Jeremías 19:1 - Li Santil hu

¹ Joꞌcaꞌin xye cue li Ka̱cuaꞌ: —Tatxic ut ta̱lokꞌ jun li cuc riqꞌuineb laj pacꞌonel. Cꞌam cha̱cuix cuib oxibak laj cꞌamol be saꞌ xya̱nkeb li tenamit ut ta̱cꞌameb ajcuiꞌ cuib oxibak laj tij.

Q'eqchi Bible

¹ Jo'ka'in kixye we li Qaawa': “Ayu sa' rochoch laj pak'onel ut loq' chaq junaq ch'och'kuk. Taak'ameb' chawix wiib' oxib'aqeb' li xcheekelal li tenamit ut wiib' oxib'aqeb' aj tij.

Jeremías 19:1 ပူးပေါင်းရင်းမြစ်များ

Lamentaciones 4:2

Eb li cuanqueb Sión queꞌqꞌueheꞌ xlokꞌaleb junxil. Kꞌaxal lokꞌeb chiru li oro. Abanan anakcuan chanchaneb aj chic li chꞌochꞌ ucꞌal yi̱banbil yal xban cui̱nk.

Isaías 30:14

La̱ex tex-osokꞌ joꞌ nak najoreꞌ li cuc nak natꞌaneꞌ ut lix cꞌaj incꞌaꞌ chic nacꞌanjelac, chi moco re risinquil li ru xam chi moco re xlecbal li haꞌ saꞌ li jul.—

Números 11:16

Abanan li Ka̱cuaꞌ quichakꞌoc ut quixye re: —Chꞌutubeb laje̱b xca̱cꞌa̱lak li cui̱nk li nacanau ruheb li nequeꞌcꞌamoc be saꞌ xya̱nkeb laj Israel. Aꞌaneb li cuanqueb xcuanquil. Ut ta̱cꞌameb chiru li tabernáculo ut tine̱roybeni a̱cuochbeneb.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

2 Reyes 19:2

Ut quixtaklaheb laj Eliaquim li na-iloc re li palacio rochben laj Sebna laj tzꞌi̱b ut eb li nequeꞌcꞌamoc be saꞌ xya̱nkeb laj tij riqꞌuin li profeta Isaías, li ralal laj Amoz. Cuan li kꞌes ru tꞌicr chirixeb nak queꞌco̱eb.

San Mateo 27:1

Ut nak quisake̱u, queꞌxchꞌutub ribeb chixjunileb lix be̱nil aj tij ut eb laj cꞌamol be saꞌ xya̱nkeb laj judío. Queꞌxcꞌu̱b rib chanru teꞌxba̱nu re nak ta̱camsi̱k li Jesús.

San Mateo 26:3

Ut eb lix be̱nil aj tij ut eb laj tzꞌi̱b ut eb li nequeꞌcꞌamoc be saꞌ xya̱nkeb laj judío queꞌxchꞌutub ribeb chiru neba̱l re li rochoch lix yucuaꞌileb laj tij, Caifás xcꞌabaꞌ.

Ezequiel 9:6

Jun xiquic nak te̱camsiheb li ti̱xil cui̱nk joꞌ eb li chꞌajom, li xkaꞌal, li naꞌbej joꞌ eb ajcuiꞌ li cocꞌal. Abanan incꞌaꞌ te̱chꞌeꞌeb li cuan retalileb saꞌ xpe̱quemeb, chan. Ut eb aꞌan queꞌxtiquib xcamsinquileb li nequeꞌcꞌamoc be, li cuanqueb chiru li templo.

Jeremías 32:14

—Joꞌcaꞌin quixye li Ka̱cuaꞌ lix Dioseb laj Israel. Cꞌam li hu aꞌin, lix huhul li chꞌochꞌ li xinlokꞌ, li cuan sello chiru, joꞌ ajcuiꞌ li ma̱cꞌaꞌ sello chiru, ut ta̱xoc saꞌ junak li chꞌochꞌ cuc re nak ma̱cꞌaꞌ teꞌxcꞌul.

Jeremías 26:17

Cuanqueb saꞌ xya̱nkeb li tenamit laj cꞌamol be li queꞌa̱tinac riqꞌuineb li chꞌutchꞌu̱queb aran.

Hechos 21:11

Li cui̱nk aꞌan quicuulac chikilbal. Quixchap lix cꞌa̱mal xsaꞌ laj Pablo. Quixbacꞌ li rukꞌ ut li rok riqꞌuin. —Joꞌcaꞌin xcꞌut chicuu li Santil Musikꞌej, chan. —Laj e̱chal re li cꞌa̱mal saꞌ aꞌin ta̱baqꞌuekꞌ li rukꞌ ut li rok xbaneb laj judío aran Jerusalén ut ta̱kꞌaxtesi̱k saꞌ rukꞌeb li ma̱cuaꞌeb aj judío, chan.

Ezequiel 4:1

Li Dios quixye: —At ralal cui̱nk, chap jun li xan ut ta̱qꞌue cha̱cuu. Ut ta̱yi̱b chiru li xan jun retalil li tenamit Jerusalén.

Jeremías 13:1

Ut quixye cue li Ka̱cuaꞌ: —Ayu, lokꞌ chak junak xcꞌa̱mal a̱saꞌ xcomon li lino ut ta̱bacꞌ cha̱saꞌ nak toj ma̱jiꞌ nacatzꞌa saꞌ haꞌ, chan.

Ezequiel 5:1

Ut quixye cuiꞌchic cue li Ka̱cuaꞌ: —At ralal cui̱nk, sicꞌ junak a̱chꞌi̱chꞌ kꞌes re, re ta̱jo li rismal a̱jolom ut la̱ mach. Ut ta̱sicꞌ ajcuiꞌ junak la̱ bisleb re ta̱cuisi chi oxib jachal la̱ cuismal.