Jeremías 16:21 - Li Santil hu

²¹ Li Dios quixye: —Joꞌcan nak la̱in tincꞌutbesi lin cuanquil chiruheb ut teꞌxqꞌue retal nak nim incuanquil. Ut teꞌxqꞌue ajcuiꞌ retal nak “Ka̱cuaꞌ Dios” incꞌabaꞌ.—

Q'eqchi Bible

²¹ “Jo'kan naq anaqwan tink'ut chiruheb' linloq'al ut linwankil, re naq te'xnaw naq Nimajwal Yos nink'ab'a'in”, chan li Qaawa'.

Jeremías 16:21 ပူးပေါင်းရင်းမြစ်များ

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Jeremías 33:2

Li Ka̱cuaꞌ li quiyi̱ban re li ruchichꞌochꞌ ut quixxakab saꞌ xnaꞌaj, li nimajcual Dios xcꞌabaꞌ, quixye re laj Jeremías:

Salmos 83:18

re nak chixjunileb teꞌxnau nak caꞌaj cuiꞌ la̱at li nimajcual Dios li cuan a̱cuanquil saꞌ xbe̱n chixjunil li ruchichꞌochꞌ.

Amós 5:8

Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Isaías 43:3

La̱in li Ka̱cuaꞌ le̱ Dios. La̱in le̱ santil Dios la̱ex aj Israel. La̱in laj Colol e̱re. La̱in xinkꞌaxtesiheb laj Egipto chokꞌ e̱ru̱chil la̱ex ut xinqꞌueheb laj Etiopía ut laj Seba chokꞌ e̱re̱kaj.

Éxodo 15:3

Li Dios numtajenak xcuanquil saꞌ xbe̱neb li xicꞌ nequeꞌiloc ke. Ka̱cuaꞌ Dios xcꞌabaꞌ.

Ezequiel 25:14

Saꞌ incꞌabaꞌ la̱in eb lin tenamit Israel teꞌxqꞌue re̱kaj li ma̱usilal li queꞌxba̱nu laj Edom. Eb laj Edom teꞌrecꞌa xrahil lin joskꞌil ut teꞌxnau nak la̱in xinqꞌuehoc re̱kaj li ma̱usilal queꞌxba̱nu, chan li Ka̱cuaꞌ Dios.

Ezequiel 24:27

Saꞌ li cutan aꞌan tat-oc chi a̱tinac. Moco la̱atak ta chic mem. Tat-a̱tinak riqꞌuin li cui̱nk. Chi joꞌcan la̱atak jun retalil chiruheb li tenamit. Ut teꞌxqꞌue retal nak la̱in li nimajcual Dios.—

Ezequiel 24:24

Li Ka̱cuaꞌ Dios quixye: —Li cꞌaꞌru quixcꞌul laj Ezequiel, aꞌan retalil li cꞌaꞌru te̱cꞌul la̱ex. Nak acak xecꞌul li cꞌaꞌak re ru aꞌin, la̱ex te̱qꞌue retal nak la̱in li Ka̱cuaꞌ li nimajcual Dios.—

Ezequiel 6:7

Cuanqueb li teꞌcamsi̱k saꞌ e̱ya̱nk. Riqꞌuin aꞌin te̱qꞌue retal nak la̱in li Ka̱cuaꞌ.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

Éxodo 6:3

La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.