Jeremías 17:20 - Li Santil hu

²⁰ Ta̱ye reheb chi joꞌcaꞌin, “Cherabihak li cꞌaꞌru oc re chixyebal li Ka̱cuaꞌ, che̱junilex la̱ex aj Judá ut eb le̱ rey, joꞌ ajcuiꞌ la̱ex li cuanquex Jerusalén, li nequexnumeꞌ saꞌ eb li oqueba̱l aꞌin.

Q'eqchi Bible

²⁰ Ye reheb' chi jo'ka'in: «Ex awab'ej re Judá ut chejunilex li wankex sa' xteepal Judá, chejunilex li wankex Jerusalén li nekex'ok ut nekex'elk sa'eb' li okeb'aal a'in, ab'ihomaq li raatin li Qaawa'.

Jeremías 17:20 ပူးပေါင်းရင်းမြစ်များ

Jeremías 19:3

Ta̱ye reheb, “La̱ex lix reyeb laj Judá ut la̱ex li cuanquex Jerusalén, cherabi li cꞌaꞌru naxye li Ka̱cuaꞌ. Li Ka̱cuaꞌ li nimajcual Dios li nequeꞌxlokꞌoni eb laj Israel naxye chi joꞌcaꞌin: Qꞌuehomak retal. La̱in tinqꞌue jun li raylal saꞌ li naꞌajej aꞌin. Ut ta̱rahokꞌ saꞌ xxiqueb chirabinquil li cꞌaꞌru tinba̱nu.

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

Jeremías 22:2

“At rey, la̱at lix reyeb laj Judá. La̱at chunchu̱cat saꞌ xcꞌojariba̱l laj David. Chacuabihak li a̱tin aꞌin la̱at, joꞌ eb ajcuiꞌ li nequeꞌcꞌanjelac cha̱cuu ut chixjunileb la̱ tenamit li nequeꞌnumeꞌ saꞌ eb li oqueba̱l aꞌin.

Apocalipsis 2:29

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Tiatira.

Miqueas 3:1

Ut quixye laj Miqueas: —Abihomak anakcuan la̱ex li nequexcꞌamoc be saꞌ xya̱nkeb li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb li ralal xcꞌajol laj Israel. ¿Ma incꞌaꞌ ta biꞌ tento ajcuiꞌ saꞌ e̱be̱n la̱ex xtaubal ru li ti̱quilal?

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Jeremías 13:18

Yehomak resil re li rey ut re li reina, “Cubsihomak e̱rib ut chunlankex saꞌ chꞌochꞌ xban nak xcuulac xkꞌehil nak ta̱isi̱k le̱ corona.”

Jeremías 17:19

Li Ka̱cuaꞌ quixye cue: —Ayu ut ta̱xakab a̱cuib saꞌ li oqueba̱l re li tenamit Jerusalén, li nequeꞌnumeꞌ cuiꞌ li cristian joꞌ eb ajcuiꞌ lix reyeb laj Judá. Chirix aꞌan tatxic ut tatxakli̱k chire li jun chꞌol chic li oqueba̱l.

Jeremías 19:4

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.

Jeremías 21:11

Li Ka̱cuaꞌ quixye cue nak tinye reheb li ralal xcꞌajol laj David chi joꞌcaꞌin: