Jeremías 17:8 - Li Santil hu

⁸ Ut chanchanak jun li cheꞌ aubil chire li haꞌ. Lix xeꞌ naxtau li haꞌ ut incꞌaꞌ nachakic saꞌ sakꞌehil. Junelic rax ru lix xak. Li cheꞌ aꞌan incꞌaꞌ nachakic nak incꞌaꞌ naxqꞌue li hab. Junelic nau̱chin saꞌ xkꞌehil.

Q'eqchi Bible

⁸ Chanchanaq jun toon chi che' awb'il chire nima', li naxe'enk toj sa' roq li nima'. Maak'a' naxk'ul naq natiqwo'k li saq'e, chi moko natz'umaak li xxaq; ink'a' nak'oxlak naq nawulak li saq'ehil ut maajun wa naxkanab' li uuchink.

Jeremías 17:8 ပူးပေါင်းရင်းမြစ်များ

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

Ezequiel 47:12

Ut chire li nimaꞌ saꞌ xcaꞌ pacꞌalil teꞌcua̱nk qꞌuila pa̱y ru li cheꞌ teꞌu̱chi̱nk. Li cheꞌ aꞌan incꞌaꞌ teꞌtꞌanekꞌ lix xak ut incꞌaꞌ teꞌxcanab u̱chi̱nc. Rajlal teꞌu̱chi̱nk saꞌ xkꞌehil xban nak cuanqueb chire li nimaꞌ li na-el saꞌ li templo. Li cheꞌ aꞌan teꞌu̱chi̱nk ut li ru ta̱loꞌekꞌ ut lix xak ta̱cꞌanjelak chokꞌ ban.—

Li xHu LAJ JOB 8:16

Eb li incꞌaꞌ useb xnaꞌleb chanchaneb li pim li rax rax ru, li naxcuy xtikcual li sakꞌe. Naxhel rib saꞌ xbe̱n li naꞌajej aubil cuiꞌ li utzꞌuꞌuj.

Li xHu LAJ JOB 29:19

Cꞌajoꞌak xsahil saꞌ inchꞌo̱l. Chanchanakin jun to̱n li cheꞌ aubil chire li nimaꞌ. Ut li rukꞌ natꞌakresi̱c xban li xchuꞌque natꞌaneꞌ chi kꞌek.

Proverbios 11:28

Li ani naxcꞌojob xchꞌo̱l saꞌ xbe̱n lix biomal ta̱osokꞌ joꞌ nak na-osoꞌ li chaki kꞌe̱n. Abanan li ti̱queb xchꞌo̱l cha̱bil cua̱nkeb. Chanchanakeb jun to̱n li cheꞌ rax rax ru.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Jeremías 39:18

La̱in tincolok a̱cue re nak incꞌaꞌ tatcamsi̱k saꞌ li ple̱t. La̱at tatcana̱k chi yoꞌyo xban nak cacꞌojob a̱chꞌo̱l cuiqꞌuin, chan li Ka̱cuaꞌ.

Ezequiel 31:3

Cꞌoxla li tenamit Asiria. Chanchan jun li chacalteꞌ aran Líbano, li cꞌajoꞌ xchꞌinaꞌusal li rukꞌ. Nim xmu nak nequeꞌxhel rib saꞌ xbe̱n li qꞌuicheꞌ. Kꞌaxal najt xteram. Chanchan nak li ruꞌuj nacuulac toj takecꞌ saꞌ chok.