Jeremías 19:5 - Li Santil hu

⁵ Queꞌxyi̱beb li naꞌajej li najt xteram re teꞌxlokꞌoni cuiꞌ li yi̱banbil dios Baal ut aran queꞌxcꞌateb li ralal chokꞌ xmayejeb. La̱in incꞌaꞌ quintaklaheb chixba̱nunquil aꞌan, chi moco quebinye reheb nak teꞌxba̱nu. Ma̱ jokꞌe quincꞌoxla nak joꞌcan teꞌxba̱nu.

Q'eqchi Bible

⁵ Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

Jeremías 19:5 ပူးပေါင်းရင်းမြစ်များ

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

2 Reyes 17:17

Queꞌxcꞌat li ralal xcꞌajoleb chokꞌ xmayejeb chiru li yi̱banbil dios. Queꞌco̱eb chi patzꞌoc riqꞌuineb laj kꞌe ut riqꞌuineb laj tu̱l. Ut junes li ma̱usilal queꞌxqꞌue xchꞌo̱l chixba̱nunquil. Joꞌcan nak queꞌxchikꞌ xjoskꞌil li Dios.

Daniel 2:29

At rey, nak cuancat saꞌ la̱ chꞌa̱t yo̱cat chi cꞌoxlac chirix li cꞌaꞌru ta̱cꞌulma̱nk saꞌ eb li cutan teꞌcha̱lk. Ut li Dios, li nacꞌutbesin re li cꞌaꞌru incꞌaꞌ nanauman, aꞌan quixcꞌutbesi cha̱cuu li cꞌaꞌru ta̱cꞌulma̱nk.

Ezequiel 38:10

Joꞌcaꞌin xye li nimajcual Dios a̱cue, at Gog: nak ta̱cuulak xkꞌehil nak tatxic chi pletic, ta̱cꞌoxla ut ta̱cꞌu̱b ru cꞌaꞌru li incꞌaꞌ us ta̱ba̱nu.

Ezequiel 20:26

Quincanabeb chixmuxbal ribeb riqꞌuin li mayej queꞌxqꞌue reheb li jalanil dios. Queꞌxqꞌue li xbe̱n ralaleb chokꞌ xcꞌatbil mayej. Quincanabeb chixba̱nunquil chi joꞌcan re nak teꞌxucuak ut teꞌxqꞌue retal nak la̱in li Ka̱cuaꞌ.

2 Crónicas 28:3

Ut quixcꞌat li pom saꞌ li ru takꞌa Hinom. Ut quixcꞌateb chokꞌ xmayej lix cocꞌal joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak eb li ralal xcꞌajol laj Israel queꞌoc aran.

Números 22:41

Cuulajak chic laj Balac quixcꞌam laj Balaam ut queꞌco̱eb toj Bamot-baal. Ut laj Balaam quiru rilbaleb laj Israel li cuanqueb chi nachꞌ.

Ezequiel 16:36

Aꞌan aꞌin li naxye li Ka̱cuaꞌ: —Kꞌaxal yibru la̱ naꞌleb. Catꞌusub a̱cuib chiruheb li cui̱nk li queꞌcuan a̱cuiqꞌuin. Ut calokꞌoniheb li jalanil dios ut cacamsiheb la̱ cocꞌal ut camayejaheb chiruheb li jalanil dios.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.