Jeremías 18:15 - Li Santil hu15 Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu. အခန်းကိုကြည့်ပါ။Q'eqchi Bible15 Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru. အခန်းကိုကြည့်ပါ။ |
At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.
Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.
Incꞌaꞌ queꞌraj xba̱nunquil li cꞌaꞌru caye reheb chi moco queꞌjulticoꞌ reheb li xni̱nkal ru milagro caba̱nu chak reheb junxil. Queꞌxcacuubresi ban xchꞌo̱leb ut queꞌxkꞌetkꞌeti ribeb cha̱cuu. Xban xcacuil xchꞌo̱leb queꞌoc xsicꞌbal junak re ta̱cꞌamok be chiruheb re teꞌsukꞌi̱k cuiꞌchic Egipto. Abanan la̱at, at Dios, kꞌaxal nim la̱ cuyum. Incꞌaꞌ nacatjoskꞌoꞌ saꞌ junpa̱t. Kꞌaxal cha̱bilat ut nacat-uxta̱nan u. Joꞌcan nak incꞌaꞌ catzꞌekta̱naheb.