Jeremías 18:21 - Li Santil hu

²¹ Anakcuan ta̱takla taxak li cueꞌej saꞌ xbe̱neb li ralal xcꞌajoleb. Cheꞌcamsi̱k ta riqꞌuin chꞌi̱chꞌ. Eb li ixakilbej cheꞌcana̱k chi ma̱cꞌaꞌak chic lix cocꞌaleb ut chi ma̱cꞌaꞌak chic lix be̱lomeb. Eb li be̱lomej cheꞌca̱mk ut eb li toj sa̱jeb cheꞌcamsi̱k saꞌ li ple̱t.

Q'eqchi Bible

²¹ Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 18:21 ပူးပေါင်းရင်းမြစ်များ

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Lamentaciones 5:3

Xocana chi ma̱ ani chic na-iloc ke. Chanchan nak ma̱cꞌaꞌ chic kayucuaꞌ. Ut eb li kanaꞌ chanchaneb chic li xma̱lcaꞌan.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Éxodo 22:24

Ut la̱in tinjoskꞌokꞌ saꞌ e̱be̱n ut texinqꞌue chi camsi̱c riqꞌuin chꞌi̱chꞌ. Le̱ cocꞌal teꞌcana̱k chi ma̱cꞌaꞌ chic xyucuaꞌeb ut le̱ rixakil xma̱lcaꞌan chic teꞌcana̱k.

2 Timoteo 4:14

Laj Alejandro, laj tenol chꞌi̱chꞌ, nabal chi raylal xba̱nu cue. Li Ka̱cuaꞌ, aꞌan li ta̱kꞌajca̱mu̱nk re riqꞌuin li cꞌaꞌru naxba̱nu.

Jeremías 12:3

At Ka̱cuaꞌ, la̱at nacanau cuu. Nacanau chanru lin naꞌleb ut chanru lin cꞌaꞌux cha̱cuu. Chacꞌameb li tenamit aꞌan joꞌ nak nequeꞌcꞌameꞌ li carner chi camsi̱c. Teneb ca̱mc saꞌ xbe̱neb.

2 Crónicas 36:17

Xban lix ma̱usilaleb laj Judá, li Ka̱cuaꞌ quixcanab lix reyeb laj Babilonia chi numta̱c saꞌ xbe̱neb. Queꞌxcamsiheb chi chꞌi̱chꞌ saꞌ li templo li toj sa̱jeb. Incꞌaꞌ queꞌril xtokꞌoba̱l ruheb li sa̱j cui̱nk ut li sa̱j ixk, chi moco queꞌril xtokꞌoba̱l ruheb li ti̱xeb ut eb li incꞌaꞌ nequeꞌbe̱c. Quixkꞌaxtesiheb ban chixjunileb saꞌ rukꞌ lix reyeb laj Babilonia.

1 Samuel 15:33

Laj Samuel quixye re: —Riqꞌuin la̱ chꞌi̱chꞌ xacamsiheb li tenamit ut eb li naꞌbej queꞌcana chi ma̱cꞌaꞌeb chic xcocꞌal. Joꞌcan ajcuiꞌ la̱ naꞌ ta̱cana̱k chi ma̱cꞌaꞌ chic xcocꞌal, chan. Ut laj Samuel quixcamsi ut quixpedasi laj Agag chiru li Ka̱cuaꞌ aran Gilgal.

Salmos 63:10

Talajeꞌcamsi̱k riqꞌuin chꞌi̱chꞌ ut teꞌcꞌuxekꞌ xbaneb laj xoj.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Isaías 13:18

Riqꞌuin lix tzimaj telajeꞌxcamsiheb li cui̱nk li toj sa̱jeb. Incꞌaꞌ teꞌril xtokꞌoba̱l ruheb li cocꞌal chi moco teꞌril xtokꞌoba̱l ruheb li cꞌulaꞌal.

Jeremías 14:16

Ut eb li tenamit li yo̱queb chi abi̱nc re li cꞌaꞌru nequeꞌxye li profeta aꞌin, teꞌcutekꞌ saꞌ eb li be re Jerusalén xban li ple̱t ut xban cueꞌej. Ut ma̱ ani ta̱ru̱k ta̱mukuk reheb. Incꞌaꞌ teꞌmukekꞌ li rixakileb chi moco li ralal xcꞌajoleb. La̱in tintakla li raylal saꞌ xbe̱neb joꞌ xcꞌulubeb xcꞌulbal.

Jeremías 15:7

La̱in tinjeqꞌui ruheb laj Judá saꞌ chixjunil li tenamit joꞌ nak nacꞌameꞌ li qꞌuim xban ikꞌ, ut tebincanab chi ma̱cꞌaꞌ chic ralal xcꞌajoleb, ut tinpoꞌ lix tenamit, abanan incꞌaꞌ ajcuiꞌ teꞌxcanab xba̱nunquil li ma̱usilal.

Jeremías 50:30

Joꞌcan nak eb li cui̱nk li toj sa̱jeb teꞌcamsi̱k saꞌ eb li be ut eb lix soldados teꞌsachekꞌ ru saꞌ li ple̱t saꞌ li cutan aꞌan, chan li Ka̱cuaꞌ.

Lamentaciones 1:15

Li Ka̱cuaꞌ quirisi xmetzꞌe̱uheb li kasolda̱d li cauheb raj rib chikacolbal. Ut quixtaklaheb jun chꞌu̱tal lix soldado li xicꞌ nequeꞌiloc ke chixsachbal ruheb li sa̱j cui̱nk saꞌ kaya̱nk. Xban nak kꞌaxal yo̱ xjoskꞌil, joꞌcan nak quixtakla raylal saꞌ kabe̱n. Chanchan nak nayatzꞌeꞌ li ru li uvas re risinquil li xyaꞌal.

Ezequiel 16:38

Tatinqꞌue chixtojbal a̱ma̱c joꞌ nequeꞌxcꞌul li nequeꞌxmux ru lix sumlajiqueb ut joꞌ li nequeꞌcamsin. Ut xban nak xicꞌ nacuil li cꞌaꞌru caba̱nu yo̱ injoskꞌil saꞌ a̱be̱n. Tatincanab chi camsi̱c re xtojbal rix la̱ ma̱c.

Ezequiel 22:25

Eb li nequeꞌcꞌamoc be chanchaneb li cakcoj li yo̱queb chixjapbal re saꞌ xbe̱n lix tib. Nequeꞌxcamsiheb li rech tenamitil ut nequeꞌxmakꞌ chiruheb li cꞌaꞌru reheb. Nabaleb li xma̱lcaꞌan xban nak queꞌcamsi̱c lix be̱lomeb.

Salmos 63:11

Abanan la̱in li rey ta̱sahokꞌ saꞌ inchꞌo̱l riqꞌuin li Dios. Ut chixjunileb li cauheb xchꞌo̱l riqꞌuin li Dios teꞌqꞌuehekꞌ xlokꞌal. Ut eb li nequeꞌticꞌtiꞌic teꞌsachekꞌ xcuanquil ut teꞌmemobresi̱k.

Isaías 9:16

Eb li nequeꞌcꞌamoc be, aꞌaneb li nequeꞌbalakꞌin reheb li tenamit. Ut eb li tenamit nequeꞌxpa̱b li cꞌaꞌru nequeꞌxye. Joꞌcan nak nequeꞌsach.