Jeremías 16:20 - Li Santil hu

²⁰ ¿Ma naru ta biꞌ teꞌxyi̱b lix dioseb li cristian? Naru nequeꞌxyi̱b, abanan moco tzꞌakal dioseb ta.”

Q'eqchi Bible

²⁰ Ma naru naq li winq tixyiib' junaq xyos? Moko yoseb' ta li xb'aanuhomeb' a'an”, cha'qeb'.

Jeremías 16:20 ပူးပေါင်းရင်းမြစ်များ

Isaías 37:19

Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.

Gálatas 4:8

Nak toj ma̱jiꞌ nequepa̱b chak li Dios, quelokꞌoniheb li ma̱cuaꞌeb tzꞌakal dios ut quexcꞌanjelac chak chiruheb.

Jeremías 2:11

¿Ma xeꞌxjal ta biꞌ lix dioseb li tenamit aꞌan? ¿Ma xeꞌxcanab ta biꞌ xlokꞌoninquil lix dioseb usta ma̱cuaꞌeb tzꞌakal dios? Abanan, la̱in xine̱tzꞌekta̱na la̱ex lin tenamit, usta la̱in li xinqꞌuehoc e̱lokꞌal. Aꞌ chic li yi̱banbil dios li ma̱cꞌaꞌ nequeꞌoc cuiꞌ nequelokꞌoni.

Gálatas 1:8

Usta la̱o, usta junak ángel ta̱cha̱lk saꞌ choxa chixyebal e̱re jalan tijleb chirix li evangelio chiru li ac xkachꞌolob che̱ru, tzꞌekta̱nanbilak taxak xban li Dios li ani ta̱ba̱nu̱nk re chi joꞌcaꞌin.

Hechos 19:26

Ac e̱rabiom resil nak laj Pablo ac xtacchiꞌi nabaleb li cuanqueb aran Éfeso joꞌ ajcuiꞌ saꞌ chixjunil li tenamit xcue̱nt Asia. Ac nequenau nak yo̱ chixyebal reheb nak moco dioseb ta li yal yi̱banbil xban cui̱nk.

Isaías 36:19

¿Bar cuan lix dioseb li tenamit Hamat ut Arfad? ¿Bar cuan lix dioseb li tenamit Sefarvaim? ¿Ma queꞌxcol ta biꞌ li tenamit Samaria saꞌ cuukꞌ la̱in?

Jeremías 5:7

Li Ka̱cuaꞌ quixye: —¿Chanru nak tincuy tinsach le̱ ma̱c? Eb le̱ ralal e̱cꞌajol xineꞌxtzꞌekta̱na ut xeꞌxba̱nu li juramento saꞌ xcꞌabaꞌeb li jalanil dios li moco dioseb ta. La̱in quinqꞌuehoc re li cꞌaꞌru queꞌraj. Abanan eb aꞌan xeꞌxlokꞌoniheb li jalanil dios. Chanchan nak queꞌxmux ru lix sumlajiqueb ut queꞌco̱eb riqꞌuineb li ixk li nequeꞌxcꞌayi ribeb.

Daniel 3:1

Li rey Nabucodonosor quixtakla xyi̱banquil riqꞌuin oro jun li nimla jalam u̱ch. Laje̱b xcaꞌcꞌa̱l metro rok ut oxib metro ru. Li jalam u̱ch aꞌan quixakaba̱c saꞌ li ru takꞌa re Dura xcue̱nt Babilonia.

2 Reyes 19:18

Queꞌxcꞌat lix dioseb xban nak moco tzꞌakal dioseb ta. Yal pec ut cheꞌ yi̱banbil xbaneb li cui̱nk. Joꞌcan nak queꞌsacheꞌ ruheb.