Jeremías 19:6 - Li Santil hu

⁶ Ta̱cuulak xkꞌehil nak incꞌaꞌ chic teꞌxye ‘Tofet’ re li naꞌajej aꞌin, chi moco teꞌxye ‘Li Ru Takꞌa re Ben-hinom’. Teꞌxye ban re: ‘Ru Takꞌa re Camsi̱nc’.

Q'eqchi Bible

⁶ Jo'kan naq taawulaq xkutankil naq li na'ajej a'in ink'a' chik tixk'ab'a'in Tófet chi moko xTaq'ahil Ben-Hinón, tixk'ab'a'in b'an chik xTaq'ahil li kamsink -chan li Qaawa'-.

Jeremías 19:6 ပူးပေါင်းရင်းမြစ်များ

Josué 15:8

Li nuba̱l aꞌin naxic toj saꞌ li ru takꞌa cuan cuiꞌ lix naꞌaj li ralal laj Hinom. Li naꞌajej aꞌan nacana saꞌ li sur li cuanqueb cuiꞌ laj jebuseo. Aꞌan li Jerusalén. Li nuba̱l nacuulac saꞌ xbe̱n li tzu̱l li cuan saꞌ xcaꞌyaba̱l li ru takꞌa re Hinom li nacana saꞌ li oeste re li ru takꞌa li cuan xcue̱nt Refaim, li nacana saꞌ li norte.

Jeremías 19:2

Ut tatxic saꞌ li ru takꞌa Ben-hinom. Tatxakli̱k saꞌ li oqueba̱l li cuanqueb cuiꞌ laj pacꞌonel ut aran ta̱ye reheb li tenamit li a̱tin li tinye a̱cue.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Jeremías 19:11

Ut ta̱ye reheb, “Joꞌcaꞌin xye cue li nimajcual Dios. Nak najoreꞌ li cuc, incꞌaꞌ chic naru xyi̱banquil. Joꞌ nak xjoreꞌ li cuc aꞌin, joꞌcan ajcuiꞌ tinba̱nu nak tinsach ru li tenamit Jerusalén ut li cristian li cuanqueb chi saꞌ. Ut eb li camenak teꞌmukekꞌ aran Tofet xban nak ma̱ bar chic cua̱nk xnaꞌajeb re xmukbaleb.