Jeremías 18:10 - Li Santil hu

¹⁰ Abanan, cui eb li tenamit aꞌan nequeꞌxkꞌet li cua̱tin ut nequeꞌxba̱nu li ma̱usilal, incꞌaꞌ chic tinba̱nu usilal reheb li xincꞌoxla xba̱nunquil, chan li Ka̱cuaꞌ Dios.

Q'eqchi Bible

¹⁰ Ab'anan wi li tenamit a'an naxb'aanu li ink'a' nawulak chiwu ut ink'a' naxpaab' li waatin, laa'in taach'inanq inch'ool chi xb'aanunkil li usilal xink'oxla xb'aanunkil re.

Jeremías 18:10 ပူးပေါင်းရင်းမြစ်များ

Ezequiel 33:18

Nak junak li ti̱c xchꞌo̱l tixjal xcꞌaꞌux ut tixcanab xba̱nunquil li ti̱quilal ut tixba̱nu li incꞌaꞌ us, aꞌan ta̱ca̱mk xban li ma̱c li tixba̱nu.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

1 Samuel 13:13

Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

1 Samuel 15:35

Ut laj Samuel incꞌaꞌ chic co̱ chirilbal laj Saúl chalen toj nak quicam. Abanan cꞌajoꞌ nak quirahoꞌ xchꞌo̱l xban. Ut li Ka̱cuaꞌ Dios quiyotꞌeꞌ xchꞌo̱l nak quixxakab laj Saúl chokꞌ xreyeb laj Israel.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Ezequiel 45:20

Saꞌ li xcuuk li cutan re li po ta̱qꞌue cuiꞌchic li mayej re xtzꞌa̱manquil xcuybal lix ma̱queb li teꞌma̱cobk chi incꞌaꞌ xeꞌxqꞌue retal ut chi incꞌaꞌ yal queꞌraj xchꞌo̱l. Riqꞌuin aꞌin santobresinbilak li templo.

Números 14:34

Chiru caꞌcꞌa̱l chihab yo̱kex chi be̱c saꞌ li chaki chꞌochꞌ re xtojbal rix le̱ ma̱c. Jun chihab te̱toj cuiꞌ rix li ju̱nk cutan nak quexcuulac chak xqꞌuebal retal li naꞌajej. La̱ex te̱qꞌue retal nak li ani nakꞌetoc re li cua̱tin, tento nak tixtoj rix lix ma̱c.

Números 14:23

Joꞌcan nak incꞌaꞌ teꞌril li cha̱bil naꞌajej li quinyechiꞌi reheb lix xeꞌto̱nil yucuaꞌeb. Ma̱ jun reheb li xeꞌqꞌuehoc injoskꞌil teꞌoc saꞌ li cha̱bil naꞌajej li quinyechiꞌi reheb.

Ezequiel 33:12

At ralal cui̱nk, ta̱ye reheb la̱ cuech tenamitil nak lix ti̱quilal li ti̱c xchꞌo̱l incꞌaꞌ tixcol aꞌan nak ta̱ma̱cobk, chi moco ta̱sachekꞌ ru xban li ma̱usilal li quixba̱nu cui tixjal xcꞌaꞌux ut tixcanab xba̱nunquil li ma̱usilal. Cui junak ti̱c xchꞌo̱l ta̱oc chi ma̱cobc, aꞌan incꞌaꞌ ta̱colekꞌ xban li ti̱quilal li quixba̱nu junxil.