Jeremías 18:18 - Li Santil hu

¹⁸ Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Q'eqchi Bible

¹⁸ Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Jeremías 18:18 ပူးပေါင်းရင်းမြစ်များ

Salmos 52:2

Junes ticꞌtiꞌic ut balakꞌic nacacꞌoxla xba̱nunquil. Chanchan xkꞌesnal ruꞌuj chꞌi̱chꞌ li ruꞌuj a̱cuakꞌ xban li ma̱usilal li na-el saꞌ xtzꞌu̱mal a̱cue.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

Salmos 21:11

Usta eb aꞌan teꞌxcꞌu̱b ru chanru teꞌxba̱nu raylal re li rey, abanan ma̱cꞌaꞌ naru teꞌxba̱nu re.

Jeremías 43:2

Nak ac xrakeꞌ chi a̱tinac laj Jeremías, laj Azarías li ralal laj Osaías ut laj Johanán li ralal laj Carea, rochbeneb li cui̱nk li kꞌetkꞌeteb, queꞌxye re laj Jeremías: —Ticꞌtiꞌ li nacaye. Li Ka̱cuaꞌ li kaDios incꞌaꞌ quixye aꞌan. Incꞌaꞌ xatxtakla chixyebal ke nak incꞌaꞌ toxic chi cua̱nc Egipto.

Proverbios 18:21

Li ani cha̱bil naa̱tinac, cua̱nk xyuꞌam. Ut li ani incꞌaꞌ us ta̱a̱tinak tixbok li ca̱mc saꞌ xbe̱n. Li ani nequeꞌcuulac chiru a̱tinac chi nabal, teꞌxcꞌul lix tojbal rix.

Salmos 64:3

Kꞌaxal kꞌes ruꞌuj rakꞌeb chi a̱tinac. Chanchan li kꞌesnal chꞌi̱chꞌ. Ut li a̱tin nequeꞌxye kꞌaxal ra nanak cuiꞌ. Chanchan nanak cuiꞌ li tzimaj li nacamsin.

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Li xHu LAJ JOB 5:13

Ut aꞌan ajcuiꞌ naqꞌuehoc reheb chi tꞌanecꞌ saꞌ li ma̱usilal li nequeꞌxba̱nu eb li se̱beb xchꞌo̱l chixba̱nunquil li ma̱usilal. Ut incꞌaꞌ us na-el chiruheb li cꞌaꞌru nequeꞌxcꞌoxla xba̱nunquil.

1 Reyes 22:24

Ut li profeta Sedequías, li ralal laj Quenaana, quinachꞌoc riqꞌuin laj Micaías ut quixtzꞌaj chi rukꞌ saꞌ xnakꞌ ru ut quixye re: —¿Ma x-el ta biꞌ cuiqꞌuin lix musikꞌ li Dios re ta̱a̱tinak a̱cuiqꞌuin? chan.

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

Levítico 10:11

Tento nak te̱tzoleb laj Israel riqꞌuin chixjunil li chakꞌrab li xinqꞌue re laj Moisés, chan li Dios.

San Juan 9:40

Cuanqueb laj fariseo aran ut yo̱queb chirabinquil li quixye li Jesús. Eb aꞌan queꞌxye re li Jesús: —¿Ma mutzꞌo ta biꞌ la̱o nak nacacꞌoxla la̱at? chanqueb.

Jeremías 26:11

Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

San Lucas 11:45

Quichakꞌoc jun reheb laj tzolol chakꞌrab ut quixye re li Jesús: —At tzolonel, riqꞌuin li cꞌaꞌru yo̱cat chixyebal, yo̱cat chixcꞌutbal kaxuta̱n la̱o.—

Jeremías 44:17

La̱o takaba̱nu chixjunil li cꞌaꞌru xkaye. Takacꞌat kapom chiru li kanaꞌ po, li nequeꞌxye “Reina del Cielo” re. Takamayeja li kavino chiru joꞌ queꞌxba̱nu li kayucuaꞌ ut eb li karey joꞌ eb ajcuiꞌ li xeꞌtaklan saꞌ kabe̱n saꞌ eb li tenamit li cuanqueb Judá ut aran Jerusalén. Saꞌ eb li cutan aꞌan sa saꞌ kachꞌo̱l ut cuan nabal katzacae̱mk. Ma̱ jun cua xkacꞌul raylal.

Jeremías 8:8

¿Chanru nak te̱ye, “La̱o cuan kanaꞌleb. La̱o cuan lix chakꞌrab li Ka̱cuaꞌ kiqꞌuin”? ¿Ma incꞌaꞌ ta biꞌ queꞌxjal ru lin chakꞌrab eb laj tzꞌi̱b?

Jeremías 18:19

Laj Jeremías quixye: —At Ka̱cuaꞌ, chacuabi lin tij. Chaqꞌue taxak retal li cꞌaꞌru yo̱queb chixyebal chicuix eb li xicꞌ nequeꞌiloc cue.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Jeremías 37:13

Abanan nak quicuulac saꞌ li oqueba̱l re laj Benjamín, li nataklan saꞌ xbe̱neb li soldados quixchap ut quixye re: —La̱at xic a̱cue chixkꞌaxtesinquil a̱cuib saꞌ xya̱nkeb laj Babilonia, chan. Li cui̱nk aꞌan, aꞌan laj Irías li ralal laj Selemías ut ri laj Hananías.

Ezequiel 7:26

Ta̱numta̱k li raylal saꞌ e̱be̱n. Rajlal yo̱kex chirabinquil resil li raylal li ta̱cha̱lk saꞌ e̱be̱n. Te̱tzꞌa̱ma chiruheb li profeta nak teꞌxye e̱re li cꞌaꞌru ta̱cꞌulma̱nk, abanan incꞌaꞌ teꞌxba̱nu. Eb laj tij ma̱cꞌaꞌ chic cꞌaꞌru teꞌxcꞌut che̱ru, chi moco eb laj qꞌuehol naꞌleb ta̱ru̱k teꞌxchꞌolob xya̱lal che̱ru.

2 Crónicas 24:21

Abanan eb li tenamit queꞌxcꞌu̱b ru cꞌaꞌru teꞌxba̱nu re laj Zacarías. Ut li rey quixtaklaheb li tenamit chixcutbal chi pec toj retal queꞌxcamsi saꞌ li neba̱l re lix templo li Ka̱cuaꞌ.

Jeremías 1:19

Teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin cha̱colbal, chan li Dios.

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Lamentaciones 3:62

Nacanau cꞌaꞌru nequeꞌxye li xicꞌ nequeꞌiloc cue. Rajlal chicuix nequeꞌa̱tinac.

Miqueas 3:6

Joꞌcan ut naxye li Ka̱cuaꞌ reheb li profeta: —Ta̱cuulak xkꞌehil nak incꞌaꞌ chic ta̱ru̱k te̱ye ra̱tin profeta chi moco ta̱ru̱k chic texkꞌehi̱nk. Ta̱cuulak xkꞌehil nak incꞌaꞌ chic tincꞌutbesi che̱ru cꞌaꞌru ta̱cꞌulma̱nk. Ta̱kꞌojyi̱nokꞌ ru le̱ naꞌleb ut incꞌaꞌ chic texyehok ra̱tin profeta xban nak xebalakꞌi lin tenamit, chan li Ka̱cuaꞌ.

Miqueas 3:7

Quixye ajcuiꞌ laj Miqueas: —Xuta̱nal teꞌxcꞌul li teꞌoc raj xyebal li cꞌaꞌru ta̱cꞌulma̱nk. Ut talajeꞌsachk xnaꞌlebeb laj kꞌe. Ma̱cꞌaꞌ chic ta̱ru̱k teꞌxye xban nak incꞌaꞌ chic teꞌsume̱k xban li Ka̱cuaꞌ Dios.