Jeremías 17:1 - Li Santil hu

¹ Li Ka̱cuaꞌ quixye: —La̱ex aj Judá, tzꞌi̱banbil retalil le̱ ma̱c. Chanchan nak juchꞌbil riqꞌuin chꞌi̱chꞌ. Chanchan nak tzꞌi̱banbil retalil chiru le̱ ra̱m riqꞌuin jun li terto̱quil pec diamante. Ut chanchan nak tzꞌi̱banbil ajcuiꞌ retalil chiru li xucub li cuan saꞌ xxuc li artal.

Q'eqchi Bible

¹ “Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Jeremías 17:1 ပူးပေါင်းရင်းမြစ်များ

Proverbios 3:3

Me̱canab xpa̱banquil li ya̱l. Junelic ban cua̱nk saꞌ e̱chꞌo̱l. Me̱canab li uxta̱na̱nc u. Junelic ban cua̱nkex saꞌ ti̱quilal re nak ta̱cꞌutu̱nk nak cha̱bil le̱ naꞌleb.

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

Proverbios 7:3

Chebacꞌ chiru le̱ rukꞌ re nak junelic yo̱kex chirilbal. Ut junelic cua̱nk saꞌ le̱ chꞌo̱l.

Levítico 4:25

Chirix aꞌan, laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li ta̱elaꞌa̱nk tixhoy saꞌ xto̱n li artal.

Oseas 12:11

—¿Ma incꞌaꞌ ta biꞌ numtajenak li ma̱c aran Galaad? Relic chi ya̱l nak numtajenak li ma̱c. Aran Gilgal nequeꞌxmayeja li cuacax. Abanan ta̱cuulak xkꞌehil nak ma̱cꞌaꞌ chic teꞌoc cuiꞌ lix artaleb. Chanchan li pec yal tu̱btu teꞌcana̱k saꞌ lix naꞌajeb.

Isaías 49:16

Junelic ban cua̱nkex saꞌ inchꞌo̱l. Chanchan nak tzꞌi̱banbil le̱ cꞌabaꞌ saꞌ li cuukꞌ. Junelic cuan saꞌ inchꞌo̱l li tzꞌac li sutsu cuiꞌ le̱ tenamit.

Jeremías 2:22

Usta te̱chꞌaj e̱rib riqꞌuin lejía, malaj ut riqꞌuin nabal li xabo̱n, abanan le̱ ma̱c junelic cua̱nk chicuu. Incꞌaꞌ chic ta̱e̱lk.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Zacarías 7:12

Queꞌxcacuubresi lix chꞌo̱leb. Chanchan li cacuil pec diamante xcꞌabaꞌ. Ut incꞌaꞌ queꞌraj rabinquil li a̱tin li musikꞌanbil xban li Ka̱cuaꞌ, li quiyeheꞌ reheb xbaneb li profeta junxil. Joꞌcan nak cꞌajoꞌ nak quichal xjoskꞌil li nimajcual Dios saꞌ xbe̱neb.

Jeremías 11:13

La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Oseas 8:11

Eb li ralal xcꞌajol laj Efraín queꞌxyi̱b nabal li artal ut caꞌaj cuiꞌ re ma̱cobc quicꞌanjelac cuiꞌ reheb.