Jeremías 18:16 - Li Santil hu

¹⁶ Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

Q'eqchi Bible

¹⁶ Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Jeremías 18:16 ပူးပေါင်းရင်းမြစ်များ

Salmos 22:7

Chixjunileb nequeꞌxbitzꞌ li reheb nak niquineꞌril. Niquineꞌretzꞌu ut nequeꞌrecꞌasi lix jolomeb.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 19:8

La̱in tinsach ru li naꞌajej aꞌin. Xiu xiu rilbal tincanab. Li ani teꞌnumekꞌ aran teꞌxsach xchꞌo̱l ut teꞌxhob xban nak poꞌinbil ta̱cana̱k.

San Mateo 27:39

Ut eb li tenamit yo̱queb chi numecꞌ aran, queꞌxhob li Jesús ut nequeꞌrecꞌasi xjolomeb.

Miqueas 6:16

La̱ex xeba̱nu li cꞌaꞌru quixye lix chakꞌrab li rey Omri ut xeba̱nu ajcuiꞌ joꞌ quixba̱nu li rey Acab. Xetzol e̱rib chixba̱nunquil li incꞌaꞌ us li queꞌraj eb aꞌan. Xban li ma̱usilal nequeba̱nu, la̱in texincanab chi sachecꞌ. Texhobekꞌ la̱ex li cuanquex saꞌ li tenamit Jerusalén ut te̱cꞌul li raylal xban nak xine̱tzꞌekta̱na, chan li Ka̱cuaꞌ.

Jeremías 50:13

Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Jeremías 49:13

Saꞌ incꞌabaꞌ la̱in xinba̱nu jun li juramento ut xinye nak li tenamit Bosra ta̱sachekꞌ ru ut xucuajel chic rilbal ta̱cana̱k. Tzꞌekta̱nanbilak ut majecuanbilak. Chixjunileb li tenamit li cuanqueb chi xjun sutam teꞌsachekꞌ ruheb chi junaj cua, chan li Dios.

1 Reyes 9:8

Li ani teꞌnumekꞌ aran teꞌsachk xchꞌo̱leb ut teꞌxseꞌe li templo li qꞌuebil xlokꞌal ut teꞌxye, “¿Cꞌaꞌut nak li Ka̱cuaꞌ xba̱nu chi joꞌcaꞌin re li tenamit aꞌin ut re li templo aꞌin?” chaꞌkeb.

San Marcos 15:29

Ut eb li tenamit nak queꞌnumeꞌ aran queꞌxhob li Jesús. Queꞌrecꞌasi xjolomeb ut queꞌxye: —La̱at peꞌ xatjucꞌuc raj re rochoch li Dios, ut yal chiru oxib cutan raj xayi̱b cuiꞌchic.

Isaías 37:22

Li cuanqueb saꞌ li tenamit Jerusalén chanchan jun li tukꞌ ixk yo̱ cha̱seꞌenquil ut yo̱ cha̱hobbal, at Senaquerib. Li cuanqueb saꞌ tenamit Jerusalén nequeꞌrecꞌasi lix jolomeb cha̱hobbal nak yo̱cat chi e̱lelic.

Ezequiel 12:19

Ta̱ye reheb li tenamit li cuanqueb saꞌ li naꞌajej aꞌin: Aꞌan aꞌin li naxye li nimajcual Dios chirixeb li cuanqueb Jerusalén ut chirix li naꞌajej Israel. Teꞌtzaca̱nk chi yo̱keb xxiu. Ut chi yo̱keb xcꞌaꞌux teꞌucꞌak xban nak ta̱isi̱k saꞌ li naꞌajej chixjunil li cuan aran. Ma̱cꞌaꞌ chic ta̱cana̱k xban lix ma̱usilaleb li cuanqueb saꞌ li tenamit aꞌan.

Ezequiel 6:14

La̱in tinsach ru lix naꞌajeb li teꞌcua̱nk cuiꞌ. Ma̱cꞌaꞌ chic cua̱nk chi saꞌ. Li naꞌajej chanchanak chic li chaki chꞌochꞌ naticla chak saꞌ li sur ut nacuulac cuan cuiꞌ li naꞌajej Diblat re nak eb laj Israel teꞌxqꞌue retal nak la̱in li Ka̱cuaꞌ.—

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Salmos 44:14

Xoa̱qꞌue chi seꞌe̱c xbaneb li tenamit li nequeꞌlokꞌonin jalanil dios. Chanchano chic li batzꞌul chiruheb. Nequeꞌrecꞌasi lix jolomeb nak nocoeꞌril.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Deuteronomio 28:59

li Ka̱cuaꞌ le̱ Dios tixqꞌue xtzꞌakob li raylal saꞌ e̱be̱n. Tixqꞌue li caki yajel saꞌ e̱be̱n ut incꞌaꞌ chic ta̱e̱lk. Kꞌaxal yibru li yajel li tixqꞌue saꞌ e̱be̱n ut saꞌ xbe̱neb ajcuiꞌ le̱ ralal e̱cꞌajol.

Levítico 26:43

Ma̱ ani chic cua̱nk aran ut li chꞌochꞌ ta̱sahokꞌ saꞌ xchꞌo̱l chi hila̱nc. Tento nak la̱ex aj Israel te̱cꞌu̱luban saꞌ e̱be̱n xtojbal rix li ma̱c queba̱nu nak quekꞌet lin chakꞌrab ut xicꞌ queril li quexintakla cuiꞌ.

Levítico 26:32

La̱in tinsach ru le̱ naꞌaj. Ut teꞌsach xchꞌo̱leb li xicꞌ nequeꞌiloc e̱re li cuanqueb aran.

Salmos 109:25

Nak niquineꞌril li tenamit, niquineꞌxseꞌe. Nequeꞌrecꞌasi lix jolomeb ut niquineꞌxhob.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 44:12

La̱in tinsacheb chixjunileb laj Judá li incꞌaꞌ queꞌsacheꞌ ruheb junxil. Tinsacheb chixjunileb li teꞌxqꞌue xchꞌo̱l chi xic chi cua̱nc Egipto. Jun xxiquic, joꞌ li cuanqueb xcuanquil, joꞌ eb li ma̱cꞌaꞌeb xcuanquil, telajeꞌca̱mk aran Egipto. Cuan li teꞌca̱mk saꞌ li ple̱t ut cuan li teꞌca̱mk xban cueꞌej. Xucuajel rilbal li teꞌxcꞌul. Teꞌhobekꞌ ut teꞌmajecua̱k xbaneb li tenamit ut teꞌseꞌe̱k.

Jeremías 48:27

La̱ex aj Moab, ¿ma incꞌaꞌ ta biꞌ xehobeb laj Israel? ¿Ma queꞌtaꞌeꞌ ta biꞌ laj Israel chi elkꞌa̱c? ¿Ma xban ta biꞌ aꞌan nak nequehobeb?

Jeremías 49:17

Xucuajel chic rilbaleb laj Edom teꞌcana̱k. Chixjunileb li teꞌnumekꞌ aran teꞌsach xchꞌo̱leb ut teꞌxhob xban li cꞌaꞌru teꞌxcꞌul.

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.

Ezequiel 27:36

Eb laj yaconel li cua̱nkeb saꞌ li xni̱nkal ru tenamit teꞌsachk xchꞌo̱l ut teꞌxucuak chirilbal li cꞌaꞌru xeꞌxcꞌul. Ta̱sachekꞌ e̱ru ut incꞌaꞌ chic texcua̱nk.—

Ezequiel 36:3

Ta̱ye resil li cꞌaꞌru ta̱cꞌulma̱nk ut ta̱ye chi joꞌcaꞌin: Aꞌan aꞌin li naxye li nimajcual Dios. Eb li xni̱nkal ru tenamit li cuanqueb che̱jun sutam queꞌnumta saꞌ e̱be̱n ut queꞌxsach e̱ru ut xeꞌrelkꞌa li cꞌaꞌru e̱re. Joꞌcan nak quexhobeꞌ ut quexseꞌe̱c xbaneb li jalan xtenamiteb.

2 Crónicas 29:8

Joꞌcan nak quichal xjoskꞌil li Ka̱cuaꞌ saꞌ xbe̱neb laj Judá ut saꞌ xbe̱neb laj Jerusalén. Quixqꞌueheb chi seꞌe̱c ut chi hobecꞌ. Ut xiu xiu rilbaleb quixcanabeb joꞌ yo̱quex chirilbal la̱ex anakcuan.

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Jeremías 51:43

Ma̱cꞌaꞌ chic ta̱cana̱k saꞌ eb li tenamit li cuanqueb Babilonia. Ma̱ ani chic teꞌcua̱nk aran ut ma̱ ani chic teꞌnumekꞌ saꞌ li naꞌajej aꞌan.