Jeremías 18:20 - Li Santil hu

²⁰ ¿Ma naru ta biꞌ ta̱kꞌajca̱mu̱k li us riqꞌuin li ma̱usilal? Eb aꞌan chanchan nak ac xeꞌxbec injulel. Jultic a̱cue nak xincol rixeb cha̱cuu. Us xina̱tinac chirixeb re nak incꞌaꞌ ta̱qꞌueheb chixtojbal xma̱queb xban a̱joskꞌil.

Q'eqchi Bible

²⁰ Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

Jeremías 18:20 ပူးပေါင်းရင်းမြစ်များ

Salmos 57:6

Nequeꞌxqꞌue inraꞌlenquil saꞌ lin be re intꞌanbal. Nayotꞌeꞌ inchꞌo̱l xbaneb. Chanchan nequeꞌxbec li jul saꞌ lin be li nequeꞌraj tintꞌanekꞌ. Abanan aꞌaneb ajcuiꞌ li xeꞌtꞌaneꞌ chi saꞌ.

Salmos 35:7

La̱in ma̱cꞌaꞌ inma̱c, abanan queꞌxyi̱b jun li raꞌal re inchapbal. Usta ma̱cꞌaꞌ inma̱c queꞌxbec jun li jul re nak tintꞌanekꞌ chi saꞌ.

Salmos 106:23

Li Dios quixye nak tixsach ruheb laj Israel lix tenamit. Abanan laj Moisés li sicꞌbil ru xban quia̱tinac chirixeb re nak li Dios incꞌaꞌ tixsach ruheb. Ut quinumeꞌ caꞌchꞌin lix joskꞌil li Dios saꞌ xbe̱neb ut incꞌaꞌ quixsach ruheb.

Salmos 35:12

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. Cꞌajoꞌ narahoꞌ inchꞌo̱l xbaneb.

Jeremías 18:22

Chataklaheb li xicꞌ nequeꞌiloc reheb chi pletic riqꞌuineb chi ma̱cꞌaꞌ saꞌ xchꞌo̱leb xban nak eb aꞌan xeꞌxbec li jul re intꞌanbal ut xeꞌxqꞌue li raꞌal re inchapbal. Japjo̱k ta reheb xban xxiuheb.

Eclesiastés 10:8

Li ani naxbec junak jul re ta̱tꞌanekꞌ jalan, aꞌan ajcuiꞌ li ta̱tꞌanekꞌ chi saꞌ. Li ani tixjor li tzꞌac li sutsu cuiꞌ li tenamit ta̱tiꞌekꞌ xban cꞌantiꞌ.

Proverbios 26:27

Li ani naxbec junak li jul re xtꞌanbal li ras ri̱tzꞌin, chi saꞌ ajcuiꞌ ta̱tꞌanekꞌ. Ut li ani naxtolcꞌosi junak pec re xtꞌanbal ras ri̱tzꞌin, saꞌ xbe̱n ajcuiꞌ ta̱tꞌanekꞌ.

Salmos 119:95

Eb li incꞌaꞌ useb xnaꞌleb nequeꞌxcꞌu̱b ru chanru nak tineꞌxcamsi. Abanan la̱in junelic cuan saꞌ inchꞌo̱l la̱ chakꞌrab.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

San Juan 10:32

Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

Jeremías 14:20

At Ka̱cuaꞌ, la̱o xoma̱cob cha̱cuu. Nakanau nak incꞌaꞌ us xkaba̱nu. Ut queꞌma̱cob ajcuiꞌ cha̱cuu eb li kaxeꞌto̱nil yucuaꞌ.

Jeremías 11:14

Mattijoc chirixeb li tenamit aꞌin chi moco ta̱tzꞌa̱ma usilal saꞌ xbe̱neb. La̱in incꞌaꞌ tincuabi nak teꞌxya̱ba incꞌabaꞌ nak cuanqueb saꞌ raylal.

Jeremías 7:16

Li Ka̱cuaꞌ quixye re laj Jeremías: —Mattijoc chirixeb li tenamit aꞌin chi moco tat-oque̱nk chirixeb chicuu. Ma̱tzꞌa̱ma chicuu nak tintenkꞌaheb xban nak la̱in incꞌaꞌ tincuabi la̱ tij.

Proverbios 17:13

Junelic cua̱nk li ma̱usilal saꞌ lix jun cablal li ani naxba̱nu ma̱usilal re li naba̱nun usilal re.

Salmos 38:20

La̱in ninba̱nu usilal reheb. Abanan eb aꞌan ma̱usilal nequeꞌxba̱nu cue. Xicꞌ niquineꞌril xban nak ninba̱nu li us.

Salmos 7:15

Ut riqꞌuin li balakꞌic nequeꞌxba̱nu, chanchan nak nequeꞌxyi̱b jun li raꞌal chokꞌ re jalan. Abanan aꞌaneb ajcuiꞌ li nequeꞌtꞌaneꞌ chi saꞌ.

Li xHu LAJ JOB 6:27

La̱ex te̱raj xba̱nunquil cue joꞌ nequeꞌxba̱nu reheb li ma̱cꞌaꞌ xnaꞌ xyucuaꞌ. Te̱raj inbalakꞌinquil joꞌ nak nequeꞌxbalakꞌiheb li rami̱g.

1 Samuel 19:4

Ut laj Jonatán quia̱tinac riqꞌuin lix yucuaꞌ. Us li quixye chirix laj David. Quixye re: —At inyucuaꞌ, matma̱cob riqꞌuin xba̱nunquil li incꞌaꞌ us re laj David laj cꞌanjel cha̱cuu. Aꞌan ma̱cꞌaꞌ xba̱nu incꞌaꞌ ta us. Us ban chixjunil li quixba̱nu re a̱tenkꞌanquil.

Jeremías 5:26

Saꞌ xya̱nkeb lin tenamit cuanqueb li incꞌaꞌ useb xnaꞌleb. Yo̱queb chixsicꞌbal chanru nak teꞌxba̱nu ma̱usilal reheb li ras ri̱tzꞌin. Chanchaneb laj yo li nequeꞌxqꞌue li raꞌal re xchapbaleb li cocꞌ xul.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 18:19

Laj Jeremías quixye: —At Ka̱cuaꞌ, chacuabi lin tij. Chaqꞌue taxak retal li cꞌaꞌru yo̱queb chixyebal chicuix eb li xicꞌ nequeꞌiloc cue.

Jeremías 27:18

Cui relic chi ya̱l nak profeteb aꞌan, ut cui ya̱l nak li Ka̱cuaꞌ quia̱tinac riqꞌuineb, xeꞌxtzꞌa̱ma raj chiru li nimajcual Dios nak incꞌaꞌ ta̱isi̱k saꞌ li templo li cꞌaꞌak re ru, chi moco ta̱isi̱k saꞌ li rochoch li rey. Ta̱cana̱k ban saꞌ xnaꞌajeb li cꞌaꞌak re ru li nacꞌanjelac.

Lamentaciones 3:59

At Ka̱cuaꞌ, la̱at caqꞌue retal li raylal yo̱quin chixcꞌulbal chi ma̱cꞌaꞌ inma̱c. Chacol rix lin yuꞌam.

Jeremías 17:18

Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.