Jeremías 17:23 - Li Santil hu

²³ Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb ut incꞌaꞌ queꞌxcꞌul lix kꞌusbaleb li quinqꞌue.

Q'eqchi Bible

²³ A'ut eb' a'an ink'a' kine'xpaab' chi moko ke'raj wab'inkil, ke'xjipi b'an chik rib' re naq ink'a' kine'xpaab' chi moko ke'raj q'use'k.

Jeremías 17:23 ပူးပေါင်းရင်းမြစ်များ

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Sofonías 3:7

Li Ka̱cuaꞌ quixye: —Saꞌ inchꞌo̱l la̱in nak riqꞌuin aꞌin tineꞌxxucua laj Jerusalén ut teꞌxcꞌul lix kꞌusbaleb li xinqꞌue, re nak incꞌaꞌ tinsach ru lix tenamiteb. Abanan kꞌaxal cuiꞌchic queꞌxba̱nu li ma̱usilal.

Ezequiel 20:21

Abanan eb li ralal xcꞌajoleb queꞌxkꞌetkꞌeti ajcuiꞌ ribeb chicuu. Queꞌxkꞌet lin chakꞌrab ut incꞌaꞌ queꞌxba̱nu li cꞌaꞌru quinye, usta cua̱nk xyuꞌam li ani naxba̱nu lin chakꞌrab. Queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb nak cuanqueb saꞌ li chaki chꞌochꞌ.

Jeremías 32:33

Xineꞌxtzꞌekta̱na xban nak incꞌaꞌ queꞌraj rabinquil lix kꞌusbaleb. La̱in rajlal xincꞌut lix ya̱lal chiruheb, abanan incꞌaꞌ queꞌabin chicuu.

Isaías 48:4

La̱in xinba̱nu chi joꞌcan xban nak ninnau nak la̱ex incꞌaꞌ nequetau xya̱lal. Cau e̱chꞌo̱l. Chanchan xcacuil li chꞌi̱chꞌ hierro ut bronce.

Ezequiel 20:16

Quinba̱nu li juramento aꞌan xban nak queꞌxtzꞌekta̱na lin chakꞌrab. Incꞌaꞌ queꞌxba̱nu li cꞌaꞌru quinye. Queꞌxmux ban ru li hiloba̱l cutan. Ut queꞌxqꞌue xchꞌo̱leb chixlokꞌoninquil li jalanil dios.

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Jeremías 7:28

La̱at ta̱ye reheb: La̱ex aj Israel, la̱ex jun li tenamit li incꞌaꞌ xeba̱nu li cꞌaꞌru xye e̱re li Ka̱cuaꞌ. Incꞌaꞌ xecꞌu̱luban le̱ kꞌusbal xqꞌue e̱re li Ka̱cuaꞌ le̱ Dios. Incꞌaꞌ nequexcuan saꞌ xya̱lal, chi moco nequeye li ya̱l.

Jeremías 6:8

Qꞌuehomak e̱chꞌo̱l chi cua̱nc saꞌ ti̱quilal la̱ex aj Jerusalén re nak la̱in incꞌaꞌ texincanab e̱junes, ut re ajcuiꞌ nak incꞌaꞌ tinsukꞌisi le̱ naꞌaj chokꞌ chaki chꞌochꞌ ut incꞌaꞌ chic teꞌcua̱nk cristian aran.

Proverbios 8:10

Me̱sicꞌ li cha̱bil plata chi moco li oro. Chesicꞌ ban li cha̱bil naꞌleb ut le̱ tijbal.

Proverbios 5:12

Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

Proverbios 1:3

Eb li a̱tin aꞌin teꞌxtenkꞌaheb li cristian chixnaubal bar cuan li us ut bar cuan li incꞌaꞌ us. Tixtenkꞌaheb chi cua̱nc saꞌ ti̱quilal ut chi cua̱nc saꞌ cha̱bilal.

Salmos 50:17

Incꞌaꞌ nacuulac che̱ru nak nequexinkꞌus chi moco nequeqꞌue xcuanquil li cua̱tin.

Jueces 6:10

Ut quinye ajcuiꞌ e̱re nak la̱in li Ka̱cuaꞌ le̱ Dios. Quinye e̱re nak incꞌaꞌ te̱lokꞌoni lix dioseb laj amorreo li cuanqueb saꞌ li naꞌajej li xex-oc cuiꞌ chi cua̱nc. Abanan la̱ex incꞌaꞌ queba̱nu li cꞌaꞌru quinye e̱re,” chan li Dios.—

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.