Jeremías 16:18 - Li Santil hu

¹⁸ Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

Q'eqchi Bible

¹⁸ Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

Jeremías 16:18 ပူးပေါင်းရင်းမြစ်များ

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.

Apocalipsis 18:6

Cheꞌqꞌuehekꞌ chixtoj li joꞌ qꞌuial li raylal xeꞌxba̱nu reheb li jalaneb xtenamit. Chiqꞌuehekꞌ re̱kaj li queꞌxba̱nu reheb. Caꞌ sut xqꞌuial li raylal ta̱ba̱nu̱k reheb chiru li queꞌxba̱nu eb aꞌan.

Ezequiel 11:21

Abanan eb li nequeꞌxic xchꞌo̱l chixba̱nunquil li yibru naꞌleb re xlokꞌoninquil li jalanil dios, la̱in tinqꞌueheb chixtojbal lix ma̱queb. La̱in li Ka̱cuaꞌ ninyehoc re aꞌin.—

Jeremías 17:18

Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.

Jeremías 2:7

La̱in quincꞌamoc reheb saꞌ li naꞌajej li na-el cuiꞌ nabal li acui̱mk re nak teꞌxtzaca li ru li cheꞌ ut li ru li cha̱bil acui̱mk li na-el aran. Abanan eb aꞌan incꞌaꞌ us queꞌxba̱nu. Queꞌxmux ban ru li naꞌajej li quinqꞌue reheb.

Ezequiel 11:18

Nak ac cua̱nkeb chic saꞌ lix naꞌajeb, teꞌrisi li yi̱banbil dios saꞌ xya̱nkeb ut incꞌaꞌ chic teꞌxba̱nu li yibru naꞌleb re xlokꞌoninquil li jalanil dios.

Jeremías 3:9

Xban nak eb laj Israel queꞌxlokꞌoni li jalanil dios, joꞌcan nak eb laj Judá incꞌaꞌ queꞌxcꞌoxla nak ma̱c li yo̱queb chixba̱nunquil. Queꞌxmux ru lix chꞌochꞌeb riqꞌuin li queꞌxba̱nu. Ut quineꞌxtzꞌekta̱na nak queꞌxlokꞌoni li dios yi̱banbil riqꞌuin pec ut cheꞌ.

Isaías 61:7

Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Isaías 24:5

Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Salmos 106:38

Ma̱cꞌaꞌeb xma̱c li ralal xcꞌajoleb, abanan queꞌxcamsi ut queꞌxmayeja lix quiqꞌuel chiruheb lix dioseb laj Canaán. Ut queꞌxmux ru li chꞌochꞌ riqꞌuin lix quiqꞌueleb.

Levítico 26:30

La̱in tintꞌan li naꞌajej li najt xteram li nequexlokꞌonin cuiꞌ. Ut tinjucꞌ li artal li nequecꞌat cuiꞌ le̱ pom. Ut la̱in tintu̱b le̱ camenak saꞌ xbe̱neb le̱ yi̱banbil dios, li moco yoꞌyo̱queb ta. Ut xicꞌ chic texcuil.

Isaías 65:6

Abanan chixjunil tzꞌi̱banbil retalil inban. Incꞌaꞌ tincanab yal chi joꞌcan li cꞌaꞌru nequeꞌxba̱nu. Tinqꞌueheb ban lix kꞌajca̱munquileb.

Jeremías 7:30

Eb li ralal xcꞌajol laj Judá queꞌxba̱nu li ma̱usilal. Queꞌxmux ru lin templo li niquineꞌxlokꞌoni cuiꞌ nak queꞌxqꞌue aran li jalanil dios li xicꞌ nacuileb.

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Ezequiel 5:11

La̱in li yoꞌyo̱quil Dios ninye riqꞌuin juramento nak la̱in tinsach e̱ru xban nak xemux ru lin templo xban chixjunil li ma̱usilal xeba̱nu. La̱in incꞌaꞌ tincuy e̱ma̱c chi moco tincuil xtokꞌoba̱l e̱ru.

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

Isaías 65:7

La̱in tinqꞌueheb chixtojbal rix li ma̱usilal li queꞌxba̱nu eb aꞌan joꞌ ajcuiꞌ li ma̱c li queꞌxba̱nu lix xeꞌto̱nil yucuaꞌeb nak queꞌxcꞌat li pom saꞌ eb li tzu̱l chiru lix artaleb ut quineꞌxtzꞌekta̱na. La̱in tinqꞌueheb lix kꞌajca̱munquil, chan li Dios.

Ezequiel 36:18

Xban nak yo̱ injoskꞌil saꞌ xbe̱neb, la̱in quinqꞌueheb chixtojbal xma̱queb xban li camsi̱nc li queꞌxba̱nu saꞌ li naꞌajej ut xban nak queꞌxmux ru li naꞌajej nak queꞌxlokꞌoniheb li jalanil dios.