞌca̱mk xban chaki el.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Eclesiastés 2:11

Nak quin-oc chi cꞌoxlac chirix li cꞌanjel li quinba̱nu, quinqꞌue retal nak ma̱cꞌaꞌ na-oc cuiꞌ li cꞌanjel li quinba̱nu. Caꞌaj cuiꞌ raylal naxqꞌue. Riqꞌuin aꞌin nacꞌutun nak ma̱cꞌaꞌ xinra chirix li cꞌanjel li xinba̱nu saꞌ ruchichꞌochꞌ.

Eclesiastés 1:2

Aꞌin li quixye chirix li cꞌaꞌru cuan saꞌ ruchichꞌochꞌ: Chixjunil li cꞌaꞌak re ru cuan saꞌ ruchichꞌochꞌ, ma̱cꞌaꞌ na-oc cuiꞌ. Chixjunil li cꞌaꞌru nakacꞌoxla xba̱nunquil, ma̱cꞌaꞌ rajbal.

1 Samuel 12:10

Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Jeremías 2:26

La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

Eclesiastés 2:21

Joꞌcaꞌin li cꞌanjelac saꞌ ruchichꞌochꞌ. Li cui̱nk nacꞌanjelac chi cau ut cuan xnaꞌleb chixcꞌoxlanquil chanru tixba̱nu. Abanan, nak nacam naxcanab chixjunil li quixba̱nu chokꞌ re jalan li moco xcꞌulub ta xcꞌulbal xban nak incꞌaꞌ xcꞌanjela rix. Joꞌcan nak li cꞌanjel li naxba̱nu nacana chi ma̱cꞌaꞌ rajbal.

Eclesiastés 1:14

Riqꞌuin aꞌin quinqꞌue retal nak chixjunil li na-uxman saꞌ ruchichꞌochꞌ, ma̱cꞌaꞌ na-oc cuiꞌ. Junes rahil chꞌo̱lej naxqꞌue.

Jueces 10:13

Abanan, la̱ex xine̱tzꞌekta̱na ut xelokꞌoniheb li jalanil dios. Joꞌcan nak la̱in incꞌaꞌ chic texincol saꞌ rukꞌeb li xicꞌ nequeꞌiloc e̱re.

Miqueas 6:3

Quixye li Ka̱cuaꞌ: —Ex intenamit, ¿cꞌaꞌru xinba̱nu e̱re? Ut, ¿cꞌaꞌru xextitzꞌ cuiꞌ inban? ¿Ma yo̱quin ta biꞌ che̱chꞌiꞌchꞌiꞌinquil? Yehomak cue cꞌaꞌru inma̱c che̱ru.

Miqueas 2:8

Li Ka̱cuaꞌ quixye reheb: —Junxil la̱ex intenamit, abanan anakcuan xicꞌ chic niquine̱ril. Xemakꞌ li rakꞌeb li yo̱queb chi numecꞌ saꞌ xya̱lal, li incꞌaꞌ nequeꞌxcꞌoxla pletic.

Jeremías 18:14

¿Ma naru ta biꞌ napaltoꞌ li nieve saꞌ eb li tzu̱l li cuanqueb Líbano? ¿Ma naru ta biꞌ nachakic li nimaꞌ li nachal chak chi najt?

Jeremías 5:26

Saꞌ xya̱nkeb lin tenamit cuanqueb li incꞌaꞌ useb xnaꞌleb. Yo̱queb chixsicꞌbal chanru nak teꞌxba̱nu ma̱usilal reheb li ras ri̱tzꞌin. Chanchaneb laj yo li nequeꞌxqꞌue li raꞌal re xchapbaleb li cocꞌ xul.

Eclesiastés 12:8

La̱in, li ninnau a̱tinac chi cha̱bil, ninye nak lix naꞌleb li ruchichꞌochꞌ ma̱cꞌaꞌ na-oc cuiꞌ. Chixjunil ma̱cꞌaꞌ na-oc cuiꞌ.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

San Juan 4:11

Quichakꞌoc li ixk ut quixye re: —Ka̱cuaꞌ, ¿Cꞌaꞌ ta cuiꞌ ru ta̱cuisi cuiꞌ li haꞌ? Cham cuan chak. Ut, ¿chan ta cuiꞌ ru nak ta̱qꞌue li haꞌ li naqꞌuehoc yuꞌam?

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Isaías 12:3

Cꞌajoꞌ nak ta̱sahokꞌ xchꞌo̱leb riqꞌuin li colba-ib. Chanchan nak nacꞌojla xchꞌo̱l li ta̱chakik re nak narucꞌ li haꞌ.

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Jeremías 19:4

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.

Ezequiel 47:1

Li cui̱nk quinixcꞌam cuiꞌchic saꞌ li oqueba̱l re li templo. Ut quicuil nak rubel li oqueba̱l yo̱ chak chi e̱lc li haꞌ ut yo̱ chi xic saꞌ li este bar na-iloc cuiꞌ li templo. Li haꞌ yo̱ chi e̱lc rubel li templo saꞌ li sur ut yo̱ chi numecꞌ chixcꞌatk li artal.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

2 Reyes 22:17

Xinteneb li raylal aꞌin saꞌ xbe̱neb xban nak xineꞌxtzꞌekta̱na ut xeꞌxcꞌat li incienso chiruheb li jalanil dios. Xeꞌxchikꞌ injoskꞌil nak xeꞌxyi̱b riqꞌuin rukꞌeb li jalanil dios ut xeꞌxlokꞌoni. Yo̱ injoskꞌil saꞌ xbe̱neb laj Jerusalén. Incꞌaꞌ ta̱numekꞌ lin joskꞌil cui incꞌaꞌ tinba̱nu li cꞌaꞌru xinye,” chan li Dios.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Ezequiel 14:5

Tinba̱nu chi joꞌcan re nak teꞌsukꞌi̱k cuiqꞌuin eb laj Israel xban nak eb aꞌan xineꞌxtzꞌekta̱na nak yo̱queb chixlokꞌoninquil li jalanil dios.