Jeremías 17:3 - Li Santil hu3 Ut quelokꞌoniheb li yi̱banbil dios saꞌ eb li tzu̱l ut saꞌ eb li cꞌaleba̱l. La̱in tincanab chi elkꞌa̱c le̱ biomal xbaneb li xicꞌ nequeꞌiloc e̱re. Teꞌrelkꞌa li cꞌaꞌru e̱re xban li ma̱usilal xeba̱nu saꞌ eb li naꞌajej li najt xteram li cuan saꞌ chixjunil le̱ naꞌaj. အခန်းကိုကြည့်ပါ။Q'eqchi Bible3 jo' ajwi' sa' xjolomeb' li tzuul ut chiru taq'a. Chixjunil laaweechanihom ut laab'ihomal tink'e chi elq'aak xb'aan li maak li xab'aanu sa'eb' li tijob'aal chi tzuul ut sa' chixjunileb' laana'aj. အခန်းကိုကြည့်ပါ။ |
Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.
Quicꞌulman joꞌ quixye li Ka̱cuaꞌ. Li rey Nabucodonosor quirisi saꞌ lix templo li Ka̱cuaꞌ chixjunil li terto xtzꞌak ut quixcꞌam chokꞌ re. Ut quixcꞌam ajcuiꞌ li terto xtzꞌak li cuan saꞌ li rochoch li rey. Ut quixcꞌam ajcuiꞌ chixjunil li nacꞌanjelac saꞌ lix templo li Ka̱cuaꞌ li quixyi̱b riqꞌuin oro laj Salomón lix reyeb laj Israel.
Tatincanab saꞌ rukꞌeb li cui̱nk li queꞌcuan a̱cuiqꞌuin ut eb aꞌan teꞌxjuqꞌuiheb li naꞌajej li najt xteram li nacalokꞌoni cuiꞌ li jalanil dios. Ut teꞌxjuqꞌuiheb ajcuiꞌ li artal. Eb aꞌan teꞌxmakꞌ cha̱cuu la̱ cha̱bil akꞌ ut eb li pec li terto xtzꞌak. Ut la̱at tatcana̱k chi tꞌustꞌu chi ma̱cꞌaꞌ chic cuan a̱cue.
Joꞌcaꞌin ta̱ye reheb li tzu̱l li cuanqueb Israel: Cherabihak li ra̱tin li Ka̱cuaꞌ. Joꞌcaꞌin xye li Ka̱cuaꞌ reheb li tzu̱l ut eb li bol joꞌ ajcuiꞌ eb li nimaꞌ ut eb li ru takꞌa. La̱in tintakla chak saꞌ e̱be̱n li raylal. Tinsach ruheb saꞌ li ple̱t li naꞌajej li najteb xteram li nequeꞌxlokꞌoni cuiꞌ li jalanil dios.