Jeremías 16:6 - Li Santil hu

⁶ Chixjunileb li cuanqueb saꞌ li naꞌajej aꞌin teꞌca̱mk, joꞌ li cuanqueb xcuanquil, joꞌ li ma̱cꞌaꞌeb xcuanquil. Ma̱ ani ta̱mukuk reheb, ut ma̱ ani ta̱rahokꞌ xchꞌo̱l chirixeb. Incꞌaꞌ teꞌxjo li rismal xjolomeb, chi moco teꞌxset xtibeleb xban xrahil xchꞌo̱leb.

Q'eqchi Bible

⁶ Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

Jeremías 16:6 ပူးပေါင်းရင်းမြစ်များ

Deuteronomio 14:1

La̱ex ralal xcꞌajol li Ka̱cuaꞌ le̱ Dios. Joꞌcan nak incꞌaꞌ te̱set le̱ tibel xban xrahil e̱chꞌo̱l chirix junak camenak, chi moco te̱jo le̱ rismal li cuan saꞌ xbe̱n le̱ pe̱quem.

Jeremías 47:5

Eb li cuanqueb Gaza teꞌxbes li rismal xjolomeb xban xrahil xchꞌo̱leb. Eb laj Ascalón incꞌaꞌ chic teꞌecꞌa̱nk. ¿Jokꞌe te̱canab xsetbal le̱ tibel retalil xrahil e̱chꞌo̱l?

Jeremías 41:5

queꞌcuulac Mizpa ca̱cꞌa̱l chi cui̱nk li queꞌchal chak Siquem, Silo, ut Samaria. Jobil lix macheb ut pejel li rakꞌeb ut setinbil lix tibeleb retalil lix rahil xchꞌo̱leb. Queꞌxcꞌam li ru li trigo ut li pom re teꞌmayejak saꞌ li templo.

Levítico 19:28

Me̱set le̱ tibel xban xrahil e̱chꞌo̱l chirix junak camenak. Ut incꞌaꞌ te̱qꞌue e̱retalil saꞌ le̱ tibel. La̱in li Ka̱cuaꞌ le̱ Dios xinyehoc re aꞌin.

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Apocalipsis 6:15

Ut chixjunileb quilajeꞌxmuk ribeb xbaneb xxiu. Queꞌxmuk ribeb li rey ut eb li cuanqueb xcuanquil, joꞌqueb ajcuiꞌ li nequeꞌtaklan saꞌ xbe̱neb li soldado. Queꞌxmuk ribeb li biom joꞌqueb ajcuiꞌ li cauheb rib, joꞌqueb ajcuiꞌ li lokꞌbil mo̱s joꞌ ajcuiꞌ li ma̱cꞌaꞌeb xpatrón. Queꞌxmuk ribeb saꞌ li ochoch pec ut saꞌ xya̱nkeb li ni̱nki pec li cuanqueb saꞌ tzu̱l.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 13:13

Ut la̱at ta̱ye reheb, “Joꞌcaꞌin xye li Ka̱cuaꞌ. Nak tinqꞌue li raylal saꞌ xbe̱neb, chanchan nak tinqꞌueheb chirucꞌ li vino ut chanchan nak teꞌcala̱k chixjunileb li cuanqueb saꞌ li naꞌajej aꞌin, joꞌ eb ajcuiꞌ li rey li ralal xcꞌajoleb laj David, eb laj tij ut eb li profetas, joꞌ eb ajcuiꞌ laj Jerusalén.

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Isaías 24:2

Juntakꞌe̱t li raylal teꞌxcꞌul chixjunileb. Juntakꞌe̱t li raylal teꞌxcꞌul laj tij riqꞌuin li teꞌxcꞌul li tenamit. Juntakꞌe̱t li raylal teꞌxcꞌul li mo̱s riqꞌuin li teꞌxcꞌul lix patrón. Juntakꞌe̱t li raylal li teꞌxcꞌul li nequeꞌcꞌayin riqꞌuin li teꞌxcꞌul li nequeꞌlokꞌoc. Ut juntakꞌe̱t li raylal li teꞌxcꞌul li nequeꞌqꞌuehoc toꞌ tumin riqꞌuineb li nequeꞌcꞌuluc tumin chi toꞌ. Ut juntakꞌe̱t li raylal li teꞌxcꞌul li nebaꞌ riqꞌuin li teꞌxcꞌul li biom.

Apocalipsis 20:12

Ut queꞌcuil chixjunileb li camenak, joꞌ ni̱nk joꞌ cocꞌ, xakxo̱queb chiru li chunchu saꞌ li cꞌojariba̱l. Ut queꞌteli li hu li tzꞌi̱banbil cuiꞌ lix yehom xba̱nuhomeb. Ut quiteheꞌ ajcuiꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut quirakeꞌ a̱tin saꞌ xbe̱neb li camenak aꞌ yal chanru lix yehom xba̱nuhomeb joꞌ tzꞌi̱banbil retalil saꞌ li hu.

Amós 6:11

Quixye chi joꞌcan xban nak li Ka̱cuaꞌ quixye nak teꞌosokꞌ li ni̱nkeb xcuanquil joꞌqueb ajcuiꞌ li ma̱cꞌaꞌeb xcuanquil. Jun xiquic nak teꞌosokꞌ chixjunileb.

San Mateo 9:23

Chirix chic aꞌan li Jesús co̱ saꞌ rochoch laj Jairo. Nak quicuulac saꞌ li rochoch, quirileb li yo̱queb chixya̱basinquil li xo̱lb ut li japjo̱queb re chi ya̱bac xban xcamic li xkaꞌal.

2 Crónicas 36:17

Xban lix ma̱usilaleb laj Judá, li Ka̱cuaꞌ quixcanab lix reyeb laj Babilonia chi numta̱c saꞌ xbe̱neb. Queꞌxcamsiheb chi chꞌi̱chꞌ saꞌ li templo li toj sa̱jeb. Incꞌaꞌ queꞌril xtokꞌoba̱l ruheb li sa̱j cui̱nk ut li sa̱j ixk, chi moco queꞌril xtokꞌoba̱l ruheb li ti̱xeb ut eb li incꞌaꞌ nequeꞌbe̱c. Quixkꞌaxtesiheb ban chixjunileb saꞌ rukꞌ lix reyeb laj Babilonia.

Levítico 19:27

Me̱bes li rismal le̱ jolom chixcꞌatk le̱ xicꞌ, chi moco te̱set ruꞌuj le̱ mach.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.