Jeremías 18:19 - Li Santil hu

¹⁹ Laj Jeremías quixye: —At Ka̱cuaꞌ, chacuabi lin tij. Chaqꞌue taxak retal li cꞌaꞌru yo̱queb chixyebal chicuix eb li xicꞌ nequeꞌiloc cue.

Q'eqchi Bible

¹⁹ Ut laa'in kintijok chi jo'ka'in: “At Qaawa', chak'ul taxaq lintij, chawab'i aj ta wi' li yookeb' xyeeb'al eb' li xik' neke'ilok we.

Jeremías 18:19 ပူးပေါင်းရင်းမြစ်များ

Nehemías 6:9

Chixjunil li cꞌaꞌru xeꞌxba̱nu ke, aꞌan yal re kaseꞌbesinquil. Eb aꞌan xeꞌxcꞌoxla nak ta̱chꞌina̱nk kachꞌo̱l ut takacanab xba̱nunquil li cꞌanjel ut incꞌaꞌ takachoy xyi̱banquil li tzꞌac. Joꞌcan nak quintijoc ut quinye: —At kaDios, chaqꞌue taxak xcacuilal kachꞌo̱l re takachoy li cꞌanjel.—

Miqueas 7:8

La̱ex, li xicꞌ nequex-iloc ke, misahoꞌ e̱chꞌo̱l chikilbal nak yo̱co chixcꞌulbal li raylal. Usta totꞌanekꞌ, abanan la̱o tocuacli̱k cuiꞌchic. Usta chanchan nak cua̱nko saꞌ kꞌojyi̱n xban li ma̱c, abanan li Dios tixcutanobresi cuiꞌchic li kabe.

Jeremías 20:12

At Ka̱cuaꞌ, at nimajcual Dios, la̱at nacayal rixeb li ti̱queb xchꞌo̱l. La̱at nacanau chanru li ra̱meb ut lix cꞌaꞌuxeb li junju̱nk. Joꞌcan nak tincuil taxak nak ta̱qꞌueheb chixtojbal lix ma̱queb li nequeꞌxba̱nu raylal cue xban nak la̱in xincanab saꞌ a̱cuukꞌ li cꞌaꞌru yo̱quin chixcꞌulbal.

Salmos 109:28

Usta eb aꞌan niquineꞌxmajecua, abanan la̱at nacat-osobtesin cue. Chacꞌut taxak xxuta̱neb li xicꞌ nequeꞌiloc cue. Ut chaqꞌue taxak xsahil inchꞌo̱l la̱in laj cꞌanjel cha̱cuu.

Salmos 109:4

Xicꞌ niquineꞌril usta ninraheb ut nintijoc chirixeb.

2 Reyes 19:16

Abi, at Ka̱cuaꞌ, li cꞌaꞌru nequeꞌxye. Ut chacuil taxak li cꞌaꞌru nequeꞌxba̱nu. Chacuabi li a̱tin li xtakla xyebal laj Senaquerib re a̱majecuanquil, la̱at li yoꞌyo̱quil Dios.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Jeremías 18:20

¿Ma naru ta biꞌ ta̱kꞌajca̱mu̱k li us riqꞌuin li ma̱usilal? Eb aꞌan chanchan nak ac xeꞌxbec injulel. Jultic a̱cue nak xincol rixeb cha̱cuu. Us xina̱tinac chirixeb re nak incꞌaꞌ ta̱qꞌueheb chixtojbal xma̱queb xban a̱joskꞌil.

Lamentaciones 3:59

At Ka̱cuaꞌ, la̱at caqꞌue retal li raylal yo̱quin chixcꞌulbal chi ma̱cꞌaꞌ inma̱c. Chacol rix lin yuꞌam.